Korasia 1:5 - Godoni vuʼa maiuʼina

⁵ Ijihuni maijaho iraka ka'ene ja nimaarojura ka'ene akúpi 'ahi navuji'ina. 'Ene nimarako ja vu'a nimaa ka'ene vu'a maa maiu'ina vajijino hejajina.

Korasia 1:5 ပူးပေါင်းရင်းမြစ်များ

Ruku 12:33

Joni uneunecha 'eke 'imenareje monijaho ea ka'ene 'iruma pa'ajihi vajiha. Ja ojono tuja ka'ene panapavi'iniji 'eka'avara. 'Ee joni uneunecha kahino akúpa 'ahi irechave ea panesi eke kapura pa'uhusa'avara.

Akisi 10:36

Hura Isureri oni harihijihi puna'e vu'a ka'ene ranamajaho matauhuniji Jesu Keriso oni vaji najahuna. Hu eaka mapokijihi puni Natohwa.

Akisi 13:26

Vwehu nunakije ja Eparahami oni harihi jihipuni kachi'ina 'ee ea ka'ene Godi juhavi'inaka iki ja pu'úmo hijujija Hu nú ni'ajúharena Hu Huni vu'a nú múhana.

Akisi 23:6

Hu kimajaho ea 'aho'a Sajusi 'ee ea 'aho'a Parasia kimarena hu kanisorua kajija ijá 'umena Vwehu nune na Parasia 'ee Parasi puni hariha kaivo ea ka'ene kwamasahujipo kú'o 'urihuniji na nimaa rojujihuna'e na 'otua vaja namiju.

Akisi 24:15

Na nimaa rojujaho ea ka'ene kwamasahi'inaka ea ariramaa 'ee ea siseijipo kú'o 'urihunaka pura nimaa rojaja'ina'e na 'u'o nimaa rojura.

Romani 10:8

Niho'o pa'amaa kaivo Godoni ira vajiji 'waramajaho ika'ina 'warumana. Godoni vu'ijaho oni ira rora 'ee oni oja vaja ijiano namu. Ijí ara vu'a ka'ene nimaa ronujaho nú ika'ina a 'waravu.

1 Koritia 13:13

'Enakaivo ike 'unama no'opiso ikehipo majama nahuna. Ijija nimairoa 'ee iji'a túna'i rehuniji nimaa rojujine 'ee oja mihi'inijina. 'Enakaivo ikehi puni vajakino niho'o ni'ima'urijaho oja mihunijara asitaha paranana.

1 Koritia 15:19

'Enakaivo iviamaa hia ka'ene nú hijukeru Kerisoho núna'a mamaa'e re'amajaho nú ea ka'ene niho'o arisi chachanamihuniji rehuna.

2 Koritia 5:19

'Enakaivo Godiho Keriso oni vaji ea ka'ene mwe'i hijukihi pu'úmo kú'o napura venana. Hu puni siseijija kú'o pavwihaniana. 'Ene Hu Ira ka'ene ea aherame roe kú'o Huni napura'e rehunijaho múhana.

2 Koritia 6:7

'Ene ira nimaa vaja 'ee Godoni harura vaja 'ee kukua arimaijino mana'inija'i 'anihuna'e apene 'ee ana'inija'i tanuhuna apejara.

Karesia 2:14

'Enaka'ivo na kivume pu vu'a maa maiu'ina nimaiji areri pavejume kimarejo na puni una'a kajino Sipasi (Pita) ijá 'wavo A areri Jua kaivo a Jua puna'i pahi'i kaivo Jenitaru epuna'i hinu 'ee a ichá vene Jenitaru Jua puna'i hi'avarono 'ejahio?

Karesia 2:5

'Enaka'ivo pura ija'ina'e vejakame pu ruha aremahareje vea oma kwino aremahuna pana. Ijihuni maijaho vu'a nimaijara joni vaji majamano na'amarono avajara.

Karesia 5:5

Ijihuni maijaho nú 'Avena vaja 'ee nimairoa vajijino ariramaiji nimaa roji'i 'ajaha hiju.

Epasasi 1:13

Ja 'u'o Huni vaji Huni ira nimaiji hene 'ee vu'a maa maiu'ina ka'ene ja ni'ajihana ka ja nimaa rojume Huni 'Avena ka'ene nahama 'waramajaho joni vaji Huni tatua vene mihana.

Epasasi 4:21

Ijihuni maijaho ja Huni vu'a nimaa'e nihejara. 'Ene Hura ja najahana. Ijihuni maijaho nimaijaho maho'o Jesuni vaji namu.

Korasia 1:23

'Enakúne ike nimaaroakaho hena vene 'ee ija kisi 'uname namiha. 'Ene ja paki'eje vu'a maiu'ina kara iraka ka'ene rehuna 'waravume hejaji raname arema va'ava. Ijihuni maijaho ike vu'a mamaa maiu'inakaho kwaa ara mapoka ka'ene ike akúpa hari navukipo he'avarono 'waravara. 'Enajihuna'e na Poruho ijí ve'urono iji pijihana.

Korasia 1:27

Ijihuni maijaho Godoni ura ijaho uneunecha mamaa ka'ene ike hema vaji navujija veje Jenitaru hena kahuna. Ijí hema kajaho Keriso ka'ene joni vaji hinujina. 'Ene nimaa roji'inijija. Huni mamaijaho túna'i 'ekahuna.

Korasia 3:16

'Ene veje Keriso oni irijara joni vajijaho maho'o tinia apenama. 'Eje ja ira kajara vwiha mamaa najahe 'ee ni'aja'aravi'i Samusi vaji javaa vene 'ee Godi ta'arohuni javaa vene 'ee 'Avena huni javaa vene 'ee joni oja vaja temari rarena'eje Godoni javaa vena'avara!

1 Tesaronia 2:13

Ikehuni hahi nú 'u'o na'ia mapoka'e Godi teimani 'wavura. Ja vea ka'ene Godoni ira ike núnuna'i apejari veijaho ja emaapuni ira puna'a paapejara kaivo ja Godoni ira nimaa'e apeju ja'ina'e apejara. Ijihuna'e ja ea irara ijí ira kaji nimaa ronujaho joni vaja 'u'o kaukara venu.

2 Tesaronia 2:16

'Ena'omo iviamaa núni Natohwa Jesu Kerisora Huhusune 'ee Godi ka'ene núni Omijara maiji vwihanúani vajijino oja múhe 'ee majama matauma hihuna 'ee nimairoa mamaa múhana.

1 Timoti 1:15

Ikaho vu'a nimaa ka'ene nú ea maho'o apehunijina. Jesu Kerisora iki mwe'i roajaho ea sisea veji'ina'e ni'aji'i roana. 'Ena'omo ijihipuni vajijaho sisea ka'ene sisee maijaho nana.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.

Taitasi 1:2

Ijí majama hihuna apehuna ka'ene Godi ira'ata pa'ajara nitama nahama 'warumaji 'ajaha hiju.

Hipuru 7:19

Ijihuni maijaho varapijara rejume ariramaa parejara. 'Ene iviamai ijihuni tinijaho unenu pina mavarasa'ina apejara. Ijihuna'e ijaho Godoni nini roajina.

1 Pita 2:2

'Enakaivo musiapo musaru ura renau ja'ina'e ja Godoni Iriji ura rena'avara. 'Enareje veje ijara ja ni'ajihe maranie emarene 'uri'avara.

1 Pita 3:15

'Enakaivo na'ia mapoka Kerisoho Natohwa roji'i joni oja vaja kajino amura'e rana'avara. 'Ene joni nimaaroiji vahame 'warahunijaho amairiara'irakúne ea 'ahopo ijí he'irono apora'avajaho ja chochumano puni hura veji'i 'wara'avara.

2 Pita 1:12

Ijihuni hahi na na'ia mapoka ja hurahara 'warave ja kara ikija vwihahuna. Ja nihenakame 'ee nimaa vajijino kisina rene hiju vo na majama hine ja huri 'warahuna.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.