Romani 1:17 - Godoni vuʼa maiuʼina

¹⁷ Ijihuni maijaho Godoni vu'a maiu'ina vajijino Godoni 'unama ariramaijaho nimaaroa vajijino totari najaha apene roara. Godoni ira vajijino ika'ina vejara Ea ka'ene ariramaijaho nimaaroa 'ahi hihuna 'úmana.

Romani 1:17 ပူးပေါင်းရင်းမြစ်များ

Joni 3:36

Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henare'e pavenujaho hu majama pahihuna. 'Ejukame Godoni sena huni haha 'ahi namu.

Romani 10:3

Ijihuni maijaho pu Godoni arimaijaho pakama paheju jihuna'e pu opuipu puni 'unama arimai vejujihuna'e pu Godoni 'unamaka aririjaho pataarohura.

Romani 3:21

'Ene tamani jihuni 'unamijaho pana kaivo Godi iviamaa 'unama arimaa Huna najuhu. Ike 'unamakaho Godoni tamaniji'o poropetijihipo nimaa vejara.

Romani 3:22

Ea irahipo Jesu Keriso nimaa ro'avajaho pu Godoni una'i ariramaa rehuna. Godiho ronu kwino parehuna.

Romani 3:3

Jua kajija ea 'aho'a panimaa roju. 'Ú ijí pura panimaa roju kajara veje Godira iraka ka'ene pu nuna'i ve'iro nahama 'waramajaho pave'ena?

Romani 9:30

'Ena'omo nú ike uneunecha mapoka ka'ene núra hejajija nú ichá'ina 'wa'eja? Jenitaru ka'ene maraku'a arimaa pasavi'inijija pu nimaa rojajihuna'e arimaa rejara.

2 Koritia 3:9

'Ene kaukara ka'ene nú namuhunijaho mavarasa'ina'e re'amajaho ivi'a vu kaukara maiu'ina ka'ene núa'e venume arira'e rejajaho niho'o maijihi ani mavarasa'i maa.

2 Koritia 5:21

'Enajihuna'e Hu vejume Keriso ka'ene sisea pa'ajaho sisea renana. 'Ejakame nú Huni vaji Godoni una'i arimaa'e re'avarono avanana.

Karesia 3:11

'Unama ka'ene samaa'e rehunijaho ikena Ea pina varapijara veje Godoni una'i arira'e rehuna pana. Ijihuni maijaho ika'ina'e vejara Ea aririjaho Huni nimairoa 'ahijino hihuna 'úmana.

Piripai 3:9

Na ivi'a Huni vaji hena kavujaho varapi jihuni 'unamiji 'ararihakame nuni vaji arira'e rehuna pakavu. 'Enakaivo na Keriso nimaa rojuti vajijino ariramaa'e rejuta. 'Enajihuna'e arira'e rehunijaho nimai rojakame Godina'i rena rohuna.

Hipuru 10:38

Ea ka'ene ariramaijaho hu huni nimairoa 'ahiji hinu. 'Enavo ea irara Na túchahiujaho Na niho'o pateamanimu 'úmana.