Korasia 1:16 - Godoni vuʼa maiuʼina

¹⁶ Ijihuni maijaho uneunecha kivura ho pakivujaho maho'o mwe'a 'ee akúpa 'ahi navujaho Hura venana. 'Ene Hura kiniepo 'ajoahuri ara kwaa 'ee 'ajohai'ina 'ee Huni harura hari hijujija irechamie 'ee uneunecha maho'o kija Hura venarena Huna'e venana.

Korasia 1:16 ပူးပေါင်းရင်းမြစ်များ

Joni 1:10

Hu iki mwe'i roe hinana. 'Ene mwe'akaho Hura venana kaivo eaka mapokaka mwe'i hijukija Hu pahena pakavara.

Joni 1:3

'Ene uneunecha mapoka ka'ene maho'o iki mwe'i navujaho Hura venana. Uneunecha mapoka ka'ene iki mwe'i navujaho Hununa'i parena rohuna pana.

Romani 11:36

Uneunecha mapokakija Huni rene roara 'ee Huni vaji rejara 'ee maho'o Huna. Ijihuna'e nú Hu majama ta'arohuna. Ameni.

Romani 8:38

'Enajihuna'e na niho'o nimaa rona parajujaho kwamasahuni jarana ho mai'o hijujarana ho 'ona oji'ina puna ho 'avena sisea puni harura puna ho unenu'u pina iviamaa navuji puna ho unenu'u pina túna'i mai'o rehuniji puna ho harura 'aho'a puna ho

Romani 9:5

Puni amuhi puni vaji Kerisoho rene roe haha apenana. Hu uneunecha mapoka kihipuni Húmata 'ee Hu Godi. 'Enajihuna'e majama Hu ta'arohuna. Ameni.

1 Koritia 8:6

'Enavo núnuna'ijaho 'aho'a pa'ana kaivo Godi Oma ka'ene Hununa'i uneunecha maho'o rena roara ka'ene nú Hunijihuna'e hijujina. 'Ene Natohwa kwino Jesu Kerisona. 'Ene Huni vaji uneunecha maho'o rejara'omo nú Huni vaji hiju.

Epasasi 1:10

'Ene vea roe areri rena parajakavi'i uneunecha mapoka Keriso oni vaji ichutoi navura 'ee mwe'i navura 'ekaroe Huni harura hari nahuna.

Epasasi 6:12

Ijihuni maijaho nú ea haha rukina 'ee 'aa rukina pu'úmo nana pa'eju. 'Enakaivo 'ajoha'ina 'ee harura 'ee harura nutuvi'ina ka'ene iki mwe'i hijura 'ee 'avena sisesa ka'ene ichutoi hijujihi pu'úmo nana'eju.

Piripai 2:10

'Ene Jesuni ihiji he'avajaho akúpa 'ahi hijura 'ee mwe'i hijura 'ee mwe'i hari hijura maho'o Hu nitupari satihuna.

Korasia 1:15

'Ene Hu Godia ka'ene nia pakavi'inijihu vare'ine 'ee mai'o uneunecha maho'o re'avarono Hu amura'e ijí hinajina.

Korasia 1:20

'Ene na Huni vaji 'waravu. Godiho uneunecha maho'o kehi pu'úmo 'unama vene kú'o napura venana. Huni 'aa ka'ene korosia 'ahi hirama arihajara uneunecha maho'o ka'ene mwe'i navura ho akúpa 'ahi navujija venaue matauvu.

Korasia 2:10

'Ene Huni vaji ja maho'o ni areri renaana. 'Ene Hu ea maho'o 'ajohai'ine 'ee harura mapokijihi puni húmata.

Korasia 2:15

Hura 'ajoha'ina 'ee harura mama'ina sisesa ijija Huni vaji korosia 'ahi eriri samaumai túa vetie venaume harura pa'arenaana.

Hipuru 1:2

'Enakaivo ike vea túchamaikaho Hu Huni Harihi jihuni vaji nú 'warumana. 'Ene Godira aachi'a maho'okaho Huna'e rehuna nahama 'waramana. 'Ene Huni vaji 'u'o mwe'a vene 'ee uneunecha maho'okaho vesihana.

Hipuru 2:10

Godira uneunecha mapokakaho Hunijihuna'e venana'omo Hu areri Huni harihija mapokijihi puni pinana veje 'urihuna. Ijihuni maijaho Hura ahija ka'ene apena jihuna'e pu maraniajaho nimaa nimaa renana.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.