Korasia 3:1 - Godoni vuʼa maiuʼina

¹ 'Ejume ja Keriso pu'úmo 'urijara'e re'avajaho uneunecha ka'ene akúpi 'ahi Hunijiru sara'avara. Ijihuni maijaho ijino Kerisoho Godoni ija mana'inija'i asuma hinuna.

Korasia 3:1 ပူးပေါင်းရင်းမြစ်များ

Matiu 22:44

'Ejume Natohwijara ijá 'wamana Nuni Natohwe Nuni mana'inika'i asuma hija kamareje Nara oni nana'eji'ina oni mumora hari irechamahuna 'wamana.

Matiu 26:64

'Ejumakame Jesu ijá 'wama A ni'warimu kajina. Ema Puni Harihijaho ka'eje ija mana'ini harurija'i asuma hine 'ee 'imitia vaji akúpa 'ahi rena rohuna 'wamana.

Matiu 6:20

'Enakúne joni uneunecha maa kajija kahino akúpa 'ahi ahume irechava na'avara. 'Ejakame soa 'ee kapura pa'uhusame 'ee ea nesa pa'ekahuna.

Matiu 6:33

'Enakaivo ja maraku'a Huni ara 'unamiji 'ee Huni 'unama ka'ene ariramaiji saravakame iji'a uneunecha ka'ene mwe'akaki jara pivusahujaho Hura vajihuna.

Maka 12:36

Teviti ori'ini Godoni 'Avena vaji ika 'waramana Natohwijara nuni Natohwiji ijá 'wama A Nuni ija mana'inika'i asuma hi'eje Na Oni nana'eji'ina Oni mumora hari irechavuma 'wamana.

Maka 14:62

Jesu ijá 'wama I'a Na ijina. Ema Puni Harihijaho ka'eje harura rukima'uri jihuni mana'inija'i asuma hi'eje ichutoi 'imitiji'i rena rohuna.

Maka 16:19

Jesu ka'ene Natohwijara pu 'waravuma pa'arejume Jesu apejume akúpa 'ahi va'e Hu Godoni ija mana'inija'i asuma hinana.

Ruku 12:33

Joni uneunecha 'eke 'imenareje monijaho ea ka'ene 'iruma pa'ajihi vajiha. Ja ojono tuja ka'ene panapavi'iniji 'eka'avara. 'Ee joni uneunecha kahino akúpa 'ahi irechave ea panesi eke kapura pa'uhusa'avara.

Ruku 20:42

Ijihuni maijaho Tevitira ori'ini heha ka'ene Samusi vaji 'waramana. Natohwijara nuni Natohwiji ijá 'wama A Nuni ija mana'inika'i asuma hi'eje Na Oni naka Oni mumora hari irechavuma 'wamana.

Ruku 22:69

'Enakaivo iviamaa rene Emaa Puni Harihijaho ija mana'ina ka'ene Godoni harurija'i asuma hihuna 'iamana.

Akisi 2:34

Tevitiho nitama mai'o akúpa 'aha pavai'ini hu ijaho 'waramarena ijá 'iama Natohwijara nuni Natohwa ijá 'wama Nuni ija mana'inika'i asuma hi'eje

Akisi 7:55

'Enakaivo Sitiviniho oja vaja Godoni 'Aveni ruha apena parajumakame akúpa 'ahi nia nirinama kavume Godoni hanaji'ina kame 'ee Jesuho Godoni mana'inija'i naminana.

Romani 8:34

'Ena'omo ea irara nú namu'ena? Jesu Kerisorane? Hu núnijihuna'e kwamane 'ee 'urinane 'ee Hu Godoni ija mana'inija'i asuma hine núni siporua 'onuna.

Romani 8:6

'Enajihuna'e ea ka'ene hahijihunijiru vwihaji'inijija pu kwamasahuna kaivo ea ka'ene Godoni 'Aveni jihunijino vwihaji'inijija mataume majama hihuna.

2 Koritia 4:18

Ijihuna'e nú núni nia uneunecha ka'ene iviamaa navu'e kivujihi puni toa pairechavu kaivo uneunecha ka'ene nú pakivi'inijihi puni toi irechavu. Ijihuni maijaho iraka ka'ene iviamaa kivujija 'aha jora panama vahuna kaivo iraka ka'ene pakivujipo majama nama vahuna.

Epasasi 4:10

Hu ariha roaja'ina Hu kú'o ajima va'e maho'o asisama kahi ichutomai va'areje uneunecha maho'o mwe'a 'ee akúpa 'ahi navujija 'ajoha'i 'ahaume avanana.

Epasasi 5:22

Napare paruhu jopuni hahuneru hi'avara. Areri ja Natohwi jihuna'e vena'ava ja'ina'e ve'avara.

Korasia 2:20

Ja Keriso oni vaji mwe'a kehuni 'unama ani ani'ina ka'ene najahujija nikwamasahume paranana kaivo ja irakijihuna'e mwe'a kehuni varapa hara kú'o hijo? Ijija ikehina.

Korasia 3:2

Joni vwiha ijaho uneunecha ka'ene ichutohuneru vwiha'avara. 'E'ika'i mwe'a kehuni uneunechijija pavwiha'avara.

Hipuru 1:13

'Enakaivo Hu Huni Hariha ijá 'wama Nuni ija mana'inija'i asuma hi'eje Na Oni naka Oni mumora hari irechahuna wamana. Ija'ina 'ona oji'ina pina pa'waramana.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 10:12

'Enakaivo Hu sisei jihuni swasa ka'ene venajaho niji 'aha kwinu vejuma parana jihuna'e Hu Godoni ija mana'inija'i asuma hinu.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.

Hipuru 8:1

Nara 'waravu jihuni vu'a nimaa nimaijaho ikena. Núni Ni'ajúhi'ina Natohwijaho akúpa 'ahi Godi ni'ima'uri jihuni toronua ka'ene namujihuni toi ija mana'inija'i asuma hinu.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.