Romani 12:16 - Godoni vuʼa maiuʼina

¹⁶ Ja ea mapoka oja nikwinu'wi vwiha'avara. Jarika parena o'avara. 'Ene ja ea ka'ene mena iju orijihi pu'úmo teamanahunaru pavwiha'avara kaivo ea sisea maijihi pu'úmo teamana'avara. 'Ene ja hena kavi'ina ronareje ojono ta'arosara'ava.

Romani 12:16 ပူးပေါင်းရင်းမြစ်များ

Matiu 11:5

Ea ka'ene nia supama'inijija nia niriu'e ea ka'ene irima'inijija 'urahe matauma oju'e ea ka'ene reporosia rukina pa'arenau'e ea ka'ene ataa pa'ajija heju'e ea ka'ene kwamasahi'inijija ni'urine mai'o hiju. 'Eju'e Godoni vu'a mai maiu'inijaho ea ka'ene pivusahi'iniji najahu.

Matiu 26:11

'Enakaivo ja ea ka'ene uneunecha pa'ajijahija na'iaka mapokakaho ja pu'úmo hihuna kaivo Na ikaho ja pu'úmo majama pahihuna.

Ruku 14:13

A ahaja i'i 'ahae ve'amajaho ea ka'ene uneunecha pa'ana irivi'ina nia supavi'ina 'ee atama 'uniravi'ina 'umena'amana.

Ruku 6:20

Hu 'arohe Huni tisaiporu kivi'i aneja vene ijá 'iama Ja ea ka'ene pivusahujija ivi'a tea manamama. Ijihuni maijaho Godoni arijaho ivi'a jona'e renu.

Akisi 4:32

Ea mapoka ka'ene nimaa roji'ina kajija puni oja 'ee vwiha nikwinu vwihajara kaivo ea pina unenu'u pina nuna pa'iamana kaivo pu uneunecha mapoka 'eke totari 'ojura.

Romani 11:20

Ijaho nimaa. Pu panimaa rojajihuna'e tu'usahe arihara. 'Enakaivo a nimaa ronujihuna'e a puni tinia apenana. Ja niho'o pakehi kehi 'urahe o'avara kaivo ijihuni hura veji'i hi'avara.

Romani 11:25

'Ene vwehu nune ja hema ka'ene namuke hena ve'avarono 'waravu. Ijihuni maijaho ja Huni ea rejajihuna'e jarika pare'avara. Ijaho nimai Isureri ora ea pwinana'a oja kisina'e rene hi'eju'e Jenitarua roajiame Huni ea re para'eja'e iji'a Isureri mapoka nimaa rohuna.

Romani 12:3

Ijihuni maijaho Godi na maiji vwihaniarena na Huni pwea re'urono iji pijihana. Ijihuna'e ja eaka mapokakihi ika'ina 'waravu. Ja joni haharu vwihanareje pa'unirame 'eke ichutoi 'ahasiri'avara. Vea ka'ene ja joni haha vwihajuri veijaho ariramaaru vwiha'avara. 'Enakúne veje ea kwinu kwino Godira hu nimairoa ichá'ina'e vajahajaho vwihaji'i hi'amana.

Romani 15:5

Godi ka'ene matauvi'inaka ni'ajúhi'inijara venae ja vwiha kwinu'wi rene Jesu Kerisora ura renuja'ina'e vehuna.

Romani 6:2

Niho'o pana. Nú ichá vene sisea ni arevajaho kú'o hine ve'eja?

1 Koritia 1:10

Vwehu nune na iviamaa núni Natohwa Jesu Keriso oni iha vaji 'waravukúne veje joni vaja panakarame 'ee paahaame hiha kaivo vwiha kwinu vwihane 'ee ura nikwino rene hiha.

1 Koritia 3:18

'Ene paveje emaa ori'ini papisivara'amana. Ea irara vea ikehuni vajakino vwihaje hu vwiha mamaa vwihaji'ina ro'amajaho veje maijaho hu roe túa'e renareje iji'a vwiha mamaa vwihaji'ina'e re'amana.

1 Koritia 4:10

Nú Keriso onijihuna'e vwiha pa'anepo vejuja'ina'e veju kaivo ja Keriso oni vaji hami vwihaji'ina reju roju. 'Ene nú harura pa'arenujaho ja harura rukina roju. 'Ene pu ja 'eke niriri irechamiura kaivo pu núni hura pavejura.

1 Koritia 6:5

Na ikaho jaae veje juna'avarono 'waravu. 'Ú ea ike joni vajakaho arira'e vwihaji'ina pahinuna'omo hu ja no'o vweune'i joni 'unamijaho areri paamairi'ena?

1 Koritia 8:2

Ea irara vwihaju'e hu uneunecha maho'o he paraji'ina ronujaho hu hura hehuni ja'inijaho pahenuna.

2 Koritia 13:11

'Enajihuna'e vwehu nune túchamaijaho temarasaha 'ee vena'e mahou'ina'e reha. 'Ene ni'ajaraha 'ee oja sonahiaha 'ee vwiha nikwinu rene matausahe hiha. 'Eje Godoni oja mihi'ina 'ee matausahi'inijara ja pu'úmo nahuna.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Piripai 3:16

'Enakaivo roe ja pu'úmo tinia mamaa ka'ene nú ajima va'e usevajino kirasahe ni ijí hija.

Piripai 4:2

Na Uotia'o Sinitike'o 'ejahie 'waravukúne Natohwi jihuni vaji ahuma mamaa'e hi'avara.

Hipuru 13:5

Monia oja mihuri 'unami jihuni vaja pahi'avara. Raka ka'ene icharo jonuna'i navujaho teamana'avara. Ijihuni maijaho Godira ori'ini ika'ina 'waramana. Na a paranamae Na a patúchahahuna 'úmana.

1 Pita 3:8

Ike vu'ake tanuhunijaho ikena. 'Enakúne roe ja pu'úmo vwiha kwino vwihane 'ee ea 'ahopuna'i temuka apene 'ee vwehu núna oja mai vwihanie 'ee ja ea ichá'inijaho pavwiha'ika'i oja ajuarasaha.

1 Pita 5:3

'Ene jara sipia ka'ene 'ajoha'avarono irechamiajija 'ajoha'avara kaivo joni 'unama mamaijino vene najahi'i 'ajoha'avara.

3 Joni 1:9

Na sosi huni vu'a 'aho'a na heha 'ahi nivejuta. 'Enakaivo Tiatiripisi hu niho'o ni'ima'ura re'iro vwiha'i kaivo núra raka ka'ene 'waravajaho hu rarenana.