Maka 5:15 - Godoni vuʼa maiuʼina

¹⁵ Pu Jesuni roi kavume ea ka'ene 'avena sisei ajivi'inijaho ateha iruhe húmata mara'eme masuani hijuma pu kamareja niho'o tea junamana.

Maka 5:15 ပူးပေါင်းရင်းမြစ်များ

Matiu 12:29

Ichá'ine ea pina va'e ea ka'ene harusini jihuni sea ajime Huni 'iruma 'eka va'ena? Hu maijaho maraku'a ea ajisina kajaho kamomapi nina'i kaivo iji'a huni 'iruma kajaho nesi 'eka va'amana.

Matiu 26:53

A mai'o Na pakimuna'e kavu! Nara Nuni Omiji 'ume'ipisa Hu Huni ona oji'ina iviamaa 72,000 asisame irechavakame Nuni roa'a.

Matiu 4:24

'Ejumakame Huni pinani 'urina va'e Siria vaji va'uma henarene eaka mapokijipo hahapo hianame 'ee hahapo siseranie 'ee ea ka'ene 'avena sisei ajima'e 'ee ea ka'ene mwe'i 'arihe simavi'i name 'ee ea ka'ene irima'ina 'eka Huni roume Hura vejume maranie 'ee sonahiara.

Matiu 9:33

'Ejumakame 'avena sisea kajaho 'e'una va'eme ea kajaho ira 'waravumakame ea mapoka ijí kamareja oja hwa'usunaha'eme ijá 'wava Nú ea ika'ina Isureri opuni vaja pakivura 'wavara.

Maka 5:14

Emaa ka'ene maha 'ajohi'inijija kimareja juhaha ninuma va'e ari ora'e 'waramapenojume ea mapoka raka ka'ene renaji ki'i 'ahiume roara.

Maka 5:16

Ea ka'ene kavajipo 'avena sisei ajivi'ini jihuni vu'a 'ee maha puni vu'a ni'aha kwino ari ora 'waravara.

Maka 5:18

'Ejume Hu 'urina sisima ajima va'iro vejumakavi'i ea ka'ene 'avena sisei ajivi'ina kajara Hu hu'úmo va'irono 'waramana.

Maka 5:4

Na'ia mapoka'e ea kajaho anikuroa 'ee senia kamovujaho hu turama useuna'omo ei pini hua 'ajoahuna areri pana.

Maka 5:9

'Ejume Hu ijá 'wama Oni iha irane? 'wamana. Hu eha vena ijá 'wama Nuni iha Rijani. Ijihuni maijaho nú 'avena mapoka 'wamana.

Ruku 10:39

Huni 'u'ua iha Merina'omo hu Natohwi jihuni mumora rori asuma hine ataa apúsame Huni vu'a henana.

Ruku 8:27

Hu karino amari varihajaho ara kaji'ura ea pina 'avena sisei 'aha jora ajivi'ina piunamana. Hu vwiha pa'a 'uraha one 'ee ara pahinuna vo va'e euchi hinonuna.

Korasia 1:13

Ijihuni maijaho Hu nú nututa huni ara kwaijino vahanume siriramúe 'ekue Huni Hariha ka'ene Hu oja mahujihuni ara kwai irechamúana.

2 Timoti 1:7

Godira 'Avena ka'ene múhajaho tea junuhuna pamúhana kaivo harura 'ee ea oja mihuna 'ee onúno 'ajoarahuniji múhana.