Korasia 1:14 - Godoni vuʼa maiuʼina

¹⁴ 'Ene Huni vaji nú kú'o 'imenue 'ekuana 'ee Huni vaji sisea vwihane arevume pa'arenana.

Korasia 1:14 ပူးပေါင်းရင်းမြစ်များ

Matiu 20:28

Ema Puni Harihijara roujaho ea mapoka Huni pwea pare'avarono roana kaivo Hu puni pwea re'i 'ahaume roana. Hu Huni hia ea mapoka'e mihana. Areri ema 'imenaana 'iamana.

Ruku 5:20

Hu ichá'ina'e pu nimaa rojuji kimarena ema kaji ijá 'wama Napura nunakera Oni sisea Na vwihana arevu 'wamana.

Akisi 10:43

Poropetia maho'o Hu rone 'waramareja ijá 'iava Ea irahipo nimaa ro'avajaho puni sisea Huni iha vajijino vwihanie areve parahuna 'iamana.

Akisi 2:38

Joni sisea vwihane aremamaa are'i kaivo ta'arohe Jesu Keriso oni iha 'ahijino toi sama'e joni sisea pa'are'amana. 'E'eje ja swara ka'ene Godoni 'Aveniji apeha.

Akisi 20:28

'Enakúne hami ojono 'ajoarame 'ee ea ka'ene jara 'ajoha'avarono Godoni 'Aveni ja 'ajohai'ina'e irechamie 'ee Godoni sosia ka'ene Hura Huni 'aijino 'imenajaho 'ajoha'avara.

Akisi 26:18

'Ejakame a veje puni nia jaraahuna. 'Ene pu nututi hijujaho are'i kaivo ta'arohe hanaji'iniji roajihuna 'ee Setani oni harura hari hijujaho are'ika'i Godoni rohuna. 'Ejakamareje sisea vwihanie arevujaho apene 'ee ea ka'ene nimaa rojajihuna Na iji pijihujipo aachia ka'ene 'ekahunijaho pu 'u'o ijihuni vaji 'ekahuna 'wimana.

1 Koritia 1:30

'Enakaivo Hura venaume ja Jesu Keriso oni ea'e rejara. 'Ene Hura núni vwiha mamaa ka'ene Godoni rena roajaho rene 'ee núni ariramaijaho rene 'ee núa'e 'imenúa 'eki'ina'e renana.

Karesia 3:13

'Enavo Kerisora Varapa Tamani jihuni vaji siripumajaho siriruma 'ekuana. Ijihuni maijaho varapijara siripuma jihuni eha ijaho Hura apenana. Ijihuni maijaho ika'ina'e vejara Ea irahipo icha 'ahi 'aninamiume kurinamie navujija siripavara 'úmana.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Epasasi 4:32

'Enakúne ea 'aho pu'úmo hami veti'araha 'ee oja purasina'e rene 'ee vwihane arekaravi'ina'e reha areri Godira Keriso oni vaji ja vwihanie arema ja'ina'e ve'avara.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Korasia 2:13

Vea ka'ene ja joni sisea vajijino kwamasahe 'ee sisa pa'uhuari vajijaho Hura núni sisea maho'o vwihanúe arevume paranana. 'E'ikaivo venume 'urine pu pu'úmo mai'o hiju.

Korasia 3:13

'Ene matausahe ni'ajarame 'ee vwihana arekarame 'ee ea 'ahopo chicha vene sua he'avajaho areri Natohwijara ja vwihanie arema ja'ina'e vwihana are'avara.

1 Timoti 2:6

Ijihuna'e vea nimaa nimaa ka'ene 'waramajara ro apejume Hu Huni hahijino miharena ja maho'o 'imenae 'ekana.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Hipuru 9:12

Ijí ruha ka'ene Ariramaa Nimaa Nimaijino Hu 'aa apena va'e arumana. 'Enavo 'aa kajaho kotia 'ee purumakau ijihipuni 'aa pana vo Huni 'aa kajino ea maho'o majama maranihunijaho ijí ni'aha kwisu apena va'e arumana.

Hipuru 9:22

Ijihuni hahi nú ijá 'wahuna. Mosisi oni varapa tamanijara 'warama ja'ina'e uneunecha mapokakija 'aa kaji ijitia vaji chiha pa'arehuna. 'Ena'omo 'aa paari'amajaho sisea vwihania arehuna pa'ana re'ena.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

1 Joni 1:9

'Enakaivo nú núni sisea Hu nahama 'wara'avajaho Hu pauchavi'ine 'ee ariri jihuna'e Hu núni sisea vwihana areme 'ee núni sisea maho'o somuhe pa'arehuna.

1 Joni 2:12

Sesamae ikaho na jona'e vejujihuni maijaho joni siseijaho Huni Ihijihuna'e Hu vwihana aremana.

1 Joni 2:2

Jesura núni sisei jihuni eha apenana. 'Enakaivo núni siseijiru pana vo ea maho'o mwe'akino hiju jihipuna 'u'o apenana.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 14:4

Ea kajijahija ea 'ahopo napara pu'úmo ruasaravu ja'ina pu pavejara kaivo pu mota rena hijara. Ea ikehipo Remuijaho 'ararihae ojura. Ea kajijahija Godi kaivo Remui jihipuni 'ina amura ka'ene emaapuni riri 'imene 'ekahajina.

Revaresiani 5:9

Pu javaa maiu'ina ika'ina vejara. A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana.