Romani 2:16 - Godoni vuʼa maiuʼina

¹⁶ Ijí vea kajino Godira emaapuni hema Jesu Keriso oni vaji namahuna. Ikaho nuni vu'a.

Romani 2:16 ပူးပေါင်းရင်းမြစ်များ

Matiu 16:27

Ema Puni Harihijara ro'amajaho Amoni hanaji'ina 'ee Huni ona oji'ina pu'úmo rohuna. 'Ene ea kwinu kwino pura iraka ka'ene vejujaho eha ija'ina apehuna.

Ruku 8:17

'Ene unenu'u pina apúrinanavu'e namujaho roe samaahirahuna 'ee unenu'u pini hemi nave pakahuna kaivo mapoka kajija samaahirave kihuna.

Joni 12:48

Ea irara Nara 'waravuji pata'arorihe 'ee Nuni Ira pahenihujaho ijara hu namahe 'otua vetihuna. Ike raka ka'ene Nara 'waravukipo vea túna'i 'otua vetihuna.

Akisi 10:42

'Ejumakame Hu 'waruma jihuna'e nú Huni vu'a ea mapoka samaumai najahu. Jesu ka'ene Godira iji pijahume ea ka'ene mai'o hijura 'ee kwamasahi'ina ijihipuni 'otua vehuni jihuni vu'a nú 'waravura.

Akisi 17:31

Ijihuni maijaho Hura mwe'ake 'otua arimaa ea ka'ene iji pijaha jihuni vaji vetihunijaho vea niranamana. Hu ijí ea maho'o najaharena Hu vejume kwamajaho 'urinana 'iamana.

Romani 16:25

Hu areri vena'e ja kirasahe namihuna 'ee nuni vu'a 'ee Jesu Keriso rone najahujara ni'ajihuna 'ee hema ka'ene mwe'akara aneja venaji rene nesi nama roajaho iviamaa samaahiramu.

Romani 2:5

'Enakaivo ja joni oja kisima'ura reju'e ja pataaroha roujihuna ja Godoni sena jona'e nianaura'omo Godoni sena vea ka'ene Hura 'otua arimaa'e ve'amajino roe samaahirave kahuna.

Romani 3:6

Niho'o Godiho ija'ina pana. Hu mwe'akaho ichá'ina'e 'otua veti'ena?

1 Koritia 15:1

'Ene iviamaa vwehu nune na vu'a maa maiu'ina ka'ene nara ja najahume ja apejara ka'ene ijara ni'ajihume ja maraniana ka'ene ja ijihuni toi namijuji 'wara'i veju.

1 Koritia 4:5

'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.

2 Koritia 5:10

Ijihuna'e nú ea maho'o Keriso oni 'otua asúki ijihuni una'i namihuna. 'Ene nú ea kwinu kwinu núra hahiji'i hijari veijino ichá'ina ka'ene mamaa ho sisea vejajaho eha areri ija'ina'e apehuna.

Karesia 1:11

'Ene vwehu nune maijaho na ura ja nimaa hami hehuna'e ura reniujaho nara vu'a ka'ene najahujija emaapuni rene roe na najahuna pana.

1 Timoti 1:11

'Ene Godi ka'ene merajúhi'inijara vu'a mavarasa'ina ikaho nara naja'urono mihana.

2 Timoti 2:8

Nuni vu'a maa maiu'inijara 'waramujaho vwiha'amana. Jesu Keriso ka'ene Teviti oni amujijaho kwame 'urinana.

2 Timoti 4:1

Na Godiho 'ee Jesu Keriso puni una'i a Ira naja'amarono 'waravu. Ijihuni maijaho Hura Kinia'e rene hi'iro'amajino ea ka'ene mai'u hijura 'ee kwamasahajija 'otua vetihuna.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.

Hipuru 9:27

Emaa kwinu kwino kwamasahuni vea iji pijahu'e namuna'omo kwamasahareje 'otua vehuna.

1 Pita 4:5

'Enakaivo pura ichá'ina ka'ene vejujaho Hu 'warave eha mihuna. Ijihuni maijaho Hu ea ka'ene kwamasahi'ina 'ee mai'o hijujihi 'otua veti'irono amairiaramu.

2 Pita 2:9

'Enakaivo Natohwijara 'unama ichá'inijino ea ka'ene Godi hena kavi'inijihi venakia vaji ni'ajihuna arerina. 'Ene ea ka'ene arira pa'ajija 'otua veijino eha mihuna'e irechamiu'e hiju.