Matiu 26:63 - Godoni vuʼa maiuʼina

⁶³ 'Enakaivo Jesuho niho'o ira pa'waramana. 'Ejumakame pirisitia natohwa kajara ijá 'wama Godi ka'ene mai'o hiji'inijinakúne 'waruma. A Keriso ka'ene Godoni Harihiji re'amajaho 'waruma 'wamana.

Matiu 26:63 ပူးပေါင်းရင်းမြစ်များ

Matiu 16:16

Saimani Pitara eha vene ijá 'wama A Kerisona. A Godi ka'ene mai'o hiji'inijihuni Hariha 'wamana.

Matiu 26:62

'Ejumakame ijí pirisitia natohwijara 'urina nami'i kaivo ijá 'wama 'Ú A eha pa'waru'ena? 'Ú ea ikija iraka'e hine A ronahe ikaho 'waruvo? 'wame 'wamana.

Matiu 27:12

'Enakaivo pirisitia mama'ina 'ee ema puni mama'inijihi pu'úmo Hua'e namahajaho Hu ira pa'waramana.

Matiu 27:14

'Enakaivo Hu niho'o ira pina ma'uaku'wi pa'waravumakame ijí kwaa ara 'ajohi'ina natohwa kajaho niho'o puruva rena paranana.

Matiu 27:40

'Eji'i ijá 'wava 'Ú A ike Jua puni vu'a 'wavuri sea kakaho veje tira'usahakavi'i na'ia no'opisu vajijikano veje kú'o 'urine nami'ena 'iame ijá 'warumana. 'Enakúne A Godoni Hariha re'amajaho ivi'a orono ni'ajarame korosia 'aha kajino rene ariha roa kava 'wavara.

Matiu 27:43

Hu Godi nimaa ronunakúne are'eje Hu ura re'amajaho Hura ni'ajahe ijí rena ariha roa kava. Ijihuni maijaho Hu ijá 'úmune Na Godoni Hariha 'úmuna 'wavara.

Matiu 27:54

'Ejumakame amia natohwa 'ee ea 'aho'a ka'ene pu pu'úmo Jesu 'ajoha namijajipo mwevarivura 'ee uneunecha 'aho'a ka'ene rejajija kimareja tea junavume ijá 'wava Nimaa! Ikaho Godoni Hariha 'wavara.

Matiu 4:3

'E'eme 'avena sisei roe ijá 'wama A Godoni Hariha re'amajaho veje munakaho puretia renama 'wamana.

Maka 14:61

'Enakaivo Jesu masuani hi'i kaivo ira pa'waravume pirisiti ni'inijara kú'o apoma ijá 'wama 'Ú A Keriso ka'ene Nimerajaha jihuni Harihe? 'wamana.

Joni 1:34

Na kavuji ja 'waravu. Ikaho Godoni Hariha 'iamana.

Joni 1:49

'Ejume Nataneru eha vene Hu ijá 'wama Najuhi'ine A Godoni Hariha 'ee A Isureri opuni Kinia 'wamana.

Joni 10:24

'E'eme Juapo roe outihe nami'i kaivo ijá 'wava A vea icharo nú pisimúe A rane pa'úmo? 'Ú A Keriso re'amajaho nahama samai 'waruma 'wavara.

Joni 10:30

Na Amo'i nikwinuna 'iavume Juapo muni 'eke kú'o Hu 'ana'i vejara.

Joni 10:36

Ja Ea ka'ene Amora iji pijaharena ranavume iki mwe'i roaji 'ijaha avajo? Ijihuni maijaho Na Godoni Hariha 'iavu jihuna'e avajo?

Joni 18:37

'Ejume Pairati Hu ijá 'wama 'Ú A Kinie? 'wavume Jesu ijá 'wama A Na Kinia 'wimujaho Na ijí rehuna'e naheniara. 'Ee ijihuna'e Na iki mwe'i routa. Na iki roujihuni maijaho ea mapoka ka'ene iki mwe'i hijujihija'e raka ka'ene nimaa nimaiji 'wara'iro routa. Ea ka'ene nimaijihunijija Nuni ira hejura 'wamana.

Joni 19:7

'Ejume Juapo eha vene hu ijá 'wava Núni tamana ika'ina ijihuna'e núni tamanijara 'waramu ja'ina'e Hu kwahuna. Ijihuni maijaho Hu Godoni Hariha 'úmujihuna'e nú Hu 'anaa kwahuna 'wavara.

Joni 19:9

'E'ika'i hu kú'o 'otua vejuri sei va'e arume Jesuho apoma ijá 'wama A ichi rena roane? 'wamana kaivo Jesuho huni eha pavenana.

Joni 20:31

'Enakaivo vu'a ike vejajihuni maijaho Jesuho Kerisone 'ee Hu Godoni Harihijina 'omo ijí nimaa ro'avajaho Huni iha 'ahi majama hihuna apehuna.

Joni 6:69

'Ena'omo iviamaa nú nihene 'ee nimaa rojujaho A ariramaa ka'ene Godoni rena roajina.

Joni 8:25

'Ejume pu ijá 'wava A irarane? 'wavara. 'Ejume Jesu ijá 'iama 'Ú Na kami aneji rene iraka 'warame apene route?

2 Koritia 1:19

Ijihuni maijaho Godi oni Hariha Jesu Keriso rone joni vaja kajino núrane 'ee Siruvenasine 'ee Timotine ijá najahajaho i'a 'iavujaho i'a 'ee pana 'iavujaho pana kaivo Huni vajijaho i'a.

1 Pita 2:23

Pura ira sisea 'waravajaho Hu eha pavenana 'ee Hu haha hiamani vajijaho Hu eha pavenana. 'Enakaivo Godira 'otua ariramaa mihuniji Huhusu nimaa vetiana.