Korasia 3:8 - Godoni vuʼa maiuʼina

⁸ 'Enakúne 'unama ikija 'u'o are'avara. Ajira 'ee sena 'ee ea sise'i 'ahi'i ura renaura 'ee vu'a ira'atijino ea 'ahopuni hia ruarahura 'ee ira sisea ka'ene joni ira vaji roe usevujija areme are'avara.

Korasia 3:8 ပူးပေါင်းရင်းမြစ်များ

Matiu 5:22

Na niho'o nimaa nimai ja 'waravu. Ei pini napuraha 'ajime 'ee se'amajaho ea kajaho 'otua vetihuna. 'Ee ea irara vweaha húmata pa'ana 'wa'amajaho hu 'u'o 'otua ni'inijino vehuna. 'Ee ea irara a 'vwiha pa'ana 'wa'amajaho hu veni vahuna arerina.

Maka 7:22

nesa apene ea pipuni uneunecha ki'eje ituname uneunecha sisea vene pisivie majikari karokaha vehuna vwihanune nia sisea kime jarika orahone ira'atiji namahe ira'ata vene jarika rene 'uraha ojura.

Romani 13:13

'Enajihuna'e uneunecha ka'ene ja vejujija ariramaa samaumaaru ve'avara. Areri ja veiri'i hijuja'ina'e ve'avara. 'Ene 'unama sisei jihuniji ahume toa sisea pai'avara 'ee 'uasa pave'avara 'ee toa sisea ine 'uasa vejuri 'unama ani ani'ina pave'avara 'ee pa'arahe 'ee pitena pave'avara.

1 Koritia 3:3

Ijihuni maijaho ja majano haha huni 'unamijino hijujihuna'e joni vaja ja hine 'ura'arame 'ee sena veti'aravi'i hiju. 'Ú ja Godoni ea pana raka'omo ja ea mamahapo 'urahe ojuja'ina'e ojo?

2 Koritia 12:20

Ijihuna'e na vea ka'ene kú'o 'uname roujaho jara ichá'ina ka'ene rehuna'e na vwihajujaho parena vehunijara na oja hianimu. 'Ene nara ichá'ina ka'ene veje ja ura parenahuniji vwihaju. 'Ene joni vaja hine 'ura'aravu ho ea 'ahopuni kukui jihuna'e sename ajinavu ho ajiri pivaroramu ho 'ura'arame ninakaravu ho ea ira'atijino namahe 'wavu ho epuni vu'a sisea ronahu ho jarika reju ho 'ee uneunecha mai'o ura arini paname 'ee pareju.

Karesia 5:15

'Enakaivo ja kari mwatume iki mwatume 'ee pija'o'aravi'i hi'avajaho hami 'ajo'aravara vejuro'i ja maho'o i'isúmahe pa'are'ejakúne oja ma'ara'avara.

Karesia 5:20

'Ene godi ira'ata'e oja mihura 'ee masiharame 'ee sena viti'arame 'ee ura'arame ea 'ahopuni ruha ho kukua kime ajiname 'ee matatasu vene 'ee rana'arame 'ee ahaarame 'ee ituha 'oi'oi remaravura.

Karesia 5:26

'Enakúne roe nú pakehi kehi one 'ee ea sivia 'waravujija areme 'ee ea 'ahopuni ruha 'eka ka'irono itunavujija areva.

Epasasi 4:22

Enakúne joni kara sahasa 'ee unama ka'ene ja nimarako itunijara pisivisavume sakarasahajija maho'o irechave pa'are'amana.

Epasasi 4:25

'Enakúne 'unama ka'ene ira'atijaho irecha'i kaivo ea ka'ene joni rori hijujija ira nimaijino 'waraha. Ijihuni maijaho nú ea kwinu kwino puni pwinana'a.

Epasasi 4:26

'Ene ja ajina'avajaho sisea paveha 'ee sena vena apena va'eje vea va 'o'ama.

Epasasi 4:29

Ja paki'eje ea ira sisea 'wara'ava. 'Enakaivo veje ja ira mamaa ka'ene ea kaji ni'ajahe emarena 'urihuniji 'wara'avana. 'Eje ea irahipo ijí he'avajaho ijara pu meraji'avara.

Epasasi 5:4

'Ene ira sakaha ka'ene siseijaho pa'wame 'ee sipana ka'ene areri parehunijija paasuhuna kaivo Godi teimani 'wahunijiru 'waha.

Korasia 3:5

Ijihuna'e joni haha pwinana'a vaji 'uasa vehuni 'unama 'ee huricharame 'ee sisea vehuna ura renae ituname 'ee jajaso uneunecha rukina'e rehuna itunavura ka'ene joni vaji navujija 'anie kwamasa'avara. Ijipuhipo joni godi ira'atijaho rejukúne 'ania kwamasaha!

Korasia 3:9

'Ene ja ira'ata paapene pisivara'avara. Ijihuni maijaho ja joni kara sahasijaho ni areme 'ee ijihi veji'i hijujija ni arevara.

1 Timoti 1:13

Na nimarako ijaho 'unamakaho matihe 'ee ea sisei 'ahie 'ee ea sise'i ruarahuta. 'Enakaivo Hu ijihuni vaji na numirimana. Ijihuni maijaho na panimaa rojujihuna'e na pahene pakavi'i avajuta.

1 Timoti 1:20

'Ene puni vaja kajino na Haimaneasi'o Arekisanita'o Setani vajahuta. 'Ejakame ijara najahe pu Godi matahujaho arehuna.

Hipuru 12:1

Ijihuni hahi ea mapoka mapoka 'imiti epuna'i sama outúhe hina kúvi'i hiju. 'Enajihuna'e raka ka'ene Godoni ura ijí veju'e tanumuji ani irechaha. 'Ee sisea ka'ene veku veko núni vwiha vaji mumuji ani irechaha. Raka ka'ene apehuniji ape'iro mají hine ninukujahi'i na'avara.

Jemisi 2:7

'Ene Iha mamaa kaji ja 'umejajaho pu ira sisea 'wavura raka?

1 Pita 2:1

Ijihuna'e ea 'aho'a túa paveti'avara 'ee ea papisivisa'avara 'ee masapa puna'i aroaroti panami'avara 'ee ea 'ahopuni kukui jihuna'e oja sisea pavwiha'avara 'ee ea 'aho'a parona'avara.

2 Pita 2:18

Pu niho'o uneunecha ka'ene parehunijija ira kehi kehi 'waravi'i pisimiu'e hahijara ura renaujino ivavisa vena ato'urume ea ka'ene ni'unama sisea arevajija kú'o 'ekaura.

2 Pita 2:7

'Ene Hu Rati ka'ene arimaijaho Satami vaji ea ka'ene 'uasa veji'i hijari vaja kajino sema para'eju'e hi'eme ni'ajahana.

Juta 1:13

Pura sisea ka'ene vejujihuni juhijaho areri sohi ajira amene sapa re'eju'e chiha ani rene siserasahe navuja'ina. Pu areri chinapo majikari jaheusahu ja'ina. 'Ena'omo nututa ka'ene na'i na'ii vajame navujaho puna'e aneja púsa pa'ana'e ranavu'e 'ajiha namu.

Juta 1:8

Ijí 'unama nikwinu'ina kajino ea ikija 'u'o sisea navaha puna'i rone 'ee puni haha ruarahe 'ee ea ka'ene mama'inijija pataarorahe 'ee 'ona oji'ina puni mama'ini jihipuna'i ira sisea 'waravu.

Revaresiani 16:9

'Ejumakame veuhoijara ni'ima'ura ea renahume pu Godi ka'ene Huni harura hari sisea rejajihuni ihijaho ira sisea ni'ina 'waravara. 'Ene pu puni sisea pavwihane areme 'ee Godiho pata'arohara.