Romani 8:11 - Godoni vuʼa maiuʼina

¹¹ 'Ene Godoni 'Avena ka'ene Jesu vejume kwama 'urinajara joni oja vaji hi'amajaho ja kwamasahuna vo Hura vejume Jesu Keriso 'urina ja'ina'e Huni 'Avena ka'ene joni vaji hinujara venae ja 'u'o 'urihuna.

Romani 8:11 ပူးပေါင်းရင်းမြစ်များ

Joni 14:17

Godoni 'Avena ka'ene nimaa nimaijaho mwe'akaho Hu niho'o paapehuna. Ijihuni maijaho mwe'akaho Godi pahene pakavu jihuna'e paapehuna. 'Enakaivo Hu ja pu'úmo joni oja vaji hinujihuna'e ja Hu niheju.

Joni 5:21

Areri Omahi vejume kwamasahi'ina hijuja'ina'e Hariahi ea ka'ene Hu ura renujija 'u'o majama hihuna mihuna.

Akisi 2:24

'Enakaivo Godira vejume Hu kú'o 'urinana. 'Enarena kwamasahe haha ka'ene hehunijaho pa'arenana. Kwamasahuri harurijara Hu 'unanahuna areri pana.

Romani 16:10

'Ene Aperisi nú nimaa veti'eju'e hu Keriso oni 'unama ka'ene arimaijikano 'urahe onukúne 'ajo'avara. 'Ene Arisitopurasi oni kachi'ina 'ajora'avara.

Romani 16:3

Pisira'o Akwira'o marako'a nú pu'úmo Jesu Keriso oni kaukara vejurakúne 'ajora'avara.

Romani 16:7

'Ene Enitaronakasi Juniasi'o nuni ehija'omo maraku'ijaho Keriso onijihuna'e nú pu'úmo tipura hijara. Pu apasoru puni vajijaho ea mapoka hena kivura. Na maraku'a Kerisoho panimaa ro'eme pura maraku'a nimaa rojara.

Romani 16:9

'Ene Uripanasi ka'ene nú pu'úmo Keriso oni kaukara veji'inijaho 'ee Sitekisi ka'ene na oja mahi'inijaho 'ajora'avara.

Romani 6:12

'Enakúne ja paveje siseijara joni haha kehuni 'unamijaho natohwa'e rejakame ja joni haha kehuni ituniji hene ve'ava.

Romani 8:1

'Enajihuna'e ea ka'ene Jesu Keriso oni vaji hijujija niho'o panama'ena.

Romani 8:12

'Enajihuna'e vwehu nune núni chimua namujihuna'e hahijara ura renuni 'unamijaho nú pahihuna.

Romani 8:2

Ijihuna'e 'Avena ka'ene majama hiji'ini jihuni harurijara Jesu Keriso oni vaji ja venaume sisei jihuni harura 'ee kwamasahuni harurijija ijá irechamiara.

Romani 8:9

'Enakaivo ja sisei jihuni hara pahiju. 'Enavo ja Godoni 'Aveni jihuni hari hiju. Ijihuni maijaho Godoni 'Avenijaho joni vaji hinu kaivo ea irara Keriso oni 'Avena paape'amajaho hu Huni ea pana.

1 Koritia 15:16

Ijihuna'e kwamasahi'inijija pa'urijura'e re'avajaho Keriso 'u'o pa'urinana.

1 Koritia 6:14

'Ena'omo Godiho Natohwijiru veje 'urihuneru pana kaivo Huni harura vajijino nú 'u'o venue 'urihuna.

2 Koritia 4:11

Ijihuni hahi nú ea ka'ene hijukija Jesuni jihuna'e kwa'avarono aheruma va'u. 'Ejakame Jesuni hiijaho ike haha ka'ene kwamasahuni haha vajakino veje roe samaahirahuna.

2 Koritia 4:14

Ijihuni maijaho nú nihene kavu. Godi ka'ene Natohwa Jesu vejume 'urinajara venu'e nú 'u'o 'urine Jesu pu'úmo ahume Huni una'i vahuna.

2 Koritia 5:4

Ijihuna'e nimaa'e nú haha ikehunikino hijuri vajakaho nú hahuna vene 'ee ahija piunivu. Ijihuni maijaho nú haha pa'ana hihuna ura parenúu kaivo nú haha rukina rehuna ura renúu. 'Ejakame ike kwamasahukaho majama hihunijara rarene parahuna.

Karesia 6:8

Ijihuni maijaho ea irara huni hahijihuni 'unami ja'ina'e hinujaho haha huni 'unamijino sisea piunihuna. 'Enakaivo ea irara 'Avena huni 'unamijino 'ina 'onujaho hu 'Avena vajijino majama hihuna apehuna.

Epasasi 2:5

'Ene nú siseijara venume kwamasahara vo Hu venume nú Keriso pu'úmo ahuma mai'o hiju. Ijihuna'e maiji vwihaniajara vejume ja maraniana.

Piripai 3:21

Hura núni haha harura pa'ana ka'ene kwamasahuni hahakaho veje arohe Huni haha ka'ene hanaji'ini ja'ina'e rehuna. 'Ene Huni harura kajara reje uneunecha maho'o roe Huni harura hari nahuna.

Hipuru 13:20

'Ene veje Godi matauvi'ina ka'ene núni Natohwa Jesu vejume 'urinajaho Hu sipia 'Ajohi'ina Natohwa ka'ene vu'a maiu'ina majama nahuniji Huni 'aiji nimaa venajina.

1 Pita 1:21

Ja Huni vajijino Godi nimaa rojara. Ijihuni maijaho Hura vejume Hu kwamajaho 'urinana 'ee Huni pinana vejume 'urinana. Ijihuna'e jara nimaa rojujaho Godoni vaji navu.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

Revaresiani 1:18

'Ene Na majama hiji'inijina. Na kwama 'urijuta'omo pakwahuna kaivo majama hihuna. 'Ene Nara 'unama ka'ene kwamasahuniji'o Hetisi jihuni vwicha kiijaho 'ajohura.

Revaresiani 11:11

'Ejume vea no'opisu pa'are'eme ura ohoa Godina'i rene puni vaji roume pu 'urine namijara. 'E'eme ea ka'ene pu kivajija niho'o tea junamana.