Karesia 6:3 - Godoni vuʼa maiuʼina

³ Ea irara vwihaju'e hu ea pina ni'ina ronujaho hu ori pisivaramuna. Hu niho'o maa pa'ana.

Karesia 6:3 ပူးပေါင်းရင်းမြစ်များ

Ruku 18:11

Ea ka'ene Parasi ijaho huhusu namiji'i siporua ika'ina'e 'onana. Godi teimani 'wavujaho na ea 'aho'a ka'ene pu pusumano vwihane 'ee ira'ata apene 'ee napara hurichavu ja'ina pana. Na A teimani 'wavu. Ijihuni maijaho na ea ka'ene takisia'e apeji'ina ka'ene kame naminu kaji vare'ina pana.

Akisi 5:36

Ja nitama nihejara ea iha Tutasi oni pinana 'urine ijá 'iama Na harura rukina 'i'i kaivo ea mapoka mapoka (400) aherama va'ana kaivo ea 'ahopo hu 'anaume kwamana. 'Ejume ea ka'ene hua nimaa rojajaho juhaha ani va ranavara. 'E'eme kaukara ka'ene pura vejajaho pa'arenana.

Romani 12:16

Ja ea mapoka oja nikwinu'wi vwiha'avara. Jarika parena o'avara. 'Ene ja ea ka'ene mena iju orijihi pu'úmo teamanahunaru pavwiha'avara kaivo ea sisea maijihi pu'úmo teamana'avara. 'Ene ja hena kavi'ina ronareje ojono ta'arosara'ava.

Romani 12:3

Ijihuni maijaho Godi na maiji vwihaniarena na Huni pwea re'urono iji pijihana. Ijihuna'e ja eaka mapokakihi ika'ina 'waravu. Ja joni haharu vwihanareje pa'unirame 'eke ichutoi 'ahasiri'avara. Vea ka'ene ja joni haha vwihajuri veijaho ariramaaru vwiha'avara. 'Enakúne veje ea kwinu kwino Godira hu nimairoa ichá'ina'e vajahajaho vwihaji'i hi'amana.

1 Koritia 13:2

'Ene na swara ka'ene poropeti epuni ira 'waravuji apene 'ee hema maho'o hena kiparane henaka'a maho'o heparane 'ee nimairoa ka'ene huri'a 'warave jahena ruvahuna ape'i kaivo ea oja mihujara pa'ana'e re'ipisa na maa pa'ana'e reju'u.

1 Koritia 3:18

'Ene paveje emaa ori'ini papisivara'amana. Ea irara vea ikehuni vajakino vwihaje hu vwiha mamaa vwihaji'ina ro'amajaho veje maijaho hu roe túa'e renareje iji'a vwiha mamaa vwihaji'ina'e re'amana.

1 Koritia 8:2

Ea irara vwihaju'e hu uneunecha maho'o he paraji'ina ronujaho hu hura hehuni ja'inijaho pahenuna.

2 Koritia 12:11

Ja ojono veniume na vwiha pa'ana'e rejuta. 'Enajihuna'e jara asura vene na ea icha'inijaho rone 'warava'a.

2 Koritia 3:5

Nú onúno areria pana. 'Ene uneunecha núnuna'i rena rohuna pavwihaju kaivo nú areri renuhunijaho Godoni rena roana.

Karesia 2:6

'Enakaivo ea ka'ene pina'inijija pu mai'o núnuna'a ani'ina pareju. Ijihuni maijaho Godiho ronu kwino pareji'ina. Ijí ea mama'ina pina'ina kajija na unenu'u pina pani'ajihara.

Karesia 2:9

Jemisine Sipasine (Pita) 'ee Joni ijano tukeja'omo maiji vwihani'ina ka'ene na mihaji kamareja pu nú Panapasi'i ahuma Jenitaru puni va'e ni'ajihe 'ee pu sisa 'uhua'ini jihipuni vahuna'e nimaa vetiarame ija 'ekuara.

2 Timoti 3:13

'Enakaivo ea sisesa 'ee ea pisivi'ina kajija hine ea pisiviujaho roe siseranuna'omo niho'o siserana parahuna. 'Ene pisivisavujara pu 'u'o pisimisama parahuna.

Jemisi 1:22

'Enakaivo ja ojono papisiva'arame vu'aru heji'inaru pare'avara kaivo ira iraka ka'ene ja hejajija hene veji'ina'e re'avara.

Jemisi 1:26

'Ene ei pini vwihaje hu mamaa veji'ina ro'ika'i huni mitara hami pa'ajohujaho hu ori pisivaramuna. 'Eju'e hura mamaa ka'ene venujaho ira'ata'e renuna.

1 Joni 1:8

Nú niho'o sisea pa'ana 'wavujaho nú onuno pisivaravu. 'Eju'e nimaijaho núni oja vaja panamu.