Romani 12:10 - Godoni vuʼa maiuʼina

¹⁰ Ja vwea vwipu jona'e oja mihujakaji ea 'aho pu'úmo oja ma'ara'avara. 'Enareje teamana'eje ta'arosara'avara.

Romani 12:10 ပူးပေါင်းရင်းမြစ်များ

Matiu 20:26

'Enakaivo ijí 'unama ka'ene ijá'inijija joni vaja kajaho panahuna. 'Enakaivo ea irara ura joni vaji natohwa re'i ve'amajaho hu joni pwea re'amana.

Ruku 14:10

Vea ka'ene ea a 'warave va'amajaho va'e ruha ka'ene túchama ijí apena hi'amana. 'E'irakúne ea ka'ene a 'waravume va'ajara ro'amajaho hu ijá 'wahune Napura nune kahakaro ruha maa kahi va hina 'wave iji'a ea mapoka ka'ene 'aijua rori hijujija a kame ta'arorahuna.

Joni 15:17

Ikija Na ja 'waravukúne ea 'aho pu'úmo oja ma'ara'avara.

Joni 17:21

'Enajihuna'e Na siporua 'ojukúne pu maho'o nikwinu re'avara. Amo pu nikwinu nú pu'úmo re'avara. Areri Ara Nuni vaji hiju'e Nara Oni vaji hijuja'ina'e pu 'u'o Núni vaji hihuna. 'Ejakame mwe'akaho Ara Na ranamiume rouji nimaa ro'avara.

Akisi 4:32

Ea mapoka ka'ene nimaa roji'ina kajija puni oja 'ee vwiha nikwinu vwihajara kaivo ea pina unenu'u pina nuna pa'iamana kaivo pu uneunecha mapoka 'eke totari 'ojura.

Romani 13:7

'Ene ea eha mi'avajija areri pura kaukara ka'ene vejuja'ina mi'avara. Ea ka'ene takisia apeji'inijihi puna'i takisia ve'avara 'ee kasitomu 'ime'avarono ve'avajaho 'imena'avara 'ee ea irá juhahunijaho juha'avara 'ee ea irahuni hura vehuna re'amajaho huni hura vehuna.

Karesia 5:13

Vwehu nune ijihuni maijaho ja unenu'u 'ahopuni harura hari pahihuni jihuna'e iji pijihana. 'Enakúne hanasina ka'ene jara apejujaho paveje hahijihuni ura ijaho pave'avara. 'Enakaivo oja 'ekaravuri vajijino ni'ajaravara.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Karesia 5:6

Ijihuni maijaho Jesu Keriso oni vajijaho sisa 'uhuahi'ina ho pa'uhuahi'inijaho natohwa pana kaivo nimaa rone oja 'ekaravujara natohwijahuna.

Piripai 2:3

Ja jasumano jonaru vwihajuri 'unamijaho pavene 'ee vwiha maa pa'ajihuna'e kehi kehi vejujaho arehuna. 'Enakaivo vwiha jonijija 'eka masuani ajuarasahe ea 'aho'a mama'ina rone vwihanihuna kaivo jajasu pavwiha'avara.

Korasia 1:4

Ijihuni maijaho Jesu Keriso oni vaji joni nimaaroa 'ee jara Godoni ea ka'ene akuavi'iniji oja mihuji henare'e avajura.

1 Tesaronia 4:9

Jara vwehu jona ichá'ina'e oja mihunijaho ea pina mai'o pavene 'warahuna. Ijihuni maijaho 'unama ka'ene vwehu jona'e ichá'ina oja 'ekarahunijaho Godira ja najahana.

2 Tesaronia 1:3

Vwehu núne nú na'ia mapoka'e jonijihuna'e Godi teimani 'wavura. Ijihuni maijaho joni nimaa roijaho niho'o emarena paranu. 'Ene jara oja 'ekaravujaho 'u'o niho'o emarena paranu.

Hipuru 13:1

Vwehu jo pu'úmo oja ma'ara'avajaho majama nama va'amana.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 2:17

Ea maho'o puni hura ve'avara 'ee vwehu jona oja mi'avara 'ee Godoni hura vene 'ee kinia huni hura ve'avara.

1 Pita 5:5

Ja ea maiu'ine 'unama nikwinu'ina kajino ja ea mama'ina puni hari hi'avara 'ee masuani ajuarasahe hijujino ea kwinu kwino same hi'avara. Ijihuni maijaho Godiho ea ka'ene kehi kehi vejujija ninamauna. 'Enakaivo ea ka'ene masuani hijujija maiji vwihaniujaho vajihuna.

2 Pita 1:7

'Ene Godoni 'unamiji vejuri vajijino vwehu jona hami 'ahi'avara. 'Ene vwehu jona hami 'ahiuri vajijino oja 'ekara'avara.

1 Joni 4:11

Ehu nuna ka'ene na ja oja mihukije Godi Hu niho'o natohwa oja múhajihuna'e nú 'u'o ea 'aho pu'úmo oja 'ekarahuna.

1 Joni 4:20

Ei pini ijá 'imujaho na Godi oja mahu 'i'i kaivo vweaha kame semujaho hu ira'ata apene avanu. Ei pini hu ea nii huni kamujaho oja pamahu kaivo ichá'ina'e Godi ka'ene hu pakamujaho oja ma'ena?