Ruku 18:32 - Godoni vuʼa maiuʼina

³² 'Ene pu Hu apene Jenitaru mihe pu apene sipana asutie 'ee sise'i 'ahae 'ee chera pisotihuna.

Ruku 18:32 ပူးပေါင်းရင်းမြစ်များ

Matiu 16:21

'Enarena ijihuni vea kaji rene Jesu Kerisoho uneunecha mapoka ka'ene Hu Jerusaremi va'akame ea mama'ina pirisiti mama'ina Sikuraipi uneunecha ani ani vene hu sise'i 'aha'e 'anaa kwamareje na'ia no'opisu pa'areje 'urihuna Huni tisaiporu najahana.

Matiu 20:19

'Ene pu Hu apene Jenitaru mihe pu apene sipana asutie 'ee hijahe 'ee icha 'ahi raname nerui 'anahuna. 'Ejakame na'ia no'opisu pa'are'eje vukú'o 'urihuna 'iamana.

Matiu 22:6

'Ejumakivi'i ea 'aho'ijipo ijí pwehija kajija 'eke hijiha'e 'ee 'aniuma kwamasahara.

Matiu 26:67

'Ejumakame pu Hu cheri niuri 'otie 'ee haisi 'anae 'ee ea 'ahopo nonu tahijahara.

Matiu 27:2

'Enareja pu Hu kamomareja ahema va'e kwaa ara kaji 'ajohi'ina ka'ene Pairati mahara.

Maka 14:65

'Ejume ea 'aho'a Hu cheri 'otie 'ee urania hwamahe haisi 'anai'i ijá 'wava Irahipo 'anaukúne 'waruva heja 'wavara. 'Eji'i sorutiapo ninu tahijahara.

Maka 15:1

Sú'u sú'u vea mai'o ahara sa'eme pirisiti mama'ina 'ee emaina 'ee Sikuraipia 'ee kanisorua maho'o pu pu'úmo hina vu'a 'wame areri renareja pu Jesu kamome apene Pairati mahara.

Ruku 18:33

'Ee hisi vene hijahe 'ee pu Hu 'anae kwahuna kaivo vea no'opisu mwe'i vaji namareje iji'a kú'o 'urihuna 'iamana.

Ruku 23:1

'Enarena ea mapoka kajipo 'urine Hu aheme Pairati oni va'ara.

Ruku 23:11

'Enarena Herotiho 'ee huni sorutia pu'úmo Jesuho apene 'urarahe 'ee sise'i 'ahae 'ee ateha niho'o mavarasa'ina apúsamahe ranavume Pairati oni 'uname va'ana.

Ruku 23:35

Ea mapoka kajija namine ki'eju'e puni mama'inijipo Jesuho apene 'ijahe ijá 'wava Hu ea 'aho'a ni'ajihu ja'ina'e maka'eje Hu Keriso ka'ene Godira iji pijahaji re'amajaho Hu ori'ini ni'ajara'amama 'wavara.

Joni 18:22

Hu ijá 'wara'eme hirisima kwino Jesuni rori naminana'omo ijara Hu tahijahi'i ijá 'wama 'Ú 'unama ija'ina pirisiti ni'inijaho 'wara'eja? 'wamana.

Joni 18:28

Sú'u vea ka'ene uka 'umenajino pu Jesuho apene Kaiapasi oni sei va'e 'otua vejuri sei va'ara. Jua pu 'otua vejuri sea vaja pava'ara kaivo ma'ahi namijara. Ijihuni maijaho pu puni tamana ruarahareje Pasova'e paihuni jihuna'e 'otua vejuri sea pava aruvara.

Joni 18:30

Pu eha vene hu ijá 'wava Ea ikaho Hu sisea paveji'ina re'ipisa nú ija'ina paapena roa maha'a 'wavara.

Joni 18:32

'Enajihuna'e Jesura ichá'ina'e kwahuna ka'ene nimarako 'waramajara roe nimaa'e renana.

Joni 18:35

Pairati eha vene ijá 'wama 'Ú na Jue? Oni ehija 'ee pirisitia mama'inijipo A apene roe na mihara. Ijaho A raka vejumakame pu A apena roe na mihare? 'wamana.

Akisi 2:23

Ike eakaho nitama Godira hena kamarena ni amairiaramana 'omo ja Hu ea sisesa mihume pu korosia 'ahi 'anaume kwamana.

Akisi 3:13

Ijaho Eparahami oni Godi 'ee Aisiki oni Godi 'ee Jekapi oni Godi 'ee núni sahiji jihipuni Godijara vejume Huni pwea Jesuni pinana 'urinana. Ea ka'ene ja apena Pairati oni una'i va'ume hu rana'i vejume ja Hu pavavara.