Romani 1:1 - Godoni vuʼa maiuʼina

¹ Na Poru Jesu Keriso oni pwea 'ee apasorua re'urono iji pijihe 'ee Godoni vu'a maiu'ina 'warahuna'e ranamiana.

Romani 1:1 ပူးပေါင်းရင်းမြစ်များ

Maka 1:14

Joniho tipura vaji hi'eme Jesuho Karari roe Godoni vu'a 'waramana.

Joni 12:26

Ea irara Nuni kaukara ve'amajaho maka'eje Na 'ararihi'amana. 'E'irakúne kwaa ka'ene Nara hi'ujino hu 'u'o hi'amana. Ea irara Nuni kaukara ve'amajaho Amora huni iha 'unama 'urihuna.

Joni 15:15

Na ja kú'o pwea pa'iahuna. Ijihuni maijaho pwea huni Natohwi venujaho pakamu jihuna'e pahehuna. 'Enaka'i Na ja napuhu Nune 'iahuna. Ijihuni maijaho raka ka'ene Amo una'i hejujaho Na ja ni'waravuta.

Joni 15:20

Nara vu'a ka'ene 'waravujaho vwiha'avara. Pwea huni Natohwiji'i areria pana. Pu Na sisei 'ahia ja'ina'e ja 'u'o sisei 'ahihuna. 'Enakaivo pu Nuni ira hena vejajija joni ira hena vehuna.

Akisi 13:9

'Ejumakame Soru ka'ene Poruna 'wavujaho Godoni 'Aveni huni oja vaja rarena parajumakame hu niimano kanavi'i

Akisi 20:24

'Enakaivo na nuni hiijaho natohwa pakavura kaivo Godira maiji vwihanúani vu'a mamaa ka'ene ea naja'urono Natohwa Jesura mihaji na ve parahuniji kavu.

Akisi 21:40

'Ejume hu ruha aremahe nijina 'wavume Poruho ijí siasa 'aha kajino nami'i kaivo huni iji hararajihana. 'Ejume ea mapoka iruno'a are'eme hu Hipuru puni iri 'waramarena ijá 'iamana.

Akisi 22:21

Hu ijá 'wima Nara a kwai natohwi Jenitaru puni kwai ranamaukúne va'a 'wimana 'iamana.

Akisi 22:7

'Ene na ni'aha kwino 'ona apena arihe mwe'i ninavi'i hejume ira kahi akúpa 'ahi rena roe ijá 'wima Soru Soru a raka vena Na sise'i 'ahiu? 'wimana.

Akisi 26:1

'Ejume Akuripara Poruho ijá 'wama Ivi'a a oni vu'a 'waruma 'wamana. 'Ejume Porura 'urine huni ija ahasiri'i kaivo hu huni vu'a aneja vene 'waramana.

Akisi 26:14

'E'eme nú ni'aha kwinu mwe'i apúsama navi'i na hejume ira kahi akúpi 'ahi rene roe Hipuru puni iri ijá 'wima Soru Soru a irakijihuna'e Na sise'i 'ahiu? Ijí usa rukima'ura 'aha kajino 'anahuna areri pana 'wimana.

Akisi 27:23

Iviasi na'iakino Godi ka'ene na Huni kaukara vene 'ee na Huni ea rejujihuni 'ona oji'ini roe nuni 'una'i naminana.

Akisi 9:15

'Enakaivo Natohwijara ijá 'wama Ijí ea kajihuni va'a Nara hu Nuni kaukara ve'amarono iji pijahuta'omo hu Nuni iha apene Jenitaru 'ee kinia 'ee Isureri oni harihija najahuna.

Romani 1:16

Na niho'o vu'a maa maiu'inakake 'warahunijaho pajunimu. Ijihuni maijaho vu'a kakaho Godoni harura ka'ene emaapo nimaa rojakame maranihunijina. Ike vu'a kakaho maraku'a Juaru najahareja iji'a Kurikia najahara.

Romani 1:5

Huni vaji nú maiji vwihanúajaho apene 'ee apasorua'e rejajihuna'e nú Huni ihijihuni hahi Jenitaru maho'o 'warave roe hene nimaa rone vehuna.

Romani 1:9

Ijihuna'e Godi ka'ene nuni oja 'aveniji'i mahujara ki'eju'e vu'a maa maiu'ina ka'ene Huni Harihiji rone najahujaho na'iaka mapokakaho na ja rone 'waravura.

Romani 11:13

'Enakaivo na ja ea ka'ene Jenitarua 'waravu. Na Jenitaru puni apasoru ijihuna'e na nuni kaukara kehuni arovua'e 'waravu.

Romani 15:16

Na Jesu Keriso oni vu'a Jenitaru najahu. Na Godoni vu'a maiu'iniji najahi'ina'omo na Jenitaru puni swasa Godira pu kime teama'amarono veju. Ijihuni maijaho Godoni 'Avenijara Hunijihuna'e venaume ariramaa rejara.

Romani 15:29

'Ene na nimaa rojujaho vea ka'ene nara routi veijaho Keriso oni merajihi'inaka itu'o'uji'iniji apene joni vuhuna.

Romani 16:18

Ijihuni maijaho ea ija'inijija núni Natohwa Keriso oni kaukara pavejura kaivo pu opuipu teamanahuni ja'ina'e 'wame 'ee puni ira kajikano vu'a 'aho'a kajija 'eke 'warame amairia nirisame mama'ina vena 'eke usee 'ee ea ka'ene hami pavwihaji'inijija pisivisavura.

Romani 16:25

Hu areri vena'e ja kirasahe namihuna 'ee nuni vu'a 'ee Jesu Keriso rone najahujara ni'ajihuna 'ee hema ka'ene mwe'akara aneja venaji rene nesi nama roajaho iviamaa samaahiramu.

1 Koritia 1:1

Na Poru Godi oni ura ijino Jesu Keriso oni apasorua re'urono iji pijihajara Sositanisi ka'ene núni vweiji'i veju.

1 Koritia 9:1

'Ú na pamataume ojura raka? 'Ú na apasorua pana raka? 'Ú na nuni Natohwa Jesu Kerisoho pakavuta raka? 'Ú ja nara kaukara kisina ka'ene Jesuni vaji vejujihuni eha pana raka?

2 Koritia 1:1

Na Porura Keriso oni apasorua Godira Huni ura ijino iji pijihana. 'Ene Timoti ka'ene núni vweiji'o Godoni sosia maho'o ka'ene Korinitiai namuna 'ee nimaa roji'ina maho'o ka'ene Akea vaji hijujihi puna'e veju.

2 Koritia 11:5

'Ene na onuno pavwihajujaho na apasorua ka'ene mama'inijihi puni hara ka'ene niho'o túchama ijina paroju.

2 Koritia 11:7

'Ene nara niho'o joni hari roe ja 'unirame ahasirima'e 'ee Godoni vu'a maa maiu'iniji ja'e eha pa'a najahujaho na sisea vene avajuta raka?

2 Koritia 12:11

Ja ojono veniume na vwiha pa'ana'e rejuta. 'Enajihuna'e jara asura vene na ea icha'inijaho rone 'warava'a.

2 Koritia 2:12

'Ena'omo vea ka'ene Keriso oni vu'a maa maiu'ini jihuna'e Toroasi roujaho Natohwi jihuni vaji nuni vwicha jaraana.

2 Koritia 4:5

'Ene nú núni vu'a parone 'waravu kaivo Jesu Keriso Hu Natohwiji rone ja 'waravu. 'Ene nú Jesu onijihuna'e joni pwea rejara.

Karesia 1:1

Na Poru apasorua ka'ene emaapo iji pijihe rehuna pane 'ee emaapuni haruri rehuna pana kaivo Jesu Keriso oni vaji Godi Amo ka'ene Hua'e vejume kwama 'urinajara iji pijihana.

Epasasi 1:1

Na Porura Godoni ura ijino Jesu Keriso oni apasorua rejuta. 'Ena'omo Godoni ehija Epasasi hijura ka'ene Jesu Keriso oni vaji uchaha pa'ajihi puna'e veju.

Epasasi 1:13

Ja 'u'o Huni vaji Huni ira nimaiji hene 'ee vu'a maa maiu'ina ka'ene ja ni'ajihana ka ja nimaa rojume Huni 'Avena ka'ene nahama 'waramajaho joni vaji Huni tatua vene mihana.

Epasasi 4:11

'Ene Hura swara 'aho'a apasorua vajihe 'ee 'aho'a poropetia vajihe 'ee 'aho'a ivenijarisia'e vajihe 'ee 'aho'a pasita'e vajihe 'ee 'aho'a najahi'ina'e vajihana.

Piripai 1:1

Poru'o Timoti ka'ene Jesu Keriso oni pwehipo ea ka'ene nimaa roji'ina 'ee eruta 'ee tikonia ka'ene Jesu Keriso oni vaji Piripai hijujihi puna'e veju.

Piripai 2:11

'Ene ira maho'o nahame Jesu Keriso Natohwa 'wahuna. 'Eje Godi Amo oni pinana 'urihuna.

Korasia 1:1

Na Poru ka'ene Jesu Keriso oni pwea Godoni ura ijino rejujara Timoti ka'ene núni vweiji'i veju.

Korasia 1:25

'Ejume Godira kaukara ka'ene sosia'e 'ajoahe 'ee Godoni ira maho'o ni'ajihe naja'urono iji pijihana.

1 Tesaronia 2:2

Ja niheja ja'ina'e nú nimarako Piripai sise'i 'ahúume haha hianumana kaivo nú núni Godijihuni vaji harura ape'ika'i ja Godoni vu'a maiu'ina ijí ninakaraa renana vajijaho 'waravara.

1 Tesaronia 2:8

Nú ja niho'o oja miha paraja jihuna'e nú Godoni vu'a maiu'inijiru pamihara kaivo nú niho'o ura renua para'eme núni hia 'u'o ja vajihara.

1 Tesaronia 2:9

Vwehu núne ja mavwihaha. Nú joni vaji hijari veijaho nú ja ahija mihuna senuvume nú onúno harura vene na'ia veiri'a kaukara veji'i Godoni vu'a maa maiu'ina ja 'waravara.

1 Timoti 1:1

Na Poru Jesu Keriso oni apasorua 'ee Godi ka'ene núni Ni'ajúhi'ina 'ee Jesu Keriso ka'ene núra nimaa rojujara 'warivume rejuta.

1 Timoti 2:7

'Ene ikehuni hahi na vu'a najahi'ina 'ee apasorua'e iji pijihana. Ijihuna'e na nimaa 'waravu kaivo na ira'ata paapeju. 'Enajihuna'e na Jenitaruepo nimaiji nimaa rohuna'e najahi'ina.

2 Timoti 1:11

Ijí 'unama kajihuna kaji na 'waravi'ina 'ee apasorua 'ee najahi'ina re'urono iji pijihana.

Taitasi 1:1

Na Poru Godoni pwea 'ee Jesu Keriso oni apasorua. 'Ene ea ka'ene Godira iji pijiha jihipuni nimaaroa 'ee nimaiji henakame ariramaa hihuna najahu.

Hipuru 5:4

Ei pini hu maori'ini urareje ni'ajihi'ina natohwa rejakame ea na ta'aroriha ro'amajaho hu parehuna. 'Enakaivo Godira Eroni iji pijaha ja'ina'e pija'amaji rehuna.

Hipuru 7:26

Núni Ni'ajúhi'ina Natohwa ija'inijaho mavarasa'ina. Ijihuni maijaho Hu ariramaa'e 'ee sisea pane 'ee sisea pavwenavi'ina. Hu ea siseijihi pu'úmo nikwisu'ina pana. 'Enajihuna'e Hu 'unama ahasirime ta'arohunijaho uneunecha asitaha paranana.

Jemisi 1:1

Na Jemisi ka'ene Godiho 'ee Natohwa Jesu Keriso oni pweijarana. Jua puni ituha iropu ropu no'o ka'ene rana'arame ani ani va'ajihi puna'e asura ikaho vene 'ajoravu.

1 Pita 4:17

'Enajihuna'e iviamaa aneja vene Godoni ehiji jihipuni vaja piuhiha kihuni veijina. 'Ena'omo núni vaji mako aneja ve'amajaho vi ea ka'ene Godoni ira pahene vejujija eha ichá'ina'e apeja'e?

2 Pita 1:1

Na Saimani Pita ka'ene Jesu Keriso oni pwea 'ee apasorui ea ka'ene puni nimairoa nikwisu'ina 'ee núni Godi 'ee ni'ajúhi'ina Jesu Keriso oni arira maijihuni vaji núra apejaja'ina'e apejajihi puna'e veju.

Juta 1:1

Juta ka'ene Jesu Keriso oni pwea 'ee Jemisi oni 'u'uiji'i ea ka'ene Amo Godira oja mihe 'umenau'e Jesu Keriso ona'e 'ajoha'eju'e hijujihi puna'e veju.

Revaresiani 1:1

Jesu Keriso oni hema ka'ene mai'o rehuniji naja'iro Godira Keriso mahumakame Hura Huni 'ona oji'ina ranavume hura apena roe Huni iraru hene veji'ina Joni nahe 'waravakame Huni ehija ka'ene Huni iraru hena veji'inijija naja'ena.

Revaresiani 22:6

'E'ejume Godoni 'ona oji'ina kajara ijá 'warimana Ike irakaho majama nimaa 'wimana. Poropeti puni 'aveni jihipuni Godi Natohwijara Huni 'ona oji'ina ranavu'e raka ka'ene iviamaa mai'o re'i venuji Huni pwehija najahana.

Revaresiani 22:9

'Ejumakame hu ika'ina 'warimana Ija'ina pavena! Na 'u'o pwea areri a 'ee oni vwehija ka'ene poropetia 'ee ea ka'ene puka kehuni vaji vu'iji hena vejajihipu vare'ina. 'Enakúne Godiru oja ma'amana 'wimana.