Piripai 3:20 - Godoni vuʼa maiuʼina

²⁰ 'Enakaivo nú akúpa huni ehija'omo núni Ni'ajúhi'ina ka'ene Natohwa Jesu Kerisora ijí rene rohuniji nú teamanu'eju'e 'ajaha hiju.

Piripai 3:20 ပူးပေါင်းရင်းမြစ်များ

Matiu 19:21

'Ejume Jesura ijá 'wama A niho'o ariramaa kajara ura rena para'amajaho va'e oni uneunecha ka'ene navujija ni'aha kwino 'eke 'imé raname oni monia 'eke ea ka'ene uneunecha pa'ajihi vajiha. Ija'ina ve'amajaho oni uneunecha mapoka kahino akúpa 'ahi navakivi'i iji'a túna'i Na 'ararihie ro'amana 'wamana.

Ruku 12:21

'Enajihuna'e ea ka'ene mwe'a kakino uneunecha mapoka rukina renujaho hu Godoni una'ijino areri uneunecha pa'ana'e renuna.

Ruku 14:14

'E'irakúne a meraja'amana. Ijihuni maijaho pu oni eha areri pavehuna. Vea ka'ene ea mamaa ka'ene kwamasahajipo 'uri'avajino a eha vajahuna 'wamana.

Akisi 1:11

'Enareja ea kajipo ijá 'iava Karari orakije ja raka vene namina hine akúpa 'aha nirinama navo? Ijí Jesuho iki joni rene apene akúpi 'ahi va'ukaho Hu kú'o 'unama ro'amajaho 'unama nikwinu'ina ka'ene jara Hu ka'eju'e va'u kaja'ina rohuna 'iavara.

1 Koritia 1:7

'Enajihuna'e núni Natohwa Jesu Kerisora rohuni veiji 'ajahuri vajakaho Godoni swara papivusahuna.

1 Koritia 15:48

'Enakaivo ea ka'ene mwe'akino 'venajija mwe'a ikehuna. 'Ene 'u'o Ea ka'ene akúpa 'ahi rena roajaho akúpa huna.

2 Koritia 4:18

Ijihuna'e nú núni nia uneunecha ka'ene iviamaa navu'e kivujihi puni toa pairechavu kaivo uneunecha ka'ene nú pakivi'inijihi puni toi irechavu. Ijihuni maijaho iraka ka'ene iviamaa kivujija 'aha jora panama vahuna kaivo iraka ka'ene pakivujipo majama nama vahuna.

2 Koritia 5:8

'Enakaivo nú ikaho nimaa roju. 'Ene na ika 'warahuna'e ura reniu na hahake rana'ujaho Natohwiji'i ari hiju.

Karesia 4:26

'Enakaivo Seraho Jerusaremi ka'ene ichutoi namujina. 'Ena'omo hu varapa huni hara pahinu. Hu núni oha.

Epasasi 2:19

'Enajihuni hahi ja iviamaa suja 'ee apiora pana. 'Enakaivo ja Godoni ehi pu'úmo anesurijina 'ee Godoni kachi'ina rejara.

Epasasi 2:6

'Ene Godira venume nú Keriso'i pu'úmo ahuma 'urijara. 'Ene Jesu Keriso oni vajijino venume Godi pu'úmo akúpa 'ahi ahuma asuma hiju.

Piripai 1:10

'Enajihuna'e na ura reniujaho ja uneunecha nimaijija hami vwihane hena kivi'i mamaaru vejakame ea ja panama'eje hina va'e Kerisora ro'amani veijino use'avara.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Korasia 1:5

Ijihuni maijaho iraka ka'ene ja nimaarojura ka'ene akúpi 'ahi navuji'ina. 'Ene nimarako ja vu'a nimaa ka'ene vu'a maa maiu'ina vajijino hejajina.

1 Tesaronia 1:10

'Enajihuna'e ja iviamaa Huni harihijara kú'o akúpa 'ahi rena rohuniji 'ajaha hiju. Jesu ka'ene Hura vejume kú'o 'urinajara sena ka'ene roajaho vahanumana.

1 Tesaronia 4:16

Ijihuni maijaho Natohwijara Huhusu 'ona oji'ina puni natohwiji'i mwasirivi'i ariha Godoni viti'iniji'i ro'eje ea ka'ene Keriso oni vaji kwamasahajipo urasahe 'urihuna.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Hipuru 12:22

'Enakaivo ja Saiani Huri'i Godi ka'ene majama hiji'ini jihuni ara kwai roara. Ara kwaa kajaho akúpa huni Jerusaremijina'omo Godoni 'ona oji'ina mapoka mapoka areri patahuna ijí hiju.

Hipuru 9:28

Ijihuni hahi Kerisoho ea maho'o kehipuni sisei jihuna'e 'aha kwinu kwamana. 'Ena'omo Hu kú'o ro'amajaho sisehuna pakwa'i ro'ena vo ea ka'ene Hu 'ajaha ura rena para'eju'e hijujipo marani'avarono rohuna.

Revaresiani 1:7

Ike kaha! Hura ro'amajaho Hu akúpa 'ahi 'imitiji'i rohuna. 'E'eje ea mapoka Hu nii mai kahuna. 'Eje ea ka'ene Hua'e 'anaa pijahajija 'u'o Hu kahuna. 'Ejakame araraka mapokakaho eaka mapoka ka'ene hijujija pu puni niijikano maho'o kamareje niho'o temukave niramaruhuna. Nara raka ka'ene iviamaja ja 'waravukaho niho'o nimaa. Ameni.