Karesia 6:12 - Godoni vuʼa maiuʼina

¹² Ea ka'ene haha kehunijino ta'arorahuni jihuna'e ura renaukame ja sisa 'uhuhuna'e 'ejahiu. Ijihuni maijaho Keriso oni korosi jihuna'e pasise'i 'ahi'avarono avaju.

Karesia 6:12 ပူးပေါင်းရင်းမြစ်များ

Matiu 23:27

Sikuraipia 'ee Parasia ka'ene ira'asinakije joni eha ni'ima'ura namu. Ijihuni maijaho ja niho'o areri eucha sa'ina'omo hura kaha'ajaho 'eke sinara 'one amairia nirisame meruma amairia niho'o mavarasa'imaa rena navu kaivo kame vaja kamaho ea 'ata niho'o chire 'wame 'ee sakaha niho'o amajara'eju'e navuja'ina.

Matiu 23:28

'Enajihuna'e ja 'u'o areri ija'ina. Ea 'ahopuni una'ijaho ja ea arira kaivo joni vajijaho ira'ata mama'ina 'ee sisea ani rena navu.

Matiu 23:5

Uneunecha ka'ene pura vejujijahija emaapo ki'avarore'e pu ijá vejura. Pu era ki'avarore'e túkua ka'ene Godoni ira ijihuni vaji navi'inijaho 'eke 'ee ateha ani'iniji same 'urahojura.

Matiu 5:10

'Ene ea ka'ene 'unama ariramaa 'uraha o'eju'e ea 'ahopo sise'i 'ahiujija pu teamanava. Ijihuni maijaho Godoni arijaho puna renukúne.

Matiu 6:16

'Enakúne jara 'aura are'avajaho era ki'avarono ura nia paajurasahe o'avara. Areri ea ka'ene ira'asinijipo vejuja'ina'e pave'avara. 'Eju'ukame eaka mapokijipo kima henareje pu 'aura arevara ro'avarono avajura. Na niho'o nimai ja 'waravu. Pu puni eha niapejara.

Matiu 6:2

Ja ura ea uneunecha pa'amaiji swara vaji'irono ve'avajaho ja ea mapoka ni'i ni'i ki'avaroreje nipia apena hwasi'ava. Ijihuni maijaho ea ka'ene ira'asinijipo Sinakoku vaja 'ee ma'ahi riri kaji ani ani vejakame ea 'ahopo pu ta'arora'avarono ija'ina vejura. Na niho'o nimaa nimai ja 'waravu. Pu puni eha niapejara.

Matiu 6:5

'Enakúne ja siporua 'o'i ve'avajaho ja ea ka'ene ira'asinijipo vejuja'ina'e pave'avara. Pu niho'o Sinikoku vaja 'ee ma'aha riri namine siporua 'ojura. Ruha ka'ene ea mapoka ni'i ni'i kihuni tinijiano namine ojura. Na niho'o nimaa ja 'waravu pu puni eha niapejara.

Ruku 16:15

'Ejume Hu pu ijá 'iama Ja emaapo ki'eju'e hami 'urahe oju kaivo Godira joni oja vaja nihe paraji'ina. Ijihuni maijaho iraka ka'ene emaapo vwihaju'e mama'ina rejujaho Godira kimujaho ijijahija niho'o sisemaa.

Ruku 20:47

'Ene pu amuna pisivisavi'i puni sea nesi 'eke 'ee pisivisame erapo ki'avarono siporua jojora 'ojura. Ijihuna'e ja niho'o ni'ima'ura namahuna 'iamana.

Joni 7:18

Ea pina hu huni vwiharu 'waramujaho hu ura ea natohwa re'i 'ahau'e avanu. 'Enakaivo ea irara Godi ka'ene Na ranamiume rouji ta'arohujaho hu niho'o nimaa ariramaa'e 'ee sisea pa'ana.

Akisi 15:1

'E'eme ea 'aho'a Jutia rene aneja vene vwehwaha kajihi najahe ijá 'iava Ja Mosisi oni tamani ja'ina'e sisa 'uhu'avajina vo ja pamaranihuna 'iavara.

Akisi 15:5

'Ejume Parasia 'aho'a ka'ene nimaa roji'inijipo 'urine arini nami'i kaivo ijá 'iava Ja pu sisa 'uhuahe 'ee 'warave pu Mosisi oni tamana ve'avara 'iavara.

2 Koritia 10:12

Nú harura pa'ana'omo nú pa'eke manura vene irechamie ea 'aho'a ka'ene opu rone 'waravu ja'ina pavejura. 'Enakaivo vea ka'ene pu opo manura vene pirahujaho pu pahene pakavi'ina'e kavu.

2 Koritia 11:13

Ijihuni maijaho ea ijá kajija apasorua ka'ene ira'asini jihina. 'Ene kaukara ira'ata veji'ini jihina. 'Ena'omo pu Keriso oni apasorue puna'i veju.

Karesia 2:14

'Enaka'ivo na kivume pu vu'a maa maiu'ina nimaiji areri pavejume kimarejo na puni una'a kajino Sipasi (Pita) ijá 'wavo A areri Jua kaivo a Jua puna'i pahi'i kaivo Jenitaru epuna'i hinu 'ee a ichá vene Jenitaru Jua puna'i hi'avarono 'ejahio?

Karesia 2:3

'Enakaivo Taitasiho na hu'úmo hinana vo hu Kuriki kaivo pu pa'ejahae sisa 'uhuhuna 'waravara.

Karesia 5:11

'Enakaivo vwehu nune na sisa 'uhuahuji rone majaa najahujaho irakijihuna'e Jua na majaa ruariho? Ija'ina'e re'amajaho korosi jihuni vu'a ka'ene rone 'wavujaho areve parahuna.

Karesia 6:13

Ijihuni maijaho ea ka'ene sisa 'uhuahi'inijija tamana 'u'o paakuavura. 'Enakaivo pu mají ja sisa 'uhu'avarono ura renau. 'Ejakame joni hahijihuna'e kehi kehi o'irono avaju.

Piripai 1:15

Ea 'aho'ijija niho'o sename ajina'eju'e Keriso rone najahu kaivo ea 'aho'ijija oja maiji vwihaji'i najahu.

Piripai 2:4

'Ene joni ura ijiru pa'ajo'avara kaivo ea 'ahopuni ura ijija 'u'o ki'avara.

Piripai 3:18

Na na'ia mapoka'e ni'waravura'omo kú'o ivi'a niituiji'i 'waravu. Ea mapoka'e pura kara ka'ene ojujara najuhujaho pu Keriso oni korosi ijihuni naka.

Korasia 2:23

Ike varapa ikija nimaa puna'i rehuna. Ijihuni maijaho puni oja vwiha ijija niijihi miha parane 'ee haha puna ruarahe sise'i 'ahiura. 'Enakaivo ijipo puni vwiha sisesa ka'ene itunavujihi ni'ajihuna pana.