Piripai 2:13 - Godoni vuʼa maiuʼina

¹³ Ijihuni maijaho Godira joni vaji kaukara venu. 'Ene vena'e ura rena'eje Hu ura renujihi venahuna.

Piripai 2:13 ပူးပေါင်းရင်းမြစ်များ

Ruku 12:32

'Enakúne eakije niho'o patea juna'avara. Ijihuni maijaho joni Omijaho ura rene teamama para'eju'e Huni arijaho ja mihu.

Ruku 2:14

Pu javaa ika'ina vejara Godi ka'ene niho'o Ichuto Maiji huni pinana 'urinu. 'Ene ea ka'ene Godira iki mwe'i kime teamanamujihi matauvi'inijaho mihu 'wame ta'arohara.

Joni 3:27

'Ejume Joni eha vene ijá 'iama Ea pina uneunecha pamajikari 'ekuna kaivo kahi akúpa 'ahi rene vajihujiruna.

Joni 6:45

Nitama poropetiepo ika'ina heha 'ahi vejara. Pu ea maho'o ijá 'iava Ea mapoka Godira najahuna 'iavara. Noin'Eje ea mapoka ka'ene Amo una'i hene vejajija Nuni roura.

Joni 6:65

'Ejume Hu ijá 'iama Ea pina niho'o mají Nuni rohuna pana kaivo Amora venau'e roajivu 'iamana.

Akisi 11:21

'Ejume Natohwi jihuni harura pu pu'úmo navumakame ea mapoka nimaa ronareja ta'arohe Natohwi jihuni roara.

Romani 12:3

Ijihuni maijaho Godi na maiji vwihaniarena na Huni pwea re'urono iji pijihana. Ijihuna'e ja eaka mapokakihi ika'ina 'waravu. Ja joni haharu vwihanareje pa'unirame 'eke ichutoi 'ahasiri'avara. Vea ka'ene ja joni haha vwihajuri veijaho ariramaaru vwiha'avara. 'Enakúne veje ea kwinu kwino Godira hu nimairoa ichá'ina'e vajahajaho vwihaji'i hi'amana.

Romani 9:11

Ijí hwaharisina kajija mai'o panahena'e 'ee sisea maa mai'o paveji'ina. 'Enakaivo Godiho Huni urijino ea irá Hu ura renujihi iji pijihuna kaivo ea kajipo siseaho mamaa'e vejakame iji pijihuna niho'o pana.

Romani 9:16

Godira ea 'aho'a'e numiramu jihuni maijaho ea 'ahopo harura vene 'ee ura renakame numirahuna pana kaivo Godira Huni ura ijino pu numirame vajihuna.

1 Koritia 12:6

'Ene 'unama ani ani'ina kaukara venuna kaivo Godi nikwinu'wi kajara uneunecha maho'o ea maho'o puni vaja kaukara venuna.

1 Koritia 15:10

'Enakaivo Godoni maiji vwihani'inijara renajihuna'e na iviamai ea irakijaho reju. 'Ene Huni maiji vwihani'ina ka'ene nununa'i venajara maa pa'ana'e rehuna pana kaivo nara kaukara ni'ima'ura ka'ene vejujara ea 'aho'ijija asitahuta. 'Enavo ijaho na pana kaivo Godoni maiji vwihani'ina ka'ene na hu'úmo namujarana.

2 Koritia 3:5

Nú onúno areria pana. 'Ene uneunecha núnuna'i rena rohuna pavwihaju kaivo nú areri renuhunijaho Godoni rena roana.

Epasasi 1:11

Hura nitama Huni ura ijino iji pijúhana. Hura amairiarama ja'ina'e 'ee Huni aachia 'u'o 'ekara. 'Ene uneunecha maho'o Hura ura rene 'ee 'warama ja'ina'e rejara.

Epasasi 1:5

'Ene Jesu Keriso oni vaji Huni Harihija'e 'ekuhunijaho nitama Huni ura ijino Hu ura renaja'ina'e amairiaramana.

Epasasi 1:9

Godi Huni ura ijihuni hemijaho vejume núnuna'a samaumaa renana. Godi Huni ura ijino Keriso oni vaji Hu ura renaja'ina'e venana.

Epasasi 2:8

Godira maiji vwihanúani vajijino ja nimaa rojajihuna'e maraniana. Ijaho jara joni harurijino vehuna pana kaivo Godira swara vene múhana.

2 Tesaronia 1:11

Ijihunihahi nú 'u'o na'ia mapoka'e joni siporua 'ojura. 'Ejakame núni Godijara ja 'umenajaho arerina 'iahuna. 'Ene uneunecha mapoka ka'ene mamaa re'avarono ja ura renaujija rehuna 'ee raka ka'ene nimaa rojujija haruriji'i rehuna.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

1 Pita 1:3

Veje núni Natohwa Jesu Keriso oni Godia 'ee Omiji ta'aroha. Hura ni'ima'ura numirumana vajijino venume Jesu Kerisora kwama 'urinaji nimaa rojajihuna'e nú kú'o nahenume majama hihunijaho apejara.