Maka 6:34 - Godoni vuʼa maiuʼina

³⁴ Jesu roe 'e'uji'i kimajaho niho'o temume oja tura'i 'ahaana. Ijihuni maijaho pu sipi 'ajohi'ina pa'anepo hina ojuja'ina'e vejara. 'Ejumakame Hu iji'a uneunecha mapoka najahana.

Maka 6:34 ပူးပေါင်းရင်းမြစ်များ

Matiu 14:14

'Ejumakame Hu sisima vaji rena arihi'i eaka mapoka kaji kimarena oja tura'i 'ahaana. 'Ejumakame Hu puni ea ka'ene atami 'uniravi'inijija vejume sonahiara.

Matiu 15:32

'E'ejume Jesura Huni tisaiporu 'umenaume pu Huni roume ijá 'iama Na niho'o natohwa temukimu jihuni maijaho ea kakija ikino nú pu'úmo unenu'u pina pai'i kaivo mahi'eme na'ia no'opisu pa'arenana'omo Na pu irechamie matuna'eje vahunijaho Na ura pareniu. Ijihuni maijaho pu puni ari use'iroreje va'eje niho'o matuname nii hwerave ohuna 'iamana.

Matiu 9:36

'Eji'i Hu kimajaho ea mapoka ijí ani rejara kaivo pu majikari areri sipiepo sipia 'ajohai'ina pa'a ojuja'ina'e vejume Hu niho'o temumana.

Maka 6:33

Pu va'aji'eme ea niho'o mapoka kimareja Jesu sisima 'ahi va'ume pu mumori ninukujaha arara kaji roe useme hi'eme Jesu roume piunavara.

Maka 6:35

Vea 'o'iro va'eme Huni tisaiporuepo Jesuni rori va'areja ijá 'wava Kwaa ikaho ea pa'ana kaivo vea iviamaa nipa'are'i venukúna

Maka 8:1

Kú'o ijipini ea mapoka va'e ahuma hijara kaivo pura 'iruma ka'ene ihunijaho pa'ana. 'Ejume Jesu Huni tisaiporu 'umenaume rouma ijá 'iama

Maka 8:2

Ea ka'ene nú pu'úmo hijukaho hi'eme na'ia no'opisu pa'arejara kaivo 'iruma ka'ene pu ihunijaho pa'ajihuna'e Na punijihuna'e temuka apeju.

Ruku 9:11

'Ejumakame ea mapoka kajipo henareja pu 'ararihia va'ajivara. Hu pu 'ajorame 'ee aneja vene Godoni arijihuni vu'a 'warame 'ee ea ka'ene venae maranihuna ura renajija vejume maraniara.

Hipuru 2:17

Ijihuni hahi Jesuho emaa ichá'ini ja'ina'e Hu 'u'o ija'ina'e renana. Ijihuni maijaho Hu areri hami 'ahúe 'ee núni Ni'ajúhi'ina rena Godoni una'i majama 'ajouhuna. 'Ene Hu areri emaapuni swasa vejakame puni sisea pa'arehuna.

Hipuru 4:15

Ike núni Ni'ajúhi'ina Ni'ima'urakara núni ajuasinijaho hena kamuna. Ijihuni maijaho venakúa ka'ene nú va'e aruvukaho Hu 'u'o ija'ina va'e arumana vo Hu sisea kwinu pavenana.