Romani 4:17 - Godoni vuʼa maiuʼina

¹⁷ Ijihuna'e Godoni ira vaji Eparahami rone ija'ina 'warumana. Nara a vena kamareje kwaaka mapokakino eaka mapoka ka'ene hiju jihipuni oma rehuna 'úmana. Kwaaka mapokakino eaka mapoka ka'ene Eparahamira nimaa ronaja'ina'e nimaa roji'inijija Godira 'ekahuna. Godi ka'ene ea kwamasahi'ina veju'e 'urine 'ee uneunecha ka'ene pa'aji'i veju'e reji'inijina.

Romani 4:17 ပူးပေါင်းရင်းမြစ်များ

Matiu 3:9

Ja vwiha ika'ina pavwiha'avara. Nú Eparahami oni harihija'omo nú areri rena hiju paro'avara kaivo Godira areri veje ike muna ikihipo Eparahami oni harihija rehuna. Ijihuna'e nú areri rena hiju paro'avara.

Joni 5:21

Areri Omahi vejume kwamasahi'ina hijuja'ina'e Hariahi ea ka'ene Hu ura renujija 'u'o majama hihuna mihuna.

Joni 5:25

Na nimaa nimai ja 'waravu vea mai'o rou kaivo iviamaa nitu'u renu. 'Ena'omo ea ka'ene kwamasahi'inijija Godoni Harihijihuni ira he'avajaho kú'o 'urihuna.

Joni 6:63

Godoni 'Avenijara majama hihuna mihuna kaivo hahakara unenu pina vehuna niho'o pana. 'Enakaivo Nara vu'a ka'ene 'waravujaho Godoni 'Avenijina'omo majama hihuna.

Akisi 15:18

Nitama Natohwijara ike vu'akaho 'waramana'omo Hu iviamai ija'ina kú'o 'waramu 'iamana.

Romani 3:29

'Ú Godiho Jua punaruna raka? 'Ú Hu Jenitaru puni Godia 'u'o pana raka? 'I'a Jenitaru puna 'u'una.

Romani 4:18

'Ejume uneunecha ka'ene túna'i nimaa parehuna sa'inijija hu majama nimaa ronana. Ijihuna'e hu ea maho'o ikihi puni oma rehuna'e nahama nitama 'warame ijá 'wama Oni amuhijijija ija'ina'e rehuna 'wamana.

Romani 4:2

'Ejume Eparahamira uneunecha mapoka ka'ene venajara reje hu arimaa'e re'ipisa ijara reje hu ori sasuva'a. 'Enakaivo Godoni una'i hu areri pasasuva'a.

Romani 8:11

'Ene Godoni 'Avena ka'ene Jesu vejume kwama 'urinajara joni oja vaji hi'amajaho ja kwamasahuna vo Hura vejume Jesu Keriso 'urina ja'ina'e Huni 'Avena ka'ene joni vaji hinujara venae ja 'u'o 'urihuna.

Romani 9:11

Ijí hwaharisina kajija mai'o panahena'e 'ee sisea maa mai'o paveji'ina. 'Enakaivo Godiho Huni urijino ea irá Hu ura renujihi iji pijihuna kaivo ea kajipo siseaho mamaa'e vejakame iji pijihuna niho'o pana.

Romani 9:26

'Ene roe ika'ina'e rehuna. Ijí kwaa ka'ene Nuni ehija pana 'iavu kajino pu Godi ka'ene majama hiji'ini jihuni harihija 'wahuna.

1 Koritia 1:28

Hu mwe'akino uneunecha ka'ene emaapo túa vetie 'ee senavujija iji pijihana. Godira ijí 'eke mwe'a iki emaapo kime mama'ina rojujihi túa veti'i 'ahaume iji pijihana.

1 Koritia 15:45

Ika'ina 'u'o vejara. Atamu ka'ene ea amurijaho mai'o hiji'ina'e renana kaivo Atamu ka'ene túchamaijaho 'Avena ka'ene majama hihuna vajihi'ina'e renana.

1 Timoti 6:13

'Ene na Godi ka'ene uneunecha maho'o veju'e mai'o hijura 'ee Jesu Keriso ka'ene Ponachasi Pairati oni una'i ira mamaa ka'ene rone nahama 'warama jihuni una'i 'waravu.

Hipuru 11:12

Ijihuna'e ea mapokakaho Eparahami oni vaji rena roara. Hu emamaa'omo areri sesamaa pa'arehune sa'ina vo huni harihijijahija chinasa rehune 'ee ajara ka'ene areri patahuna ka'ene soha rori navuja'ina rehuna.

Hipuru 11:3

Ijihuna'e nú nimairoa vajijino hena kavujaho Godoni irijara akúpa mwe'akaho vejuma renana. 'Ena'omo uneunecha ka'ene nú kivujaho ijihuni vaja parena roara vo Godoni irijara rejara'omo ijí navu.

Hipuru 11:7

Nimairoa vajijino Noaho saa hira'eje kachihwaha ni'ajihuna'e sisima venana. Unenu pina ka'ene mwe'akaho mai'o pareji'ina ka'ene rehunaka Godira 'waramajaho Noaho hena venana. Huni nimaaroa vajijino mwe'a ke'ura namahi'i vu Godina'ijaho ariramaa rena paranana.

1 Pita 2:10

Maraku'ijaho ja ea pana kaivo iviamaa ja Godoni ea. Ja maraku'ijaho numiravujaho paapejara kaivo iviamaa numiravujaho apejara.

2 Pita 3:8

'Enakaivo ike vu'a kwinu parunami'amana. Ehu nuna na oja mihi'ine Natohwi jihuni 'unamijaho juara mapoka mapoka (1,000) pa'arejujaho areri vea kwinuna 'ee vea kwino pa'arenujaho areri vea mapoka mapoka (1,000) pa'areju ja'ina.