Romani 8:28 - Godoni vuʼa maiuʼina

²⁸ Nú nihena kavu. Ea ka'ene Godi oja mahe 'ee Huni ura ijí ve'avarono iji pijihajija uneunecha maho'o ahuma rejujija Godira 'eke veju'e pua maranihuna'e venuna.

Romani 8:28 ပူးပေါင်းရင်းမြစ်များ

Maka 12:30

Joni Natohwa Godiho 'aveniji'i maho'o oja mahe 'ee vwihaji'i maho'o oja mahe 'ee haruriji'i maho'o oja mahe 'ee ojiji'i maho'o oja ma'avara.

Akisi 13:48

'Ejakame ijí Jenitaru kajija pu vu'a kaji henareja temarasahe 'ee Natohwi jihuni vu'ijaho ta'arohara. 'Ene ea ka'ene majama hihuna'e Godira iji pijihajija nimaa rojara.

Romani 11:29

Ijihuni maijaho Godira swara 'ee 'umenaujaho Hu kú'o pa'eka ruva'una.

Romani 8:30

Ea ka'ene Godira mwe'akaho mai'o pavenani veijino iji pijihajija Hu vejume pu ariramaa rejara 'ee 'u'o Hu venaume ea ka'ene arimaa'e rejajija vejume puni pinana 'urijara.

Romani 9:11

Ijí hwaharisina kajija mai'o panahena'e 'ee sisea maa mai'o paveji'ina. 'Enakaivo Godiho Huni urijino ea irá Hu ura renujihi iji pijihuna kaivo ea kajipo siseaho mamaa'e vejakame iji pijihuna niho'o pana.

1 Koritia 1:2

Godi oni sosia ka'ene Korinitia namuna 'ee ea maho'o ka'ene Jesu Keriso oni vaji iji pijihume ani'ina ariramaa'e rejara 'ee ea ka'ene iji pijihume akuavi'ina'e rejara 'ee ea 'aho'a ka'ene kwaa ichihichi núni Natohwa Jesu Keriso oni ihi 'urahi'i oja mahura ka'ene núni Natohwa 'ee puni Natohwijihi puna'e veju.

1 Koritia 1:24

'Ene Jua 'ee Kuriki ka'ene 'umenajija Kerisoho Godoni harura 'ee Godoni vwiha mamaa aririjina.

1 Koritia 1:9

Godiho pauchavi'ini jihuna'e Huni Hariha ka'ene núni Natohwa Jesu Keriso ipu'úmo ahuma hi'avarono ja Huni vaji iji pijihana.

1 Koritia 2:9

'Enakaivo nitama Godoni ira vaji ika'ina vene 'warumana. Godira uneunecha ka'ene Hua'e oja mahi'ini jihipuna'e amairiaramana ka'ene mai'o nia pakivi'ina 'ee mai'o ataa paheji'inijija mai'o emaapuni oja vaja paroe arina navu 'úmana.

2 Koritia 5:1

'Ene nú nihena kavu. Ike mwe'i ara ka'ene vejara ka'ene núni sea kara tira'usahe ari'amajaho nú ara Godina'i namuji apehuna. Ijí ara kajaho ija pavejara kaivo ijí majama akúpa 'ahi navu.

Karesia 1:15

'Enaka'ivo nuni ohijihuni tei vaji Godira veniume na roe 'arihujino Hu ura rejume Huni maiji vwihaniuri vajijino iji pijihana.

Karesia 1:6

'Ene na niho'o puruva retiu. Ijihuni maijaho Godi ka'ene Keriso oni vaji maiji vwihanúe 'umenuajaho ja nimarako rana'i vo vu'a ani'ina maiu'ina 'ararihau.

Karesia 5:8

Ike iraka ka'ene venau'e ja panimaa vejujaho Godi ka'ene ja 'umena jihuna'i rena rohuna pana.

Epasasi 3:11

Ikaho Godira Jesu Keriso ka'ene núni Natohwi jihuni vaji majama aneja púsa pa'ana'e Hura ura renaja'ina'e venana.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Piripai 3:14

'Ene na harura ni'ima'ura vene va'e pa'arehuni vutuiji 'e'une eha ka'ene Godira Jesu Keriso oni vaji ichutoi huna'e 'umenuajaho apehuna.

1 Tesaronia 5:9

Ijihuni maijaho Godiho nú Huni sena vaji aruhuna iji pijúhuna pana kaivo ni'ajúhajaho núni Natohwa Jesu Keriso oni vaji apehuna'e ija pijúhana.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.

2 Timoti 2:19

'Enakaivo Godira iraka ka'ene 'waramajija anesima'uri jihuna'e nija'ina'e nama va'ura. 'Ene ika'ina'e vejara Natohwijaho ea irahipo Hunijija nihena kimuna. 'Ene ea irara Natohwi jihuni ihiji 'ura'amajaho huni siseijija arema para'amana.

Hipuru 9:15

Ijihuni hahi Hu vu'a maiu'ina kaji 'ajohare'e Godiho 'ee emaa puni rira mu'oi hinu. 'Ena'omo ea ka'ene iji pijihajija areri majama hihuna ka'ene Godira nahama 'waramajaho apehuna. 'Enavo Kerisora kwamajino ea ka'ene vu'a tamana vajijino sisea vejajija sovume pa'arena jihuna'e pu eha paapehuna.

Jemisi 1:12

Ea ka'ene venakia hari majamano kirana va'amajaho Godira merajahuna. Ijihuna'e hu nimaa'e kirane va'ana'e re'amajaho hu majama hihuni i'esa ka'ene natohwijara ea ka'ene Hu oja mahuji nahama 'waramajaho apehuna.

Jemisi 2:5

Vwehu nuna ka'ene na ja oja mihi'inakije heha! 'Ú Godiho ea ka'ene mwe'akino pivusahi'ina ka'ene Hu oja mahe 'ee puni nimairoa marasaha parane 'ee aachi'a ka'ene Godoni ari vahunaka nahama 'waramaji apehuna ija papijihana raka?

1 Pita 2:9

'Enakaivo ja iji pijihari eijina 'ee pirisitia ka'ene ea nimaa nimaijina 'ee ea ariramaa'omo ja Godoni ea rejara. 'Ena'omo ja Huni mamaiji rone ta'arohuna 'ee Hura nutuvi'ina vajijino iji pijihe 'eka rova'e Huni hanaji'ina maa vajijino irechamiana.

1 Pita 3:9

'Ene roe ea 'ahopo nú sise'i 'ahú'avajaho sisea eha pavene 'ee hu ira sisea 'waru'amajaho nú eha ira sisea pa'warahuna kaivo ira mamaijino 'warava. Ijihuni maijaho ja mamaa'e vehuni jihuna'e Hu ja iji pijihana. 'Ejakame ja aacha mamaa apehuna.

1 Pita 5:10

Ja ma'uako siseisei hi'eje Godi ka'ene maho'o maiji vwihanii'inijara Huni pinana ka'ene majamano navi'ina ka'ene Keriso oni vaji 'umenaajara Hura Huhusu venae ariramaa rene nimaa rena parane harura mihe ata kirasa'avara.

1 Joni 4:10

Ikaho oja 'ekaravujina. Nú Godi núni oja pamahara kaivo Hura nú oja múhajihuna'e Hu Huni Hariha ranavume roe núni sisea apejume pa'arenana.

1 Joni 4:19

Núra Hu oja mahujihuni maijaho marako'a Hura núa oja múhajihuna'e mahu.

Revaresiani 3:19

Ea ka'ene Na oja mihujaho Na pu 'unama arira najahe 'ee eha kaisina mihuna. 'Enakúne ja harura venareje joni sisea túchahae kú'o 'unama Nuni ro'avara.