Romani 14:19 - Godoni vuʼa maiuʼina

¹⁹ 'Enakúne roe uneunecha ka'ene ja venaakame mataume ahuma ura kwisu rene 'ee ni'ajaravi'i hi'avara.

Romani 14:19 ပူးပေါင်းရင်းမြစ်များ

Matiu 5:9

'Ene ea ka'ene ea 'aho'a venau'e pu pu'úmo matauvi'inijija teamanava. Ijihuni maijaho Godira pu Huni harihija 'i'ena.

Maka 9:50

Misa mamaa kaivo misa kajihuni vweijara pa'are'ipisa 'ú nú ichá'ina veje kú'o vwea reja'e? Emaa misa puna'i vwea rukina re'avajaho ja joni oja hami 'ajohe 'unama maa vejajihuna'e ja ea mapoka pu'úmo hami hihuna.

Romani 12:18

'Unama onuna areri re'amajaho ea maho'o pu'úmo matauma hi'amana.

Romani 15:2

Roe nú ja pu'úmo ea ka'ene núni rori hijujija veje teamanamava 'ee pu maranihuni jihuna'e ni'ajihe pu Godoni ira ija kisi apene puni una'i saname ve'avara.

1 Koritia 10:23

Uneunechaka maho'o kijahija na areri ihuna 'ee vehuna kaivo ijipuhipo na ni'ajihuna pana. Uneunecha maho'o areri na vehuna kaivo uneunecha maho'o kajija na pani'ajihe emarehuna.

1 Koritia 10:33

Na uneunecha mapoka ka'ene ija'ina'e vejujaho ea maho'o teamanahuni jihuna'e veju. Na uneunecha ka'ene na'e maranihunijaho pasaravura. 'Enakaivo iraka ka'ene veje pua'e ni'ajihe maranihuniji saravura.

1 Koritia 14:26

'Ena'omo vwehu nune ichá'ina ve'eja? Vea ka'ene ja roe ahu'avajaho ea kwinu kwino javaa veje 'ee ea pina najahe 'ee ea pina vu'a hema nahume hununa'a samaumaa'e renaji najahe 'ee ea pina ira ani'ini 'warave 'ee ea pina ijí ta'arohuna kaivo veje uneunecha maho'o ea ni'ajihe emarene 'urihunijiru re'amana.

1 Koritia 14:3

'Enakaivo ea ka'ene poropetia puni iri 'waramujaho hu emaapo emare'asa'avarono 'warame 'ee ni'ajihe 'warame 'ee oja sonahi'amarono 'waramuna.

1 Koritia 14:4

Ea pini hu ira ani'ini 'waramujaho hu huhusu ni'ajaramuna. 'Enakaivo ea ka'ene poropetia puni iri 'waramujaho sosia ni'ajahu'e emarena 'urinuna.

1 Koritia 14:5

Na ura ja ea maho'o ira ani ani'ina 'wahuna ura reniu kaivo na natohwa ka'ene ura reniujaho jara poropetia puni iri 'warahunijara ura renia paranu. 'Enajihuna'e ea ka'ene poropetia puni iri 'waramujara ea ka'ene ira ani ani 'waramujaho asimana. 'Enakaivo hu ijí ira kaji ta'arohe 'wara'amaji'a sosia pirave emarehuna. 'Eje iji'a pu no'o areri rehuna.

1 Koritia 7:15

'Enakaivo ea ka'ene panimaa roji'inijara raname vai veja ka'avajaho maka'eje va'amana. Ijihuni maijaho ijí vwea núna ho ma'ina núna kajaho hu areri mataume napasi nehuna ho parui nehuna. Ijihuni maijaho Godiho nú mataume hihuna'e iji pijúhana.

1 Koritia 8:1

Iviamai godi ira'atijihi puni swasa vene 'iruma vajihu jihipuna'e 'waravu. Nú nihena kavu nú ea maho'o henaka rukina. 'Ene henaka pu veju'e kehi kehi vejura kaivo oja 'ekaravujara ni'ajihe 'unirame 'urinaura.

2 Koritia 12:19

Jara hine vwihana apene roujaho núra raka ka'ene 'waravujaho nú núni haha anakarame ijihuna'e 'waravu roju. 'Enakaivo nimaijaho Godoni una'i nú Keriso oni vaji ja oja mihujihuna'e ja vena'e marasahe 'uri'avarono 'waravu.

2 Koritia 13:11

'Enajihuna'e vwehu nune túchamaijaho temarasaha 'ee vena'e mahou'ina'e reha. 'Ene ni'ajaraha 'ee oja sonahiaha 'ee vwiha nikwinu rene matausahe hiha. 'Eje Godoni oja mihi'ina 'ee matausahi'inijara ja pu'úmo nahuna.

Epasasi 4:12

'Eje ijara ea ka'ene akuavi'inijija ni'aji'eje Huni kaukara vehuna. 'Ene Keriso oni hahijaho veje emarena ajihuna.

Epasasi 4:29

Ja paki'eje ea ira sisea 'wara'ava. 'Enakaivo veje ja ira mamaa ka'ene ea kaji ni'ajahe emarena 'urihuniji 'wara'avana. 'Eje ea irahipo ijí he'avajaho ijara pu meraji'avara.

1 Timoti 1:4

'Enakúne 'waravakame mamiha sisea 'ee amuja nirisaravujaho areva. Ijihuni maijaho ijipo veju'e nakaravi'i hijura. 'Ene ijipo venau'e Godoni kaukara ka'ene nimaaroijaho pani'ajahu'e emarenuna.

2 Timoti 2:22

Ea maiu'inapo hahijipo itunavuri 'unamijija juha'amana kaivo ariramaa 'ee nimairoa 'ee oja 'ekaravura 'ee matausahe hijuji 'ararihi'amana. 'Ene ea ka'ene Natohwiji oja mamaiji vwihaji'i 'uraha 'wavujihipo vejuja'ina'e ve'amana.

Hipuru 12:14

'Enakúne ea 'aho pu'úmo oja sonaravi'i hi'avara. 'Ene ani ani pavene 'ee 'unama ariramaiji vehunijara ituna'avara. Ea irahipo ariramaa pa'ana re'avajaho Natohwijaho pakahuna.

1 Pita 3:11

'Ene hu sisea are'i kaivo ta'arohe mamaaru ve'amana. 'Ene matauma hihuni 'unamijaho same 'ee 'unama kajihuna kaji veji'i hinama.