Korasia 1:10 - Godoni vuʼa maiuʼina

¹⁰ 'Ene ja 'unama mamaa ka'ene Natohwiji ura renuja'ina'e one 'ee Huni hura ve'avara. 'Ene kaukara mamaa ka'ene ja vejujija 'ina rukina'e rene 'ee Godoni henaka vajijino emare'avara.

Korasia 1:10 ပူးပေါင်းရင်းမြစ်များ

Joni 15:16

Ja Na iji papijihara kaivo Nara ja iji pijihuta. 'Ene Na ja irechamiu. 'Enakúne ja va'e 'ina mapoka re'avara. 'Ejakame joni 'ina kajija majama hihuna'e re'avara. 'E'ira'omo ja Nuni ihi 'urahe raka Amo jari'avajaho Hu ja vajihuna.

Joni 15:8

'Ejakamareje ja 'ina mapoka re'avajaho ijara Amo oni pinana 'urihuna. 'E'avajihuna'e ijara naja'amajaho ja Nuni tisaiporu.

Joni 17:3

Ikaho majama hihunijina. Pu A Godi ka'ene nikwinu'wi nimaa nimaiji hena kame 'ee Jesu Keriso ka'ene Ara ranavume roaji hena kahuna.

Romani 1:13

Ehu nune na nimarako ura roe ja ki'iro 'ahiana kaivo unenu'u pini rejumakame na parou kajaho ja nihena kavu. Ijihuni maijaho na Jenitaru 'aho'a kajihi puni vaji 'ina 'aho'a 'ekuja'ina'e 'aho'a joni vaji 'ina rukina'e rehuna ura reniu.

Romani 4:12

Eparahami 'u'o Jua 'aho'a ka'ene sisa 'uhui'ini jihipuni oma. Ijihuni maijaho Eparahami mai'o sisa pa'uhua'eme nimaa ronaja'ina'e pu 'u'o nimaa ro'avajaho pu arira'e rehuna.

Romani 6:4

'Enajihuna'e Hura kwamajino nú 'u'o pu pu'úmo kwamasahara'omo Amo oni haruri vejume Kerisoho 'urina ja'ina'e nú 'u'o ija'ina'e 'urine 'unama maiu'ini 'urahe ohuna.

2 Koritia 2:14

'Enakaivo Godi teimani 'wavujaho Keriso oni vaji Hura na'ia mapoka venue uneunecha asitaha paraju. 'Ene nuni vaji Huni henaka mamaijaho kwaa ara mapokakino najahu'e pu areri amua maa'e 'uvuja'ina.

2 Koritia 4:6

Ijihuna'e Godira ija'ina'e 'waramana. Ira nututa vajijino hanahuna 'iamana. Ijaho Hura núni oja vaja veju'e hanavu'e Godoni henaka ijihuni mamaijaho Keriso oni urania vaji kahuna.

2 Koritia 5:9

'Enajihuna'e núni ura ijaho nú mai'o hi'eja ho kwamasahuna kaivo nú veje Hu teamahuna.

2 Koritia 9:8

'Ene Godiho maiji vwihaniujaho areri venahe jonuna'a ani renahuna. 'Ejakame na'ia mapoka uneunecha mapoka maho'o areri renahuna. 'Ene jara kaukara mamaa ka'ene ve'avajaho uneunecha mapoka areri renahuna.

Epasasi 1:17

'Ejakame núni Natohwa Jesu Keriso oni Godi 'ee Oma ka'ene pinana rukinijara vwiha ka'ene vwiha mamaa vwihane 'ee jonuna'a veje samaumaa rene 'ee Hu hena kahunijaho samaumaa rehuna.

Epasasi 2:10

Ijihuni maijaho nú Huni Isura'e Jesu Keriso oni vaji venuana. 'Ejakame kaukara mamaa ka'ene nitama Hura amairiaramaji ve'avarono venuana.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Epasasi 4:13

'Ene pura najuhe ajima va'eje núni nimaa roijaho nikwinu rena paraje 'ee Godoni Harihiji hena kavujaho roe emarena parahuna. 'Ene areri Kerisora emarenani manuri ja'ina'e rehuna.

Epasasi 5:10

'Ene Natohwijara ura rehunijihi hena ve'irono 'unama savujina.

Epasasi 5:15

Ijihuni hahi jara 'uraha ojujaho hami vwihane paraji'i ea ka'ene hami pavwihaji'inapo ojuja'ina pana kaivo hami vwihaji'inapo ojuja'ina'e o'avara.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Piripai 1:11

'Ene 'unama arira ka'ene Jesu Keriso oni rena roajara joni vaja niho'o tinia apena para'ama jihuna'e Godiho aromahe 'ee ta'arohuna.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Piripai 4:18

'Enakaivo uneunecha maho'o areri 'ekuta. 'Enareno ijipo mapoka'e areri renihara. 'Ene jara Ipapirotaitasina'i irechavajija na ni 'ekuta. Ijija swara mamaa ka'ene amua mamaa Godi teamama parahunijihi vejara.

Korasia 2:19

'Enakaivo pu húmati rene ihena roe haha maho'o kaho ni'ajahuna pana. 'Enavo nú Huni haha 'ahi tanuka 'ee chinumijipo roe ihenuara. 'Enajihuna'e harura ka'ene Godoni rena roujara harura múhe ni'ajúhu'e emareju.

Korasia 2:6

'Enakaivo ja Jesu Keriso ka'ene Natohwiji apejarakúne Huni vaji 'uraho'avara.

Korasia 3:20

'Ene sesamae uneunecha maho'o ja vejujaho emahu jopuni ira hene ve'avara. Ijihuni maijaho ijara Natohwijaho teamamuna.

Korasia 4:5

'Ene ea ka'ene samai hiju jihipuna vwiha mamaiji vwihaji'i ja iraka ka'ene ve'avajija hami ve'avara. 'Ene vea mamaa ape'avajaho vea kajaho hami ape'avara.

1 Tesaronia 2:12

Ijihuna'e Godi ka'ene ja 'umenau'e Huni ara 'ee hanaji'inijino vahuna 'iamajihuni 'unama ka'ene Hura kive areri rehunijino o'avara.

1 Tesaronia 4:1

Vwehu núne Vu'a túchamaa pina ikena. Nú Natohwa Jesuni vaji ja jarirame 'waravu núra vu'a ka'ene 'waravume ja hene oju kaja'ina'e nija'ina oje Godiho teama'amana. 'Eje ja maranie ajime va'amana.

2 Timoti 2:4

Ea irara sorutia renujaho hu kaukara 'aho'a ka'ene ea mamahapo vejujija pavenuna kaivo ea irara hu sorutia pijahume renajihuni ura ijiru venuna.

Taitasi 3:1

Kú'o huri 'warave pu vwiha'avara. 'Ene puni 'ajoha'ina 'ee kamatia puni hari hine puni ira hene ve'avara 'ee mamaaru vehuna'e amairiaravi'i hi'avara.

Taitasi 3:14

Ehu nuna najahakame kaukara mamaa vene 'ee iviamaa huni temukaho ahija ni'ajihakame pu uneunecha puni iji veji'ina'e re'avara.

Hipuru 11:5

Nimairoa vajijino Inakiho pakwa'eme Godira apene akúpi 'ahi va'ajihuna'e ea hu papiunavara. 'Enavo hu mai'o akúpa 'aha pavai'ini hura Godi teamahuna ka'ene venajaho ea pu nikavura.

Hipuru 13:16

'Enakúne ea 'aho'a ka'ene kukua pa'aji vajihuna pasena'avara. 'Ene mamaa vehunijaho parunami'avara. 'Unama ija'inijija Godi teamama paranuna.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

2 Pita 1:8

Ijihuni maijaho kara ikipo jona'e rene 'ee emarena para'avajaho ijipo veje jara núni Natohwa Jesu Keriso hena kavuri 'unamijaho maa pa'ana parehune 'ee 'ina pa'ana parehuna.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.

1 Joni 3:22

'Enakaivo nú Huni tamana vene uneunechaka Hura ura renuji hena vejujihuna'e nú raka'e jarivujaho Hu nú vajúhuna.

1 Joni 5:20

Nú niheju. Godoni Harihijaho niroana. Hu nimaiji hena kahuni henaka ijaho múhana. 'Eju'e nú Huni hariha Jesu Keriso ka'ene nimai jihuni vaji hiju. Ijaho Godi nimaa ka'ene majama hihunijina.

3 Joni 1:6

Pu sosi vaji ara oja ka'ene mihuji rone 'waruvu jihuna'e a pu irechamie va'avajaho hami 'unama ka'ene Godi teamahuni ja'ina'e ve'amana.