Romani 4:16 - Godoni vuʼa maiuʼina

¹⁶ Ijihuna'e nú Godi nimaa rojajihuna'e Hu nú maijí vwihanúe múhajihuna'e Hu nú nahama 'warumajaho Huni amuhi puni vaji nimaa rehuna. Godi Juaru pamerajihana vo ea ka'ene Eparahamira nimaa ronuja'ina nimaa roji'inakaho ijá merajihuna. Eparahamiho nú eaka mapoka kehi puni oma.

Romani 4:16 ပူးပေါင်းရင်းမြစ်များ

Ruku 19:9

'Ejume Jesura ijá 'wama Godoni Ni'ajihi'inijaho iviasi sea ikino roana. Ijihuna'e ea ike 'u'o Eparahami oni hariha renana.

Romani 15:8

Ijihuna'e na ja 'waravu. Kerisoho roe ea ka'ene sisa 'uhuahajihi puni pwea re'i roana. Nitama Godira nahame Jua puni emahwaha 'wamajarahara nimaa re'amarono roana.

Romani 3:22

Ea irahipo Jesu Keriso nimaa ro'avajaho pu Godoni una'i ariramaa rehuna. Godiho ronu kwino parehuna.

Romani 3:30

Nimaa Godiho ea ka'ene sisa 'uhui'inijija puni nimaaroa 'ahijino veje pu arira'e rehune 'ee ea ka'ene sisa pa'uhuahajija puni nimaa roijara reje pu kwinu rehuna.

Romani 4:11

Eparahami Godi nimaa rojume Hura ariramaa 'wamajihuna'e túna'i pu hu sisa 'uhuahara. Ijihuna'e Eparahamiho eaka mapoka ka'ene nimaa ro'ika'i sisa pa'uhuahi'ini jihipuni oma. 'Enajihuna'e ea irara Godi nimaa ronajaho Godi hu ariramaa 'wamana.

Romani 5:1

'Enajihuna'e nú nimaa rojajihuna'e arimaa'e rejara'omo Godi pu'úmo matauma hihunijaho núni Natohwa ka'ene Jesu Keriso oni vaji apejara.

Romani 9:8

Ijihuni maijaho ea ka'ene hahijihuni 'unamijino nahenajija Godoni harihija pana kaivo ea ka'ene nahama 'waramajihipo amuhija nimaa nimaa Huna.

Karesia 3:14

'Ene Jesu Keriso oni vaji Jenitarua merajihi'ina nikwinu'ina ka'ene Eparahami merajahajino merajihuna. 'Ene pu nimaa rojajihuna'e Godoni 'Avena ka'ene nahama 'waramajaho apehuna.

Karesia 3:16

'Ene ikaho Eparahamiho 'ee huni 'Iniji nahama 'waramana. Hu 'ina mapoka'e rone 'warahuna pana kaivo Hu Ea kwinu rone 'waramana. Ijaho Keriso rone 'waramana.

Karesia 3:22

'Enaka'ivo Godoni irijara 'warumajaho ea maho'o sisea huni hari hiju. 'Enajihuna'e ea irahipo Jesu Keriso nimaa ro'avajaho pu raka ka'ene nahama 'waravajaho apehuna.

Epasasi 2:5

'Ene nú siseijara venume kwamasahara vo Hu venume nú Keriso pu'úmo ahuma mai'o hiju. Ijihuna'e maiji vwihaniajara vejume ja maraniana.

Epasasi 2:8

Godira maiji vwihanúani vajijino ja nimaa rojajihuna'e maraniana. Ijaho jara joni harurijino vehuna pana kaivo Godira swara vene múhana.

Taitasi 3:7

Huni maiji vwihanúani vajijino Hu venume nú ariramaa rejajihuna'e nú nimaa rojujaho majama hihunijaho núni aachia'e renana.

2 Pita 1:10

'Enajihuna'e vwehu núne ja ijihuna'e 'umenae iji pijiha jihuna'e ura rena para'eje ja kara ikehi ve'avajaho ja pa'amaaresuhuna.