Romani 2:10 - Godoni vuʼa maiuʼina

¹⁰ 'Enakaivo ea ka'ene mamaa'e vejujija pu pinana 'ee hura 'ee matauvi'ina mihuna. Amura Jua mihareje iji'a Kuriki mihuna.

Romani 2:10 ပူးပေါင်းရင်းမြစ်များ

Matiu 10:13

'Eji'i kive pu ja 'ajorava ki'avajaho pu pu'úmo matau'avara kaivo pu pa'ajorava ki'avajaho pu pu'úmo pamatau'avara.

Ruku 1:79

'Ene ea ka'ene nutuvi'ini hijujija 'ee ea ka'ene nikwamasa'iro vejujihija hananihuna. 'Ene Hu núni mumora 'ajohuakame nú matauma hihuni 'unamiji vahuna 'iamana.

Ruku 12:37

Pwea ka'ene puni natohwijara kú'o 'unama ro'amarono amairiarame 'ajaha hijujija niho'o teamana'eju'e hiju. Na nimaa nimai ja 'waravu. Hu huni ateha apúsame 'warave asuma hi'eje hura 'iruma 'eke vajihe ihuna.

Ruku 19:42

Hu ijá 'wama A iviamaa uneka ka'ene venae matauma hihuniji ape'ipisa nimaa roja'a kaivo iviamaa a areri pakahuna.

Ruku 22:14

Vea kaji apejume Hu Huni apasorua pu'úmo roe 'aijua rori asuma hijara.

Ruku 9:48

Ei pini Nunijihuna'e sesamaa ikera'ina hami 'aha'amajaho hu Naa'e hami 'ahihuna. 'Ene ea irara Naa'e hami 'ahi'amajaho Godi ka'ene Naa'e ranamiume rouji 'ajome hami 'ahaa avahuna. Ea irara ma'u'ua rena joni vajakino hi'amajara ea natohwa rehuna 'iamana.

Joni 12:26

Ea irara Nuni kaukara ve'amajaho maka'eje Na 'ararihi'amana. 'E'irakúne kwaa ka'ene Nara hi'ujino hu 'u'o hi'amana. Ea irara Nuni kaukara ve'amajaho Amora huni iha 'unama 'urihuna.

Joni 14:27

Na matauvi'inijaho jonuna'i ranavu. Nuni matauvi'inijaho Na ja mihu kaivo mwe'akara ja vajihu ja'ina pana. 'Eje ja paveje joni oja tura'i 'ahi'avara 'ee paju'avara.

Joni 16:33

Na uneunecha mapoka ikija ja ni'waravu jihuna'e ja Nuni vaji matauvi'ina apehuna. Ja iki mwe'i hijujaho ja sisei hiju kaivo ata kairasa'avara. Ijihuni maijaho mwe'akaho Nara ni asivuta 'iamana.

Akisi 10:35

'Enakaivo ea irahipo Godi juhame 'unama ariramaa vejujaho Hu ura renu.

Romani 14:17

'Enakaivo Godoni arijaho toa ine 'ee 'iruma ihuna pana kaivo arira 'ee matauma hine 'ee Godoni 'Avena vajijino mari'uvi'i hihunijina.

Romani 15:13

Jara Godia ka'ene nimaa rojujara temara 'ee matauvi'ini samahakame jara nimaa rojajaho Godoni 'Aveni jihuni harura vajijino itusahe ameurahe ariha.

Romani 2:7

'Enakaivo ea ka'ene na'ia mapoka'e masuani hine mamaa vene 'ee pinana maiji sarame 'ee hura vene 'ee uneunecha ka'ene majama nahuniji saravujija Hu majama hihunijaho pu mihuna.

Romani 2:9

Ea ka'ene sisea veji'i hijujija pu haha hianame 'ee sisei hihuna. Amura Jua renareje iji'a Kuriki 'u'o renahuna.

Romani 5:1

'Enajihuna'e nú nimaa rojajihuna'e arimaa'e rejara'omo Godi pu'úmo matauma hihunijaho núni Natohwa ka'ene Jesu Keriso oni vaji apejara.

Romani 8:6

'Enajihuna'e ea ka'ene hahijihunijiru vwihaji'inijija pu kwamasahuna kaivo ea ka'ene Godoni 'Aveni jihunijino vwihaji'inijija mataume majama hihuna.

Romani 9:21

'Ú ea ka'ene si'uara veji'inijaho huni harura namujihuna'e anata nikwisu'ina kajino si'uara pina vea mama'ina'e re'eje nihehuna'e vene 'ee pina ma vea mamahakino nihehuna'e venune?

Romani 9:23

Hu ika'ina'e venajihuni maijaho Huni pinana mamaijija si'ura ka'ene numirame nimarako pinana 'uri'amarono amairiarama jihipuni vaji najahuna.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Karesia 5:6

Ijihuni maijaho Jesu Keriso oni vajijaho sisa 'uhuahi'ina ho pa'uhuahi'inijaho natohwa pana kaivo nimaa rone oja 'ekaravujara natohwijahuna.

Piripai 4:7

'Ene Godoni matauvi'ina ka'ene uneunecha maho'o asitaha ranamajara Jesu Keriso oni vaji joni oja 'ee vwihijija 'ajoha'amana.

1 Timoti 1:17

Hu iviamaa Kinia ka'ene majama hiji'inijina 'ee pakwavi'inijina 'ee haha pakavi'inijina 'ee Hu Godi nikwinuna 'ee Huni hura venahura 'ee pinanijaho aneja púsa pa'ana'e Huna. Ameni.

Hipuru 2:7

A emaa venajaho Godoni 'ona oji'ini jihipuni hari ma'uako hihuna venana. 'Enavo A Huni pinana vejuma 'urine 'ee Huni iha ahasirimana. Ara Hu iji pijaharena Ara Oni iji raka ka'ene venajaho Hura 'ajoahuna vajahana.

Jemisi 2:22

A ivi'a huni nimairoa 'ee huni kara mamaiji'i ahume kaukara venajaho nikamo? Ijihuna'e huni kara mamaijara renajihuna'e huni nimairoa roe areri renana.

Jemisi 3:13

'Ú ea irara joni vajakaho vwiha hami vwihaji'ine 'ee hena kama paraji'ine? Maka'eje hu huni kara mamaijino vene masuani vwiha mamaijino najahama.

1 Pita 1:7

'Ene joni nimairoa ijara korutia asimana'omo korutia ka'ene siserane 'ee pa'arehunijija veni vena kivuja'ina'e joni nimairoa vena kive roe areri rena parahuna. Jesu Kerisora ro'amani veijino ja ta'arorahe joni pinana veje 'urine 'ee joni iha ichutoi rehuna.

1 Pita 5:4

'Enakúne vea ka'ene Sipia 'Ajoha'ina Natohwijara ro'amajaho ja pinana mamaahuni i'esa ka'ene majama nahuniji 'ekahuna.