Romani 8:26 - Godoni vuʼa maiuʼina

²⁶ 'Enajihuna'e 'unama nikwinu'ina kajino Godoni 'Avenijara núra pivusahujaho ni'ajúhuna. Ijihuni maijaho nú siporua ichá'ina'e areri 'ohunijaho puruva retúuna. 'Eju'e Godoni 'Avenijara Huhusu núni siporua ira ka'ene emaa areri pa'wahunijino 'ohuna.

Romani 8:26 ပူးပေါင်းရင်းမြစ်များ

Matiu 10:20

'Enajihuna'e ijí vu'a kajaho a pana kaivo Amo oni 'Avenijara oni vaji 'warahuna.

Matiu 20:22

'Ejumakame Jesura pu ijá 'iama Ja niho'o raka ka'ene jara jaririvu kajihuni maijaho pahene pakavi'i maiji avaju 'iamana. 'Eji'i Hu 'ijá 'iama 'Ú ja Nara kapusia ka'ene mai'o ihunijaho ja areri ija'ina i'eja 'iavume pu ijá 'wava 'I'a nú areri i'eja 'wavara.

Ruku 22:44

Hu hine oja hia'eme siporua 'ojumakame haha natohwa'e hiame huni piropa 'aa muka sa'ina'e mwe'a 'ahi arihana.

Joni 14:16

'Eje Na Amo jarivakame Hura joni Ni'ajihi'ina pina mihe Hu ja pu'úmo majama hihuna.

Romani 15:1

Nú ea ka'ene haruriji'i hijujipo ea ka'ene ajuasinijija ni'ajihuna kaivo nú núni haharu pavwihahuna.

Romani 7:24

Na niho'o sisei haha hianime 'ee kwa'i 'ahi'eju'e hijukaho ea irara ni'aji'ena?

Romani 8:15

'Enajihuna'e ja 'avena ka'ene apejajaho kú'o 'uname va'e juvujihuni pwea re'irono apehuna pana. 'Enakaivo ja 'Avena ka'ene vena'e Godoni hariha rehuniji apejara'omo nú ivi'a Amo Amo 'wavu.

2 Koritia 5:2

Ijihuna'e nimaa'e nú arakino hijujaho nú hahuna'e veji'i hiju. 'Ene ara ka'ene akúpi 'ahi namuji hihuna ura renúa paranu.

2 Koritia 5:4

Ijihuna'e nimaa'e nú haha ikehunikino hijuri vajakaho nú hahuna vene 'ee ahija piunivu. Ijihuni maijaho nú haha pa'ana hihuna ura parenúu kaivo nú haha rukina rehuna ura renúu. 'Ejakame ike kwamasahukaho majama hihunijara rarene parahuna.

Karesia 4:6

'Ene ijihuna'e ja Huni harihija'omo Godira Huni Harihijihuni 'Avena ranavume núni oja vaji roana. 'Ene Amo Amo 'umenuna.

Epasasi 2:18

'Ena'omo nú ja pu'úmo Huni vaji Godoni 'Avenijara venue Amo oni areri ma arira vahuna.

Epasasi 6:18

'Ene na'ia mapoka'e siporua 'ojuri veijaho 'Avena vaji 'o'avara. Na'ia mapoka'e nia nirii'i siporua ea ka'ene nimaa roji'ini jihipuna'e 'one ihajinanami'avara.

Hipuru 4:15

Ike núni Ni'ajúhi'ina Ni'ima'urakara núni ajuasinijaho hena kamuna. Ijihuni maijaho venakúa ka'ene nú va'e aruvukaho Hu 'u'o ija'ina va'e arumana vo Hu sisea kwinu pavenana.

Hipuru 5:2

'Ene hu emaa'omo hu areri kivi'i ea ka'ene pivusahi'ina 'ee ani ani ro vai'iniji ni'ajihuna. Ijihuni maijaho hu ija'ini jihuni hahi hu areri ni'ajihuna.

Jemisi 4:3

Ja jarivu kaivo pa'eku jihuni maijaho joni oja vwiha ani na'eju'e jarivu jihuna'e pa'ekura. Ja 'ekareje joni ura ijiru veje pa'arehuni jihuna'e pa'ekura.