Matiu 11:23 - Godoni vuʼa maiuʼina

²³ 'Enakaivo 'ú ja Kapeniami orakija ja ma joni haha kakino 'eka kahino Godoni ari va'iro avajo? Ja niho'o kwa ka'ene veni renuni kwaijino vahuna. Ijihuni maijaho Nara uneunecha ka'ene ea areri pavejuraka joni vaji veju'ukame ja panimai rojuke Satami ija'ina ve'ipisa ijí ara kajaho iviasa ijí nava'a.

Matiu 11:23 ပူးပေါင်းရင်းမြစ်များ

Matiu 10:15

'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Matiu 16:18

'Ena'omo Na kú'o pina 'waravu. A Pitana. 'Ena'omo ike muna anesina toakino Nuni sosia vehuna. 'Eje vena huni harurijaho paniname 'ee paasitahuna.

Matiu 17:24

'Ejume pu va'e Kapeniami use'eme ea ka'ene Temiporu takisia apeji'inijipo roe Pita apome ijá 'wava 'Ú joni Najahi'ina kajaho Temiporu takisi venuna raka? 'wavara. 'Ejume Pitara eha vene 'I'a 'wamana.

Matiu 4:13

'Enarena Hu va'e Nasareti are'ika'i va'e Kapeniami hinana. Ijí ara kajaho soha rorina. Ara kajaho Sepurani 'wame 'ee Napatarai 'wavuri vajina.

Matiu 8:5

'E'ikaivo Hu va'e Kapeniami 'e'u'eme sorutia puni namiki kajara roe Hua piuname ni'aja'amarono 'waramana.

Ruku 10:15

'Enakaivo 'ú ja Kapeniami orakija ja ma joni haha kakino 'eka kahino Godoni ari va'iro avajo? Ja niho'o kwaa ka'ene veni renuni kwaa ijino (Hetisi) vahuna.

Ruku 14:11

Ea irara ori'ini huni pinana ahasiri'amajaho vetie hu ajurana ohuna. 'Enakaivo ea irara ori'ini ajuarana o'amajaho vetie huni pinana 'urihuna.

Ruku 16:23

Hu vena ka'ene pautarutusavi'inijino reji'i a'ama kavume Eparahami oni rori Rasarasiho hinana.

Ruku 4:23

Hu pu ijá 'iama Na niheju. Ja Na areri juketakúne orono veje maranaama 'wihuna. Ja Na ijá 'wihune Ara Kapeniami uneka ka'ene vejume nú pinana ka'ene hejuji ikine oni ari veja kava 'wihuna 'iamana.

Akisi 2:27

Na niheju. A Nuni 'avena paranave va'e ruha ka'ene veni renujaho vahuna. Oni Ariramaijaho pamaka'eje sakara'ena.

Akisi 2:31

Teviti túna'i raka ka'ene rehunijaho hu nihena kamarena hu Kerisora kwama 'urihuniji ronarena ijá 'iama Huni 'Avena paranave va'e ruha ka'ene veni renujaho vahuna. Huni haha pasakarahuna 'iamana.

Juta 1:7

Ijaho niareri Satami ho Kamora 'ee ara mama'ina 'aho'a ka'ene ijihipuni rori navujipo hine sisea ka'ene 'uasa vene 'ee 'unama sisea ka'ene emaapo pavejujaho vene napapo napara ihanie oju'e parupo parua ihanie ojura'omo ea kajija iviamaa vena ka'ene majama reji'i namuji hiju. Ijihuna'e nú ijí kime vwihahuna.

Revaresiani 1:18

'Ene Na majama hiji'inijina. Na kwama 'urijuta'omo pakwahuna kaivo majama hihuna. 'Ene Nara 'unama ka'ene kwamasahuniji'o Hetisi jihuni vwicha kiijaho 'ajohura.

Revaresiani 11:8

'Ene puni hahijaho ijí ara ni'ima'ura kajihuni ma'aha riri nahuna. Ara natohwa kaji hemahare'e 'wavujaho Satami 'ee Ijipiti 'wavujino puni Natohwa 'u'o 'anaume kwamana.

Revaresiani 20:13

'Ene ea ka'ene soha vaji kwamasahe 'ee kwamare'e veni rejujija ni'aha kwinu 'urimara'eme pura raka ka'ene vejaji kivi'i 'otua vetiana.

Revaresiani 6:8

'E'eme ea ka'ene hosi haha pasa 'ahi hinajaho ro 'e'unana. Ea kajihuni ihijaho Kwamasahujina. 'E'eme Hetisi túna'i 'ararihae roana. Ea kajija harura mihume mwe'a pwinakine so'wi 'anie matuni 'anie atama 'anie mwe'akihi puni hanuha sisesapo ruarahuna mihana.