Romani 6:11 - Godoni vuʼa maiuʼina

¹¹ 'Enajihuna'e ja vwihaha ja sisei jihuni 'unamijaho nikwamasahara kaivo Jesu Keriso oni vaji 'urine Godi pu'úmo hiju.

Romani 6:11 ပူးပေါင်းရင်းမြစ်များ

Joni 20:31

'Enakaivo vu'a ike vejajihuni maijaho Jesuho Kerisone 'ee Hu Godoni Harihijina 'omo ijí nimaa ro'avajaho Huni iha 'ahi majama hihuna apehuna.

Romani 16:27

Jesu Keriso oni vaji nú majama Godi ka'ene hena kama paraji'inijiru ta'arohi'i hina apena vahuna. Ameni.

Romani 5:1

'Enajihuna'e nú nimaa rojajihuna'e arimaa'e rejara'omo Godi pu'úmo matauma hihunijaho núni Natohwa ka'ene Jesu Keriso oni vaji apejara.

Romani 6:10

'Enajihuna'e Hura kwamajaho Hu sisei jihuna'e ni'aha kwino kwamana kaivo Hu iviamaa 'urine hia ka'ene hinujaho Hu Godona'e hinu.

Romani 6:13

'Enakaivo ja paki'eje joni haha pwinana kehi 'eke 'unama ka'ene sisea vejuri kukuijihi re'ava kaivo kwamasahara'e 'urina hijuja'ina'e joni hahakaho maho'o Godi vajahe Godoni 'unama arira vejuri kukua'e reha.

Romani 6:2

Niho'o pana. Nú ichá vene sisea ni arevajaho kú'o hine ve'eja?

Romani 6:23

Sisei jihuni 'ehijaho kwamasahuna kaivo Godira swara ka'ene mamúhajaho Jesu Keriso ka'ene Natohwi jihuni vaji majama hihuna.

Romani 7:4

'Enajihuna'e vwehu núne ja 'u'o venaume varapa huni harura hari hijajaho Keriso oni haha vaji kwamasahara. Ijihuna'e ja iviamai Keriso ka'ene kwama 'urinaji jaha hijujihuna'e nú Godoni 'ina renahi'ina'e rehuna.

Romani 7:6

'Enakaivo nú iviamaa varapijara 'uninamúajaho ni irechamúana. Nú ijí 'unama kajihuni hari hijujaho arevara. Ijihuna'e nú iviamaa 'Avenijihuni 'unama maiu'inijiru vehuna kaivo varapa sahasi jihuni 'unamijaho ni arevara.

Romani 8:18

Ijihuni maijaho nara iviamaa sisei hijukaho iraka mamaa ka'ene túna'i rehuni jihuni manura vehuna areri pana.

1 Koritia 6:20

'Ene ja aneja ni'ima'uri 'imena 'ekarakúne joni hahijaho Godoni pinana'e 'urihunijiru ve'avara.

Epasasi 2:7

'Enajihuna'e Godiho Huni maiji vwihanii'ina ni'ima'ura ka'ene niho'o areri pamanura vehunijaho 'ee mamaa ka'ene núna'e venujaho Jesu Keriso oni vajijino vea túna'i najuhuna.

Piripai 1:11

'Ene 'unama arira ka'ene Jesu Keriso oni rena roajara joni vaja niho'o tinia apena para'ama jihuna'e Godiho aromahe 'ee ta'arohuna.

Piripai 4:7

'Ene Godoni matauvi'ina ka'ene uneunecha maho'o asitaha ranamajara Jesu Keriso oni vaji joni oja 'ee vwihijija 'ajoha'amana.

Korasia 2:20

Ja Keriso oni vaji mwe'a kehuni 'unama ani ani'ina ka'ene najahujija nikwamasahume paranana kaivo ja irakijihuna'e mwe'a kehuni varapa hara kú'o hijo? Ijija ikehina.

Korasia 3:17

'Enajihuna'e ja uneunecha iraka'e 'wa'eja ho ve'avajija maho'o Natohwa Jesuni iha 'ahi veha 'ee Huni vaji Godi ka'ene Amoho teimani 'wa'avara!

1 Pita 2:24

'Enakaivo Hura Huhusu núni sisea Huni haha 'ahi apena va'e korosia 'ahi ajimana. 'Ejakame nú sisei jihuni 'unamijaho kwamasa'ika'i ariramaa hihuna. 'Enajihuna'e Huni haha ka'ene puachamajara rejume ja maraniana.

1 Pita 2:5

Ja 'u'o areri muna ka'ene mai'u hiji'ina ka'ene 'eke 'Avena huni ara vejara ka'ene ariramaa rejuri pirisitijihina. 'Ena'omo 'avena huni swasa ka'ene Godi teamamu ja'ina'e Jesu Keriso oni vaji swasa vejura.

1 Pita 4:11

Ea irara vu'a 'wara'amajaho maka'eje hu Godira 'waramu ja'ina'e 'wara'amana 'ee ea irara ea 'aho'a ni'aji'amajaho Godira harura ka'ene mahajino ni'aji'amana. 'Ejakame uneunecha mapoka vajakino Godiho Jesu Keriso oni vaji ta'arohuna. Ijihuni maijaho pinana 'ee uneunecha mapoka Huni harura hari aneja púsa pa'ana'e navu. Ameni.