Karesia 6:2 - Godoni vuʼa maiuʼina

² Keriso oni tamaniji venareje ea 'ahopuni ahija ni'ajihe 'uri'avara.

Karesia 6:2 ပူးပေါင်းရင်းမြစ်များ

Matiu 8:17

Nitama Godira poropetia Aisea oni vaji 'waramajaho nimaa nimaa renu. Hura núni atama ani ani'ina 'ee haha hiana 'ekana 'úmana.

Ruku 11:46

'Enakaivo Hu ijá 'iama Ja roia 'u'o joni eha sisea niho'o ni'ima'ura namu. Ijihuni maijaho ja ea ahija mama'ina vaji'i kaivo ni'ajihe iji 'unira 'urihuna pana.

Joni 13:34

Na tamana maiu'ina 'u'o ja mihu. Oja ma'ara'avara! Nara ja oja mihuja'ina'e ja 'u'o oja ma'ara'avara.

Joni 15:12

Ikaho Nuni tamanijina Nara ja oja mihuja'ina'e ja ea 'aho pu'úmo oja ma'ara'avara.

Romani 15:1

Nú ea ka'ene haruriji'i hijujipo ea ka'ene ajuasinijija ni'ajihuna kaivo nú núni haharu pavwihahuna.

Romani 8:2

Ijihuna'e 'Avena ka'ene majama hiji'ini jihuni harurijara Jesu Keriso oni vaji ja venaume sisei jihuni harura 'ee kwamasahuni harurijija ijá irechamiara.

1 Koritia 9:21

Ea ka'ene varapa hara pahijujihija na pua'ina'e rejuta kaivo Keriso oni tamani jihuni hari hijuta. 'Ene venae ea ka'ene Godoni varapa hara pahijujipo Keriso oni ro para'avarono avajuta.

Karesia 6:5

Ijihuni maijaho ea kwinu kwino puni ahija ori tapahuna.

1 Tesaronia 5:14

'Ene vwehu núne nú ja jarirame 'waravujaho ja ea ka'ene vu'ataa paheji'inijija 'urara'avara. 'Ene ea ka'ene tea junavi'inijija 'ee ea ajuasina ni'aji'avara. 'Ee ohura paape'avara ka'i ea 'aho pu'úmo masuani hi'avara.

Jemisi 1:25

'Enakaivo ea irara varapa arimaa ka'ene vejume hanasina'e apejaji hami piuhahe ijihuni toi hiji'i paruvi'ina'e 'ee hene teama'eju'e veji'ina'e renujaho ea ijaho uneunecha ka'ene hura ve'amajaho niho'o merajahuna.

Jemisi 2:12

'Enakúne ja iraka ka'ene 'waravu ja'ina'e ve'avara. Ijihuni maijaho hanasina apejuri varapijara ja piuhiha kihuna.

Jemisi 2:8

'Enavo varapa mavarasa'ina ka'ene Godoni ira vaji namujaho ika'ina 'warumana. Ja ea ka'ene joni rori hijujija oja mi'avara. Areri ja ojono joni haha oja mahuja'ina'e mi'avara 'úmana. Ja ija'ina'e ve'avajaho mamaa'e vene avahuna.

1 Pita 2:24

'Enakaivo Hura Huhusu núni sisea Huni haha 'ahi apena va'e korosia 'ahi ajimana. 'Ejakame nú sisei jihuni 'unamijaho kwamasa'ika'i ariramaa hihuna. 'Enajihuna'e Huni haha ka'ene puachamajara rejume ja maraniana.

2 Pita 2:21

'Ejume ea ijá kajija 'unama ka'ene aririjaho pahe'ipisa mamaa veja'a. 'Enakaivo pu varapa ka'ene akuavi'inijija 'waravu'e henare'e túchaha va'ujipo areria pareju.

2 Pita 3:2

'Ejakame ja nitama poropetia ka'ene akuavi'inijihipo vu'a ka'ene 'waravara 'ee Natohwa ka'ene ni'ajúhi'ini jihuni tamana ka'ene apasoruepo 'waravajija vwihahuni jihuna'e veju.

1 Joni 4:21

Ike tamana kaho nú Huni apejara. Ea irara Godi oja mahujaho hu vweaha 'u'o oja ma'amana.