Romani 15:5 - Godoni vuʼa maiuʼina

⁵ Godi ka'ene matauvi'inaka ni'ajúhi'inijara venae ja vwiha kwinu'wi rene Jesu Kerisora ura renuja'ina'e vehuna.

Romani 15:5 ပူးပေါင်းရင်းမြစ်များ

Akisi 4:32

Ea mapoka ka'ene nimaa roji'ina kajija puni oja 'ee vwiha nikwinu vwihajara kaivo ea pina unenu'u pina nuna pa'iamana kaivo pu uneunecha mapoka 'eke totari 'ojura.

Romani 12:16

Ja ea mapoka oja nikwinu'wi vwiha'avara. Jarika parena o'avara. 'Ene ja ea ka'ene mena iju orijihi pu'úmo teamanahunaru pavwiha'avara kaivo ea sisea maijihi pu'úmo teamana'avara. 'Ene ja hena kavi'ina ronareje ojono ta'arosara'ava.

Romani 15:13

Jara Godia ka'ene nimaa rojujara temara 'ee matauvi'ini samahakame jara nimaa rojajaho Godoni 'Aveni jihuni harura vajijino itusahe ameurahe ariha.

Romani 15:3

Ijihuna'e Kerisoho Hu ori'ina'e teamahuni ja'ina pavenuna vo Godoni ira vaji vene ika'ina 'warumana Ea ka'ene ira sisea a 'waravajaho Na 'warima avajara 'úmana.

1 Koritia 1:10

Vwehu nune na iviamaa núni Natohwa Jesu Keriso oni iha vaji 'waravukúne veje joni vaja panakarame 'ee paahaame hiha kaivo vwiha kwinu vwihane 'ee ura nikwino rene hiha.

2 Koritia 13:11

'Enajihuna'e vwehu nune túchamaijaho temarasaha 'ee vena'e mahou'ina'e reha. 'Ene ni'ajaraha 'ee oja sonahiaha 'ee vwiha nikwinu rene matausahe hiha. 'Eje Godoni oja mihi'ina 'ee matausahi'inijara ja pu'úmo nahuna.

2 Koritia 7:6

'Enakaivo Godi ka'ene ea ija'ina temuka apeji'ina venau'e oja sonahiujara Taitasi ranavume roume oja sonahúana.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Piripai 2:2

Ikija nimai jihuna'e vejakame temari rarenihe parani'amana.

Piripai 3:16

'Enakaivo roe ja pu'úmo tinia mamaa ka'ene nú ajima va'e usevajino kirasahe ni ijí hija.

Piripai 4:2

Na Uotia'o Sinitike'o 'ejahie 'waravukúne Natohwi jihuni vaji ahuma mamaa'e hi'avara.

1 Pita 3:20

Ijija maraku'ijaho vuataa paheji'ina'omo Noa oni veijino Godiho makivi'i vivinui 'ajiha hi'eju'e sisima venana. 'Ene ea iropu no'opisu toa 'aha kajino aherame roana.

1 Pita 3:8

Ike vu'ake tanuhunijaho ikena. 'Enakúne roe ja pu'úmo vwiha kwino vwihane 'ee ea 'ahopuna'i temuka apene 'ee vwehu núna oja mai vwihanie 'ee ja ea ichá'inijaho pavwiha'ika'i oja ajuarasaha.

2 Pita 3:15

'Enakaivo vwiha'avara. Natohwijara masuani vivinui 'ajúha va'ujihuni maijaho emaa ni'ajihe marani'amarono avanu areri núni vwea Poru ka'ene nú oja mahi'iniji vwiha mamaa ka'ene vajahume joni asura vene 'waramajaho vwiha'avara.

2 Pita 3:9

Natohwijaho iraka ka'ene Hura nahama 'waramajaho marako pavenu rone ea 'aho'a ija'ina'e vwihaju kaivo Hu ja masuani 'ajiha avanu. Ijihuni maijaho nú eha sisea apehunijaho Hu ura parenu vo ea maho'o 'unama ta'arohe rohuna'e ura renu.