Korasia 1:9 - Godoni vuʼa maiuʼina

⁹ Ijihuni hahi nú 'u'o vea ka'ene ijí hejaji rene ojuta pahwe'i hine joni siporua 'ona 'waravakame joni henaka vaja areri rene 'ee Huni ura ijaho hene 'ee 'avena huni vwiha maho'o hena kama parahuna.

Korasia 1:9 ပူးပေါင်းရင်းမြစ်များ

Joni 7:17

Ea irara Huni ura ijí ve'i ve'amajaho Na raka ka'ene najahu jihuni maijaho hu hehuna. Ijí Nara najahu kajaho Godoni rena roana'e re'amajaho ijá hehune 'ee nuni vwiha'e 'wara'ujaho ijá hehuna.

Akisi 12:5

'Enakaivo Pitaho ijino tipurai hi'eme sosiepo hine huna'e Godoni siporua 'oji'i hijara.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

1 Koritia 1:5

'Ene Huni vaji uneunecha 'ee ira 'warahuna 'ee henaka maho'o venaume niareri rena paranana.

Epasasi 1:8

'Ene Hura Huni maiji vwihanii'ina ka'ene itu'ona namuna vajijino vwiha mamaa maho'one 'ee henaka maho'o 'usesamúhana.

Epasasi 5:10

'Ene Natohwijara ura rehunijihi hena ve'irono 'unama savujina.

Epasasi 5:17

'Enakúne papuruva reti'avara kaivo Natohwi jihuni ura ijija hena ka'avara.

Epasasi 6:6

'Enajihuna'e ja paki'eje joni mama'ina puni nia 'aharu vene 'ee joni mama'ina'e teamanahuni jihuna vehuna pana kaivo Keriso oni pweapo puni ojiji'i Godi oni ura ijí vejuja'ina'e ve'avara.

Piripai 1:4

'Ene na na'ia mapoka'e mari'uvi'i maho'o jonijihuna'e siporua 'one jarima 'waravura.

Korasia 1:6

Ijí vu'a maiu'ina kajara joni roaja'ina'e 'u'o 'e'une kwaa ararakino va'e hine majaa 'ina renu 'ee rausahe emarenu. 'Ene ni areri vea ka'ene ja Godoni maiji vwihanie ijihuni nimaiji hene kavume renaja'ina'e renu.

Korasia 3:16

'Ene veje Keriso oni irijara joni vajijaho maho'o tinia apenama. 'Eje ja ira kajara vwiha mamaa najahe 'ee ni'aja'aravi'i Samusi vaji javaa vene 'ee Godi ta'arohuni javaa vene 'ee 'Avena huni javaa vene 'ee joni oja vaja temari rarena'eje Godoni javaa vena'avara!

Korasia 4:12

Ipaparasiho joni ea pina ka'ene Jesu Keriso oni pwea pinijara ja 'ajoramu. Hu na'ia mapoka jonijihuna'e siporua nimaijino 'onuna. 'Ejakame ja kirasahe Godoni ura ijija maho'o hene kime areri renahuna.

Korasia 4:5

'Ene ea ka'ene samai hiju jihipuna vwiha mamaiji vwihaji'i ja iraka ka'ene ve'avajija hami ve'avara. 'Ene vea mamaa ape'avajaho vea kajaho hami ape'avara.

1 Tesaronia 1:3

Na'ia mapoka'e jara nimaa rohuni kaukara ijí vene 'ee ea oja mihe 'ee nimairoa ka'ene núni Natohwa Jesu Keriso oni vaja 'ee núni Godi 'ee Omijihuni una'i ija kisina 'unama hijuji vwihaniura.

1 Tesaronia 5:17

'Ene na'ia mapoka'e siporua maijí 'oji'i na'avara.

2 Tesaronia 1:11

Ijihunihahi nú 'u'o na'ia mapoka'e joni siporua 'ojura. 'Ejakame núni Godijara ja 'umenajaho arerina 'iahuna. 'Ene uneunecha mapoka ka'ene mamaa re'avarono ja ura renaujija rehuna 'ee raka ka'ene nimaa rojujija haruriji'i rehuna.

Pairimani 1:4

Na na'ia mapoka'e nuni Godiji teimani 'wavi'i oni iha 'urahe siporua 'ojura.

Pairimani 1:6

Nara siporua ka'ene 'ojujaho raka ka'ene ara nimaa ronuji ea 'aho'a 'wara'amajaho maa rukina'e rehuna. 'Ene Keriso onijihuna'e henaka mapoka mamaa ka'ene oni vaji navujaho roe maa rukina rehuna.

Hipuru 10:36

'Enajihuna'e ja masuani hine pasena'eje Godi oni ura ijaho veji'i hi'avara. 'E'irakúne Hura nahama 'waramajaho 'eka'avara.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

Jemisi 1:5

'Enakaivo ja ea irara vwiha mamaiji pa'ana'e rena'amajaho maka'eje hu Godi ka'ene iswasiniji jarivakame Hu teama'eje ma'amana.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

1 Pita 2:15

Ja 'unama ika'ina vejujaho Godoni ura. 'Ena'omo ja 'unama ariramaiji ve'avajaho ea ka'ene puruva reti'inijija puni vu'a pa'arehuna.

1 Pita 4:2

'Ene joni hia pwinana ijaho hahijihuni 'unamijaho kú'o pahi'avara 'ee emaapo itunavuri 'unamiji 'u'o pahi'avara kaivo Godoni urija'ina'e hi'avara.

1 Joni 2:17

Mwe'akaho uneunecha mapoka 'ee huni ituaniji'i pa'arena vai'i navu kaivo ea ka'ene Godira ura renuja'ina'e vejujijahija majama hihuna.

1 Joni 5:20

Nú niheju. Godoni Harihijaho niroana. Hu nimaiji hena kahuni henaka ijaho múhana. 'Eju'e nú Huni hariha Jesu Keriso ka'ene nimai jihuni vaji hiju. Ijaho Godi nimaa ka'ene majama hihunijina.