Matiu 23:13 - Godoni vuʼa maiuʼina

¹³ 'Enakaivo Sikuraipi 'ee Parasia ka'ene ira'asinakije joni eha sisea namu. Ijihuni maijaho eaka mapokijipo 'unama ka'ene Godoni ari vahuniji jara hina tanu'urihu. Jara Godoni ara kajaho pava'i 'ahiu'e ea 'ahopo pava'avarore'e ja ijihuna'e tanu'urihura.

Matiu 23:13 ပူးပေါင်းရင်းမြစ်များ

Matiu 23:16

Joni eha sisea namu. Nia supavi'ina ka'ene ea 'aho'a aherame va'ukera. Ja ea irara Temiporu 'urahi'i ichutoa pikivajaho unenu'u pina pana. 'Enakaivo ja ea irara Temiporu huni korutia 'urahi'i ichutoa piki'amajaho hu raka ka'ene 'waramajaho 'arariha'e vehuna.

Matiu 23:23

Sikuraipi 'ee Parasia ka'ene ira'asinakije joni eha sisea ni'ima'ura namu. Ijihuni maijaho ja joni taisi ka'ene Godi vajahajaho senisia suraka paareha 'ee imaria vajahura kaivo ja varapa mama'ina ka'ene arira vwihane numisarame 'ee nimai rojuji ja pavejura. Ja ikihi maho'o vehune sa'ina vo ja pavejura.

Matiu 23:25

Sikuraipia 'ee Parasia ka'ene ira'asinakije joni eha sisea namu. Ijihuni maijaho ja joni kapusia 'ee tevua huraru sovura kaivo vajijaho nesa ani rene sisea itunavujara itusaha navu.

Matiu 23:27

Sikuraipia 'ee Parasia ka'ene ira'asinakije joni eha ni'ima'ura namu. Ijihuni maijaho ja niho'o areri eucha sa'ina'omo hura kaha'ajaho 'eke sinara 'one amairia nirisame meruma amairia niho'o mavarasa'imaa rena navu kaivo kame vaja kamaho ea 'ata niho'o chire 'wame 'ee sakaha niho'o amajara'eju'e navuja'ina.

Matiu 23:29

Sikuraipia 'ee Parasia ka'ene ira'asinakije joni eha sisea namu. Ijihuni maijaho ja poropeti kwamasaha jihipuni arijijahija vene amairie mavarasa'ina venu va'u'e irechavu'e navu.

Matiu 3:7

'E'eme Hu kivume Parasia 'ee Sajusia hura toi sama'amarono rouma kimarena hu pu ijá 'iama Ja tapara ka'ene sisesa jihipuni harihija joni eha sisea ni'ima'ura ka'ene túna'i roujaho irara ja 'waravukame ja juhame iki roajivare?

Ruku 11:52

Ja roia joni eha sisea niho'o ni'ima'ura namu. Ijihuni maijaho hena kahuni kiijaho ja apena ruva'ara kaivo ja 'u'o pava aruvara. 'Ee ea 'aho'a ka'ene va'e aru'i vejajaho ja tanuvara 'iamana.

Joni 9:22

Ija'ina emahwapo 'warava jihuni maijaho pu Jua juhama avajara. Ijihuni maijaho Juapo ika 'iava jihuna'e ea irara Keriso rone 'wara'amajaho hu Sinakoku tanu'urahe pavu'e aruhuna 'iava jihuna'e avajara.

Joni 9:24

Ea ka'ene nia marako supavi'iniji pu kú'o ijá 'wava Iviamai Godi a venaume maranaa jihuna'e a Hu ta'aro'amana. Nú niheju ea kajaho sisea veji'inakúna 'wavara.

Joni 9:34

'Ejume pu eha vene ijá 'wava A niho'o sisea vaji nahenana kaivo a nú najuho? 'wa'ikaivo hu ranavume samai va'ana.

Akisi 13:8

'Enakaivo Erimasi ka'ene atama veji'inijara kanisoru nimaa ro'amarono 'unama same tanumana.

Akisi 5:28

Nú ja tanu'urihe ja Iha Ikaho pa'urahi'i ea najahuna 'waravara kaivo kaha! Jara najahu kajara Jerusaremi rarena paranana'omo nú Ea kajaho 'anaume kwamana 'wame namuhu 'iavara.

Akisi 5:40

'Ejume pu huni vu'a kaji henareja iji'a 'umenaume apasorua kajija roara. 'Ejume pu hijiha'i kaivo ira kisina'e 'warame tanu'urihe ijá 'iva Ja kú'o Jesuni ihijaho pa'urahi'i ea naja'avara 'i'i kaivo irechamiara.

Akisi 8:1

'Ejume hu 'anaume kwamajaho Soru oja vaja teamama paranana. Ijí vea kajaho sosia ka'ene Jerusaremi hijujaho ruarahume sisei hijara. 'Ejume pu 'oi'oi ea 'aho'a Jutia vaji va'ume 'ee ea 'aho'a Sameria va'eme apasoru eru irechamiara.

2 Timoti 3:8

'Ene ea ikakajipo 'unama ka'ene nimaijija ninamaura areri Jenisi'o Jemipirisi'o Mosisi ninava ja'ina'e vejura. Ijihuni maijaho puni vwihaijija sakarasahara 'ee nimaaroijara 'waramujaho pu pataarorahara.

2 Timoti 4:15

'Enakúne núra najahujaho hu harura niname 'warumu jihuna'e a orono hununa'ijaho hami 'ajo'ara'amana.