Piripai 2:14 - Godoni vuʼa maiuʼina

¹⁴ 'Ene uneunecha maho'o iraka ka'ene jara ve'avajaho pasu'arame 'ee 'ura'ara'avara.

Piripai 2:14 ပူးပေါင်းရင်းမြစ်များ

Matiu 20:11

'Ejumakame pu ijí puni monia kajaho 'ekareja iji'a ea ka'ene juara anesurijaho chichahaara.

Maka 14:5

Nú monia maha húmata no'opisu 'imene ea ka'ene 'iruma pa'ajihi ni'ajihuna sa'ina'e avanu 'wame 'urarahara.

Maka 9:14

Jesu 'urina tisaiporuhwa puni roarena ru'e'uji'i ea mapoka ahuma hi'eme kivume Sikuraipijijahija hina Jesuni tisaiporu epu'úmo ninakaravi'i hijara.

Ruku 5:30

Parasia 'ee Sikuraipia ijipo aneja vene Huni tisaiporu 'uraraha ijá 'iava Ja iraka vene ea ka'ene takisia apeji'ina 'ee ea sisea pu'úmo 'iruma ijo? 'iavara.

Akisi 15:2

Poru'o Panapasi'o pu pu'úmo na'ia mapoka ni'ima'ura'e ninakaravume 'ee ea ka'ene Godi nimaa roji'inijipo Poru ho Panapasi ho 'ee ea 'aho'a ka'ene nimaa roji'inijihi pu'úmo iji pijihume Jerusaremi apasoru 'ee ea eruta 'aho'a ka'ene hijajihipuni nini ike 'wama amairi'irono va'ara.

Akisi 15:39

'Ejumakame pu panimaa vetiarame rana'arame Panapasira Makaho aheme sisima ajime Saiparasi va'ana.

Akisi 15:7

Pu natohwa 'wame nakara'eme Pitara 'urine arini nami'i kaivo ijá 'iama Vwehu nunakije ja nihejara. Nitama Godira joni vaji na iji pijihume nuni irijino Jenitaru Godoni vu'a maa maiu'ina najahume pu hene nimaa rojara.

Akisi 6:1

Ijiha kajaho tisaiporua mapoka rena ajima va'eme Kuriki Jua 'ee Hipuru Jua chicharavara. Ijihuni maijaho puni amuniji na veku veku 'iruma swara vejujaho vene asitahu jihuna'e avajara.

Romani 12:18

'Unama onuna areri re'amajaho ea maho'o pu'úmo matauma hi'amana.

Romani 14:1

Ea ka'ene Godi nimaa rojara kaivo ija kisi pa'unavi'inijija hami 'ajora'avara. 'Enakaivo ja unenu'u pina ka'ene rakijara maa'e rakijara sisea ijijahija pu pu'úmo panakara'avara.

Romani 16:17

'Ene vwehu nune ea ka'ene roe vena'e ja 'ahaahunijija nia hami ki'avara 'ee iraka ka'ene nara najahujaho are'ika'i 'unama ani'ina'e najaha ki'avajaho juhame ani va'avara.

1 Koritia 10:10

'Enakúne pura ea 'ahopo vejaja'ina'e pasu'avara. 'Ene ona'oji'ina ka'ene ea 'aniu'e kwamasahi'inijara roe 'aniume kwamasahara.

2 Koritia 12:20

Ijihuna'e na vea ka'ene kú'o 'uname roujaho jara ichá'ina ka'ene rehuna'e na vwihajujaho parena vehunijara na oja hianimu. 'Ene nara ichá'ina ka'ene veje ja ura parenahuniji vwihaju. 'Ene joni vaja hine 'ura'aravu ho ea 'ahopuni kukui jihuna'e sename ajinavu ho ajiri pivaroramu ho 'ura'arame ninakaravu ho ea ira'atijino namahe 'wavu ho epuni vu'a sisea ronahu ho jarika reju ho 'ee uneunecha mai'o ura arini paname 'ee pareju.

Karesia 5:15

'Enakaivo ja kari mwatume iki mwatume 'ee pija'o'aravi'i hi'avajaho hami 'ajo'aravara vejuro'i ja maho'o i'isúmahe pa'are'ejakúne oja ma'ara'avara.

Karesia 5:26

'Enakúne roe nú pakehi kehi one 'ee ea sivia 'waravujija areme 'ee ea 'ahopuni ruha 'eka ka'irono itunavujija areva.

Piripai 2:3

Ja jasumano jonaru vwihajuri 'unamijaho pavene 'ee vwiha maa pa'ajihuna'e kehi kehi vejujaho arehuna. 'Enakaivo vwiha jonijija 'eka masuani ajuarasahe ea 'aho'a mama'ina rone vwihanihuna kaivo jajasu pavwiha'avara.

1 Tesaronia 5:13

'Ene oja 'ekauri vajijino pura kaukara ka'ene vejujihuna'e puni hura vene ira mamaa ijino 'wara'avara. 'Ene ea 'aho pu'úmo matauma hi'avara.

1 Tesaronia 5:15

Ja paki'eje ea 'ahopo ja sise'i 'ahiakame ja eha vene pununa'i sisea ve'ava. 'Enakaivo na'ia mapoka 'unama ka'ene vejakame ea kwinu kwino maranie 'ee ea maho'o 'u'o maranihunijiru sarame ve'avara.

Hipuru 12:14

'Enakúne ea 'aho pu'úmo oja sonaravi'i hi'avara. 'Ene ani ani pavene 'ee 'unama ariramaiji vehunijara ituna'avara. Ea irahipo ariramaa pa'ana re'avajaho Natohwijaho pakahuna.

Jemisi 1:20

Ijihuna'e emaa huni ajirijaho pavenau'e Godoni 'unama ariramaa ija'ina paroe rejura.

Jemisi 3:14

'Enakaivo ja niho'o senama parane 'ee joni ojijihuni ura ijiru vwihaji'ina'e re'avajaho pakehi kehi ve'avara. Kehi kehi vejujaho sisea ni'ima'ura ka'ene nimaiji'i ninakaravi'inijina.

Jemisi 5:9

'Enakúne vwehu nune pasu'arame ninakara'avara. 'Ejakame ja panama'avara. Heha! 'Otua heji'inijaho vwicha jiamai naminu.

1 Pita 3:11

'Ene hu sisea are'i kaivo ta'arohe mamaaru ve'amana. 'Ene matauma hihuni 'unamijaho same 'ee 'unama kajihuna kaji veji'i hinama.

1 Pita 4:9

Ja ura muka pahwenami'avara kaivo ea 'aho pu'úmo hami ni'ajarame 'ajoara'avara.

Juta 1:16

Ea ikija sui'ine 'ee ea nama'irono puni sisea sarame 'ee sisea iraka'e pu ura renaujaho ma ijí vejura. Pu ira toa rukina'omo pu ea pisimi'i pununa'i uneunecha maa ijí 'eka'iro avajura.