Romani 12:1 - Godoni vuʼa maiuʼina

¹ Vwehu nune na ja jariravi'i 'waravukúne. Godira ja numiramani vajijino joni hahijaho mai'o hine akuavi'ine 'ee swasa ka'ene Godi teamahuni ja'ina'e vene ma'avara. Ijaho raka mamaa ka'ene núra Godi oja mahe venahunijina.

Romani 12:1 ပူးပေါင်းရင်းမြစ်များ

Ruku 7:47

Na nimaa nimaa 'waravo Huni sisea mapokijaho niho'o vwihajume pa'arenana. Ijihuna'e hu Na oja natohwa'e mihana. Ea irahuni sisea ma'uako pa'arenajaho hu ma'uaku'wi oja mihuna 'wamana.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

Romani 15:16

Na Jesu Keriso oni vu'a Jenitaru najahu. Na Godoni vu'a maiu'iniji najahi'ina'omo na Jenitaru puni swasa Godira pu kime teama'amarono veju. Ijihuni maijaho Godoni 'Avenijara Hunijihuna'e venaume ariramaa rejara.

Romani 15:30

Vwehu nune na nimai ja jariravu. Nuni Natohwa ka'ene Jesu Kerisoho 'ee 'Avena ka'ene oja 'ekaravuri vajijino na hu'úmo joni siporua vaji namine Godoni siporua 'oni'avara.

Romani 2:4

'Ú Godira ja hami 'ahi'i kaivo Hu eha marako pamihe 'ee makivi'i hinujaho ja senavo? Godi ja hami 'ahiu jihuni maijaho ja joni sisea are'i kaivo ta'arohe ro'avarono avanujaho ja vi hena kavo?

Romani 6:13

'Enakaivo ja paki'eje joni haha pwinana kehi 'eke 'unama ka'ene sisea vejuri kukuijihi re'ava kaivo kwamasahara'e 'urina hijuja'ina'e joni hahakaho maho'o Godi vajahe Godoni 'unama arira vejuri kukua'e reha.

Romani 6:16

'Ú ja paheju? Vea ka'ene ja ea 'ahopuni ira hene vejujaho ijí ea ka'ene ja huni ira hene vejujihuni pwehija rejura. Areri ja sisei jihuni ira hene vejujihuni eha ijaho kwamasahuna. 'Ene mamai jihuni ira hene vejujihuni eha ijaho arimaa'e rehune?

Romani 6:19

Na ema puni 'unamijino ikaho 'waravu jihuni maijaho joni hahijaho majano ajuasina'e rena namu. Ja maraku sisei jihuni pwehija rene 'ee joni haha pwina sisei jihuni pwehija rene 'ee hine hura hara sisea vena apene roarakúne iviamaa joni haha pwinakaho vajahe arimai jihuni pwehija'e rejakame ja Hua'ina'e rena apene va'i hi'avara.

Romani 9:23

Hu ika'ina'e venajihuni maijaho Huni pinana mamaijija si'ura ka'ene numirame nimarako pinana 'uri'amarono amairiarama jihipuni vaji najahuna.

1 Koritia 1:10

Vwehu nune na iviamaa núni Natohwa Jesu Keriso oni iha vaji 'waravukúne veje joni vaja panakarame 'ee paahaame hiha kaivo vwiha kwinu vwihane 'ee ura nikwino rene hiha.

2 Koritia 10:1

Na Porura onuno ja 'ejahie Keriso oni ajuarana masuani hijura vajijino 'waravu. Na vea ka'ene ja pu'úmo ura varira kakaravujaho ajuasina'e rejura kaivo na karaa ani hijujaho na niho'o ira kisina'e jonuna'a 'waravura.

2 Koritia 4:1

Ijihuni hahi nú kaukara ike apeja jihuna'e numiruvi'inijaho apejara. 'Enakúne ja paki'eje oja ajuarasahu ro'ava.

2 Koritia 4:16

Ijihuni hahi oja vaja pasenuvu'e arevura kaivo núni hahakaho uhe matoha parane va'u kaivo 'avena ka'ene núni vaji hinujaho veku veku veju'e maiu'ina'e renu.

2 Koritia 5:20

'Enajihuna'e nú Keriso oni iruhoa apene 'waravi'ina areri Godi núni vaji vu'a 'waramu jihuna'e Keriso oni tinia apene jarirame 'waravujaho Godoni napura kú'o re'avara.

2 Koritia 6:1

Nú Godi pu'úmo ahuma kaukara vejujihuna'e nú jarirame 'waravujaho ja paki'eje Godira maiji vwihaniajaho majikari apene tau'avara.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Epasasi 5:10

'Ene Natohwijara ura rehunijihi hena ve'irono 'unama savujina.

Piripai 1:20

Na ura renia para'eju'e raka ka'ene rehuniji nimaa roji'i hijujaho uneunecha 'aho'a pareje na junihuna. 'Enakaivo na Keriso onijihuna'e paju'ika'i marako vejuja'ina vehuna. 'Ene nuni hia vajakino na mai'o hi'eju ho na kwahuna kaivo na na'ia mapoka'e Kerisoho ta'arohuna.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Piripai 4:18

'Enakaivo uneunecha maho'o areri 'ekuta. 'Enareno ijipo mapoka'e areri renihara. 'Ene jara Ipapirotaitasina'i irechavajija na ni 'ekuta. Ijija swara mamaa ka'ene amua mamaa Godi teamama parahunijihi vejara.

1 Tesaronia 4:1

Vwehu núne Vu'a túchamaa pina ikena. Nú Natohwa Jesuni vaji ja jarirame 'waravu núra vu'a ka'ene 'waravume ja hene oju kaja'ina'e nija'ina oje Godiho teama'amana. 'Eje ja maranie ajime va'amana.

1 Tesaronia 4:10

Nú niheju. Ja 'unama kajaho vwehu jona ka'ene Masatonia hijujihi pu'úmo vejura kaivo vwehu núne nú ja jarirame 'waravujaho ja maji vene ihajinanama apene vaha.

1 Tesaronia 5:12

'Enakaivo vwehu núne nú ja jarirame 'waravujaho ea ka'ene joni vaja kajino kaukara kikisina'e vene 'ee Natohwi jihuni vaji ja 'ajoha'e 'ee vu'a ka'ene pu 'waravujaho ta'arora'avara.

1 Timoti 2:3

Ikija Godi ka'ene nú Ni'ajúhi'ini jihuni una'ijaho mamaa 'ee Hu ura rena paranujina.

1 Timoti 5:4

'Enakaivo ijí paranaha amuna kajaho sesahwaha 'ee sahwaha hi'avajaho maki'eje Godi ura renuji najahareje pu kachi'ina opuipo 'ajoha'avara. Ijihuna'e areri emahwapo pu 'ajoaha ja'ina'e eha veja. Ijihuni maijaho 'unama ija'inijara Godiho ura renuna.

Pairimani 1:10

Na nuni hariha Onesimasi ka'ene na tipurai hiji'i nahume Godoni ea renana'omo na hunijihuna'e jarirame a 'waravu.

Pairimani 1:9

Emaa oja mihujihuni hurijihuna'e na a jarirame 'waravu. Na Poru ka'ene iviamaa Jesu Keriso oni tipurea rena hi'eme ema rejujara 'waravu.

Hipuru 13:22

Vwehu nune Na ja 'ejahiare'e na asura ma'uako vejukúne raka ka'ene 'waravukaho hami ve'avara.

1 Pita 2:20

Ja sisea vejakame pu sise'i 'ahi'eje ja kirasahe masuani hi'ava jihuni eha ijaho irake? 'Enakaivo ja mamaiji vejujihuna'e sisei hiji'i masuani kirasahe va'avajaho ijara Godi teama'ena.

1 Pita 2:5

Ja 'u'o areri muna ka'ene mai'u hiji'ina ka'ene 'eke 'Avena huni ara vejara ka'ene ariramaa rejuri pirisitijihina. 'Ena'omo 'avena huni swasa ka'ene Godi teamamu ja'ina'e Jesu Keriso oni vaji swasa vejura.