Korasia 3:16 - Godoni vuʼa maiuʼina

¹⁶ 'Ene veje Keriso oni irijara joni vajijaho maho'o tinia apenama. 'Eje ja ira kajara vwiha mamaa najahe 'ee ni'aja'aravi'i Samusi vaji javaa vene 'ee Godi ta'arohuni javaa vene 'ee 'Avena huni javaa vene 'ee joni oja vaja temari rarena'eje Godoni javaa vena'avara!

Korasia 3:16 ပူးပေါင်းရင်းမြစ်များ

Matiu 26:30

'E'eme pu javaa vene pa'arejume usema Arivi huri'i va'ara.

Ruku 2:51

'Ejume Jesuho pu pu'úmo 'uname Nasareti va'ana. 'Enarena Hu emahwapuni ira hene venana. Oahi raka ka'ene hena kamajaho oja vaji vwihaji'i hinonana.

Joni 15:7

Ja Nuni vaji hije Nuni ira joni vaji na'amajaho ja raka ura renauji jariri'avajaho Hu jona venahuna.

Romani 10:17

'Enajihuna'e Keriso oni vu'a hejuri vajijino nimaaroijaho rouna.

Romani 15:14

'Ejume vwehu nune na nimaa vejujaho ja 'u'o mamaijara itu'ona'e 'ee henaka'i maho'o ituona'e parajara 'ee ja areri ea 'aho'a pu'úmo ni'aja'arahuna.

1 Koritia 14:15

'Enajihuna'e ijihuni maijaho irake? Na nuni ojiji'i siporua 'one 'ee na nuni vwiha iji'i siporua 'ohuna. 'Ene na nuni ojiji'i javaa vene 'ee na nuni vwiha iji'i javaa vehuna.

1 Koritia 14:26

'Ena'omo vwehu nune ichá'ina ve'eja? Vea ka'ene ja roe ahu'avajaho ea kwinu kwino javaa veje 'ee ea pina najahe 'ee ea pina vu'a hema nahume hununa'a samaumaa'e renaji najahe 'ee ea pina ira ani'ini 'warave 'ee ea pina ijí ta'arohuna kaivo veje uneunecha maho'o ea ni'ajihe emarene 'urihunijiru re'amana.

Epasasi 1:17

'Ejakame núni Natohwa Jesu Keriso oni Godi 'ee Oma ka'ene pinana rukinijara vwiha ka'ene vwiha mamaa vwihane 'ee jonuna'a veje samaumaa rene 'ee Hu hena kahunijaho samaumaa rehuna.

Epasasi 5:17

'Enakúne papuruva reti'avara kaivo Natohwi jihuni ura ijija hena ka'avara.

Epasasi 5:19

'Ejakame ja Godoni ira vaji vu'ijihi 'wame Samusi vaji javaa vene Godi ta'arohuri javaa ijihi vene 'ee 'Aveni jihuni javaa ijihi vene joni oja vaja mamaa re'eje Natohwi jihuna'e vena'avara.

Epasasi 5:26

'Ene sosia veje akuavi'ina'e rene 'ee chiha pa'ana re'amarono toa 'ee Huni irijino somahana.

Korasia 1:28

'Ene nú ichihichano va'ujaho Keriso rone ea mapoka 'waravu. Nú pu ni'ajihe 'warame 'ee vwiha mamaiji najahura. Ijihuni maijaho nú ea kwinu kwino Keriso oni vaji marana areri rena para'eje vajahuna.

Korasia 1:9

Ijihuni hahi nú 'u'o vea ka'ene ijí hejaji rene ojuta pahwe'i hine joni siporua 'ona 'waravakame joni henaka vaja areri rene 'ee Huni ura ijaho hene 'ee 'avena huni vwiha maho'o hena kama parahuna.

Korasia 4:6

'Ene veje joni vu'a iraka ka'ene 'wa'avajija na'ia mapoka maiji vwihaniuji misa puna'i save vwea re'eje 'waravakame jara ichá'ina'e pu eha vetihunijaho ja hena ka'avara.

1 Tesaronia 1:8

'Ena'omo iviamaa Natohwi jihuni vu'ijaho joni rene rausahe va'e Masatonia 'ee Akaiaru pava'ara vo kwaaka mapokaki va'ana. Jara Godi nimaa nimaa rojujaho pu nihe parajara. Ijihunihahi nú pu areri unenu 'aho'a pa'warahuna.

1 Tesaronia 4:18

'Enakúne ike vu'a ikino ea kwinu kwino 'wame ni'ajarave oja sonahi'eje hiha.

2 Tesaronia 3:15

Ja hu naka'e 'ahauja'ina paaha'avara kaivo vweuna 'waramu ja'ina'e ira kisina 'warave he'amana.

1 Timoti 6:17

Ea ka'ene monia 'ee kukua rukina ronare'e iviasi iki mwe'i hijujija 'warave pakehi kehi o'avara. 'Ene puni nimaaroijaho pairechave ijí puni monia ho kukua kajihi puni toi na'avara. 'Enakaivo Godoni toi irechave na'avara. Ijihuni maijaho Hura uneunecha maho'o núra 'eke temarasahuna vajúhuna.

2 Timoti 3:15

'Ene a mai'o sesamu'uru rene Godoni Ira ka'ene akuavi'inijaho najahara'omo ijara vwiha mamaa vaja'eme a Jesu Keriso oni vajijino nimaa ronarena ni'ajahi'ina apenana.

Taitasi 3:6

Godira Huni 'Avena Jesu Keriso ka'ene núni Ni'ajúhi'ini jihuni vaji maho'o samuhana.

Jemisi 1:5

'Enakaivo ja ea irara vwiha mamaiji pa'ana'e rena'amajaho maka'eje hu Godi ka'ene iswasiniji jarivakame Hu teama'eje ma'amana.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

Jemisi 5:13

'Ú ja ea pina joni vaja ahijiji'i vi hino? Hu maka'eje siporua 'o'amana. 'Ene ea irara oja sonama para'eje hi'amajaho maka'eje javaa ka'ene Godi ta'arohujaho veji'i hinama.

1 Joni 2:14

Emahu nune ikaho na jona'e vejujihuni maijaho ja Hu nihejura. Hu nitamatama anejijaho ijí hinana. Kivase ikaho na jona'e vejujihuni maijaho ja niho'o harura rukine 'ee Godoni ira joni oja vaji namujihuna'e 'avena siseuni 'unama arevara.

1 Joni 2:24

Vu'a ka'ene nitama aneja'e hejajaho ranave joni oja vaji na'amana. Ijí nitama ja hejajara joni oja vaji na'avajaho ja na'ia mapoka Amoho 'ee Huni Hariha pu'úmo hami hami hinapena vahuna.

1 Joni 2:27

Huni 'Avena joni oja vaji samahume ja apejara. 'Enajihuna'e ijí 'Avena kajara joni oja vaji hinajihuna'e ei pini ja najahuna areri pana. Hura samaha kajara uneunecha maho'o najahuna. Ijí uneka ka'ene Hura najahujaho nimaa nimaa kaivo ira'ata pana. Hura ja najaha kaja'ina'e Huni vaji hiha.

2 Joni 1:2

Nimaa ka'ene núni vaji name 'ee majama nama vahuni jihuni hahi veju.

Revaresiani 14:3

'Ene pu javaa maiu'ina toronu una'i 'ee unenu 'aho'a no'ona no'o ka'ene mai'o hiji'ini jihuni una'a 'ee eruta ijihipuni una'i vejara. 'Enakaivo ea 'ahopo javaa kaji hena vehuna areri pana kaivo ea mapoka mapoka (144,000) ka'ene iki mwe'i 'imene kú'o 'ekahajihipo pupuso javaijaho hena vejara.

Revaresiani 15:3

'Ene pu Mosisi ka'ene Godoni kaukara veji'ini jihuni javaa vejara. 'Ene Remui jihuni javaa 'u'o venareja ika'ina vejara. Raka ka'ene A venujaho ni'ima'ura 'ee mavarasa'ina. Oo Godi Natohwa A harusima'ura ariramaa 'ee Oni 'unama nimaa nimaa 'ee A kwaa kwaa kihipuni Kinia.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.

Revaresiani 5:9

Pu javaa maiu'ina ika'ina vejara. A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana.