Romani 5:10 - Godoni vuʼa maiuʼina

¹⁰ Vea kajaho nú Huni naka rejara vo Huni Harihijaho núnijihuna'e kwamana'omo Hu nú venume nú kú'o Godoni napuhija'e rejara. Ijiru pana kaivo Huni hiijara veje nú maranúhuna.

Romani 5:10 ပူးပေါင်းရင်းမြစ်များ

Joni 14:19

'Enakaivo Na iki ma'uako hihuna kaivo ea ka'ene mwe'aki hijujija pakimamaa pakihuna kaivo ja Na kihuna. Ijihuni maijaho Na majama hijuja'ina'e ja 'u'o ija'ina majama hihuna.

Joni 5:26

Ijihuni maijaho Omahi majama hinuja'ina'e Hariaha 'u'o majama hihuna mahana.

Joni 6:40

Ikaho Nuni Oma ka'ene Na ranamiume roujara ura renujina. Ea irara Hariaha kame nimaa nimaa ronujaho hu niho'o majama hihuna. Ijihuni hahi mwe'akara mai'o pa'are'amani veijino Na onuno veje pu ni'aha kwinu 'urihuna 'iamana.

Joni 6:57

Oma ka'ene majama hiji'inijara Na ranamiume routa. Nara hijujihuni maijaho Amora hinujihuna'e hiju. Ea irara Na ini'amajaho Nara rejujihuna'e hu majama hihuna.

Romani 11:28

Núnijihuna'e pu ea mapoki jijahija Godoni vu'a maa maiu'ini jihuni naka rejara. 'Enakaivo Hu pu iji pijihe 'ee emahwaha nahama 'warama jihuna'e Hu majama oja mihu.

Romani 5:11

Ijiru pana kaivo núni Natohwa ka'ene Jesu Keriso oni vaji nú Godina'i teamanuma paranu jihuni maijaho Huni vaji núni napura rehunijaho apejara.

Romani 5:6

Nú vea ka'ene onúno ni'ajarahuna areri parenani veijino Kerisora roe ea sisesa puna'e kwamana.

Romani 8:32

Godi ka'ene núnijihuna'e Huni Hariha pa'unasu'i kaivo ranavuma nú ea maho'o punijihuna'e roana. 'Enajihuna'e 'ú Hu uneunecha mapokakija pamavajú'ena?

Romani 8:34

'Ena'omo ea irara nú namu'ena? Jesu Kerisorane? Hu núnijihuna'e kwamane 'ee 'urinane 'ee Hu Godoni ija mana'inija'i asuma hine núni siporua 'onuna.

Romani 8:7

'Enajihuna'e ea ka'ene hahijihunijiru vwihaji'inijija pu Godi senavura 'ee Godoni varapa hara pahijura'omo niho'o nija'ina'e areria pavehuna.

2 Koritia 5:20

'Enajihuna'e nú Keriso oni iruhoa apene 'waravi'ina areri Godi núni vaji vu'a 'waramu jihuna'e Keriso oni tinia apene jarirame 'waravujaho Godoni napura kú'o re'avara.

2 Koritia 5:21

'Enajihuna'e Hu vejume Keriso ka'ene sisea pa'ajaho sisea renana. 'Ejakame nú Huni vaji Godoni una'i arimaa'e re'avarono avanana.

Epasasi 2:16

'Ene Huni korosia 'ahi ea no'ohe'i kajija ahume kwinu'wi rejakivi'i Godi pu'úmo kú'o 'unama napura ve'avarono avanana. Ijihuni maijaho ijí korosia 'aha kajino pura naka'e veti'aravuri 'unamijaho 'anaume kwamana.

Epasasi 2:3

Nú 'u'o puni vaja kajino nitama hine núni hahijihi puni ura ijí vejara. 'Ene núni hahijihuni ura 'ee núni vwiha sisesa ijipo rosamúa parajara. 'Ene núni kara ijija sisea ijihuna'e nú Godoni sena hari ea 'aho'a kajihi pu'úmo hijara.

Hipuru 2:17

Ijihuni hahi Jesuho emaa ichá'ini ja'ina'e Hu 'u'o ija'ina'e renana. Ijihuni maijaho Hu areri hami 'ahúe 'ee núni Ni'ajúhi'ina rena Godoni una'i majama 'ajouhuna. 'Ene Hu areri emaapuni swasa vejakame puni sisea pa'arehuna.

Hipuru 7:25

Ijihuni hahi ea irara Jesuni vaji Godoni nini ro'amajaho Jesu areri venae majama marania apena vahuna. Ijihuni maijaho Hu punijihuna'e majama hine pu vahaname puamu vena apene vahuna.

1 Joni 2:1

Sesahu nune ikaho na jona'e vejujihuni maijaho ja sisea pave'avarono veju. 'Enakaivo ea sisea venujaho Ea pina núnijihuna'e Amoni una'i jarima 'waramuna. Hu Jesu Keriso ka'ene arira maijina.

1 Joni 4:10

Ikaho oja 'ekaravujina. Nú Godi núni oja pamahara kaivo Hura nú oja múhajihuna'e Hu Huni Hariha ranavume roe núni sisea apejume pa'arenana.

Revaresiani 1:18

'Ene Na majama hiji'inijina. Na kwama 'urijuta'omo pakwahuna kaivo majama hihuna. 'Ene Nara 'unama ka'ene kwamasahuniji'o Hetisi jihuni vwicha kiijaho 'ajohura.