Piripai 1:23 - Godoni vuʼa maiuʼina

²³ 'Enakaivo ijí ura no'ohe'i kajipo niho'o 'unirime isoma irechami'i veju. Na ura va'e Keriso'i hi'i 'ahiu. Ijihuni maijaho ijaho niho'o mavarasa'i maijina.

Piripai 1:23 ပူးပေါင်းရင်းမြစ်များ

Ruku 12:50

Na vea kisini vaji va aruhuna namu. 'Enajihuna'e ijí hine vwihajujaho nuni oja ahisina'e renuna'omo ijara ro pa'arehuniji kavi'i hiju.

Ruku 23:43

'Ejume Hu ijá 'wama Nara nimaa a 'waravu jihuna'e a iviasi Na hu'úmo Parataisi hihuna 'wamana.

Ruku 8:38

'Ejume ea ka'ene Hu vejume 'avena sisea usevajara Hu hu'úmo va'i 'ahaume jarima ijá 'wama 'Warive na A hu'úmo vu'uma 'wamana kaivo Jesura hu raname ijá 'wama

Joni 12:26

Ea irara Nuni kaukara ve'amajaho maka'eje Na 'ararihi'amana. 'E'irakúne kwaa ka'ene Nara hi'ujino hu 'u'o hi'amana. Ea irara Nuni kaukara ve'amajaho Amora huni iha 'unama 'urihuna.

Joni 13:1

Pasova vea mai'o paape'eme Jesu henajaho Huni vea ka'ene kú'o Omahoni va'ika'i mwe'ake arehunijaho niroe apenana. 'Ena'omo Hu Huni ea Humaa ka'ene mwe'i hijuji oja miha apene va'u va'o va'e 'urí 'e'unana.

Joni 14:3

Na va'e joni ruha amairiareje Na vukúo roe onuno ja aherama vahuna. 'Eje Nara hi'ujano ja 'u'o hihuna.

Joni 17:24

Amo A pu Na vajihajaho Nara hi'ujino pu 'u'o hihuna ura reniu. 'Ejakame pu Nuni pinana ka'ene Ara mihajaho ka'avara. Nitama mwe'akaho mai'o pavejajiri A oja mihana.

Akisi 7:59

Sitivini muni 'anaumakivi'i hu Natohwiji 'urahe ijá 'umena Natohwa Jesu nuni 'avena ape'amana 'wamana.

2 Koritia 5:8

'Enakaivo nú ikaho nimaa roju. 'Ene na ika 'warahuna'e ura reniu na hahake rana'ujaho Natohwiji'i ari hiju.

2 Koritia 6:12

Núra ja oja mihuji tanuhuna pana kaivo jara ojono núnuna'a tanuvu.

Piripai 1:24

'Enakaivo joni hahijihuna'e ike hahiji hijujara mamaijahuna.

1 Tesaronia 2:1

Vwehu núne ja ojono nihena kavu. Nú joni vu'ajaho nú núni vea panisame vu'ara.

1 Tesaronia 2:13

Ikehuni hahi nú 'u'o na'ia mapoka'e Godi teimani 'wavura. Ja vea ka'ene Godoni ira ike núnuna'i apejari veijaho ja emaapuni ira puna'a paapejara kaivo ja Godoni ira nimaa'e apeju ja'ina'e apejara. Ijihuna'e ja ea irara ijí ira kaji nimaa ronujaho joni vaja 'u'o kaukara venu.

1 Tesaronia 4:17

'Ejakame nú ea ka'ene mai'o hi'avajija 'urina va'e kahi 'imitia vaji pu piunime ahuma ajima va'e ichutoi Natohwijaho piunahuna 'ee nú Natohwijihi pu'úmo majama hihuna.

2 Timoti 4:6

Ijihuni maijaho na toa ijuri swasa puna'i vene niusekujuta. 'Ena'omo nara vahuni vea niroe apenu.

Revaresiani 14:13

'Ejume na ira kahi akúpa 'ahi he'eme ika'ina 'waramana. Asura vena! Ea ka'ene iviasi rene iki kahino Natohwi jihuni vaji kwamasahujaho teamanama parahuna. Godoni 'Avenijara ijá 'iamu I'a. Pu teamanahuna. Ijihuni maijaho pura kaukara ka'ene vejajihuni ojuta hweju. 'Ene pura raka ka'ene vejajihuni ehijaho pu túna'i 'ararihie vahuna 'iamana.