Romani 9:22 - Godoni vuʼa maiuʼina

²² 'Enajihuna'e Godiho Huni harura 'ee 'otua vetihuniji ea najahuna'e ura re'amajaho ijaho Huni ura. 'Ene Hu ura ea ka'ene 'otua vetie 'ee veje pa'arehunijihi masuani makivi'i 'ajiha hihuna'e ura re'amajaho Huni ura.

Romani 9:22 ပူးပေါင်းရင်းမြစ်များ

Romani 1:18

Godoni sena kahi akúpa 'ahi rena samai najuhujaho ea ka'ene arira pahine 'ee sisearu vene 'ee Huni 'unama nimaiji panajuhujija Godiho pununa'i sena venu.

Romani 9:17

'Enajihuna'e Godoni ira vaji Pero rona ijá 'wama Ikehuni hahi Na venaume a 'urinana. Ijihuni maijaho Nuni haruriji oni vaji ea'e najahakame Nuni ihijaho mwe'akino maho'o 'wamape ohuna 'wamana.

Romani 9:20

Aae! Emaa! A ea irana'omo Godi eha vetio? Uneka ka'ene vejajara ea ka'ene hua venajaho paapome ijá 'wa'ena A iraka vene ika'ina veniane 'wa'ena?

Romani 9:21

'Ú ea ka'ene si'uara veji'inijaho huni harura namujihuna'e anata nikwisu'ina kajino si'uara pina vea mama'ina'e re'eje nihehuna'e vene 'ee pina ma vea mamahakino nihehuna'e venune?

1 Tesaronia 2:16

Jenitarupo Godi nimaa rohuni jihuna'e pu tanu'uruhu'e nú vu'a pa'waravura. Ijihuni hahi pu puni siseijaho veju'e tiresa hina apena ajimu. 'Enakaivo puni eha siseijaho niroe areri rena parana namu.

1 Tesaronia 5:9

Ijihuni maijaho Godiho nú Huni sena vaji aruhuna iji pijúhuna pana kaivo ni'ajúhajaho núni Natohwa Jesu Keriso oni vaji apehuna'e ija pijúhana.

2 Timoti 2:20

Sea ni'ima'ura vaji minikia ani ani'ina navu. 'Aho'a korutia vejare 'ee 'aho'a sirivai vejarepo nahuneru pana kaivo icha 'ee 'anatai vejara 'u'o navura. Ijija 'aho'a vea mama'ina'e rejuji vena ijura kaivo 'aho'a na'ia mapoka vena ijura.

1 Pita 2:8

'Ene muna ka'ene amaarename 'ee muna ka'ene tanurihujina. Ijihuni maijaho pu Ira pahene vejujihuna'e pu eha sisea apehuna'e iji pijihara.

1 Pita 3:20

Ijija maraku'ijaho vuataa paheji'ina'omo Noa oni veijino Godiho makivi'i vivinui 'ajiha hi'eju'e sisima venana. 'Ene ea iropu no'opisu toa 'aha kajino aherame roana.

2 Pita 2:3

'Ene pu pusumano vwihajujara reje 'unama ira'atijino pisivi'i joni kukua 'ekahuna. 'Enakaivo puni eha ka'ene nitama mihajaho mai'o pama namu 'ee pua'e siseranihunijaho ni'urine areri rene namu.

2 Pita 2:9

'Enakaivo Natohwijara 'unama ichá'inijino ea ka'ene Godi hena kavi'inijihi venakia vaji ni'ajihuna arerina. 'Ene ea ka'ene arira pa'ajija 'otua veijino eha mihuna'e irechamiu'e hiju.

2 Pita 3:15

'Enakaivo vwiha'avara. Natohwijara masuani vivinui 'ajúha va'ujihuni maijaho emaa ni'ajihe marani'amarono avanu areri núni vwea Poru ka'ene nú oja mahi'iniji vwiha mamaa ka'ene vajahume joni asura vene 'waramajaho vwiha'avara.

Juta 1:4

Ijihuni maijaho ea 'aho'a iviamaa ja paki'eju'e nisareri joni vaji vu'e ijá 'iavo Godira nú vwihanúe aremu jihuna'e nú 'unama sisea veji'i hihuna 'iavu. Ea kajija nitama iji pijihareja 'otua vetihuna'e 'waramana. Pu ea sisea'omo Godoni maiji vwihanúajaho ta'arohe apene 'uname sisea 'uasa vene 'ee núni Natohwa ka'ene Jesu Kerisoho hemahu.