Maka 11:18 - Godoni vuʼa maiuʼina

¹⁸ 'Ejume Sikuraipia 'ee pirisitia mama'inapo Jesu 'anaa kwahuni 'unamiji savara. Pu Jesu 'anaa kwahuna kaivo ea mapoka Hu najahu'e Huni túna'i va'ujihuna'e pu Hu juhavara.

Maka 11:18 ပူးပေါင်းရင်းမြစ်များ

Matiu 21:15

'Ejumakame pirisitia mama'inijija Sikuraipia ijí Hura uneka mamai ka'ene venaji ki'eme sesamai ka'ene ijí Temiporua vaja kajino hijajipo mwasirivi'i ijá 'umeja Teviti oni Hariha ta'aroha 'umejara. 'Ejume pu niho'o ajinavara.

Matiu 7:28

Ijí vu'a kaji Jesura 'warame pa'arejume ea mapoka mapoka ijí Hura najaha kaji hejajaho oja hwa'usunahara.

Maka 1:22

Hu pu najahume pu hene oja hwa'usahara. Ijihuni maijaho Hu niho'o haruriji'i pu najahana. Areri Sikuraipiepo najahu ja'ina pana.

Maka 11:32

'Enakaivo nú ema puni rena roana 'wa'eja vo pu ea mapoka'e juhavara. Ijihuni maijaho ea mapoka'e vwihajujaho Joniho nimaa'e poropetia.

Maka 12:12

Hura haa ka'ene pua'e ronarena 'waramaji 'waramana. Pu ura henareja Hua ape'irono savara kaivo pu emaa'e juhamareja arema va'ara.

Maka 3:6

Parasi ijipo Heroti oni kanisoruepo pu'úmo marako'a ma'ahi va'ajime ahuma hina Pu ichá'ina Jesu 'anaa kwahuna'e 'wavara.

Maka 6:20

Herotiho Joni juhamana. Ijihuni maijaho hu henajaho hu ea niho'o mamaa 'ee arira ijihuna'e hu Joni 'ajoahana. Heroti Jonira iraka ka'ene 'waramujaho hu ura he'i 'ahauna kaivo hu hene niho'o natohwa'e haha henuna.

Ruku 19:47

Hu veku veku Temiporu vaji va'e najahuna. 'Eju'e pirisitia mama'ina 'ee Sikuraipia 'ee emaa puni mama'inijipo 'ana'i 'ahiu'e vejura.

Ruku 2:47

Ea mapoka Hura eha mavarasa'ina ka'ene 'waramaji hejajaho pu niho'o oja hwa'usunahara.

Ruku 20:19

'Ene Sikuraipia 'ee pirisitia mama'inijipo Hu nijihijakaro ape'i vejara. Ijihuni maijaho ijí haa kajaho pua'e ronarena 'waravume henareja ape'i vejara kaivo ea mapoka kajihi juhamareja arevara.

Ruku 4:22

Ea mapoka ka'ene ijí hijajaho niho'o oja hianame 'ee vu'a ka'ene Huni iri vaji rena roe arihume hejajaho niho'o teamanavara. 'Ejume pu ijá 'wava 'Ú eakaho Josapi oni Harihijine? 'wavara.

Joni 7:1

Ijihuni túna'i Jesuho Karari 'urahonana kaivo Hu Jutia pava'ajihuni maijaho Juapo Hu 'ana'i savajihuna'e pava'ana.

Joni 7:19

'Ú Mosisi tamana ja pavajihane? 'Eju'e 'ú ja ea pina niho'o tamana kajaho pavenune? 'Enakaivo ja irakijihuna'e Na 'ani'iro sarivo? 'iamana.

Joni 7:46

Hirisimapo eha vene ijá 'iava Ea pina ike Ea ikara 'warumu ka'ina pa'warumuna 'iavara.

Akisi 24:25

'Ejume Porura 'unama ariramaaru vehuna 'warame 'ee hia hami 'ajohuna 'ee Godira 'otua túna'i ni'ima'uraka vehunijaho 'waravume Pirikisiho ijí henarena tea juvume raname ijá 'wama Va hino'eje nara kú'o 'umena heji'i ro'amana 'wamana.