Karesia 6:1 - Godoni vuʼa maiuʼina

¹ Vwehu nune ei pini sisei vaji oja ka'avajaho ja ea ka'ene ni 'Aveni vaji emakina'e rejajipo va'e masuanu ni'ajahe 'uri'amana. 'Enakaivo ojono hami 'ajo'ara'avara vejuro'i ja 'u'o ija'ina'e vena ve'ejakúna.

Karesia 6:1 ပူးပေါင်းရင်းမြစ်များ

Matiu 11:29

'Ene Nuni 'unama ka'ene kisima'urijaho jona'e apene Nuni 'unamiji kama heha. Ijihuni maijaho Na matauvi'ina 'ee masuani hiji'ina. 'Ene veje joni oja masuani sonama namama.

Matiu 26:69

Ijá ve'eme Pitaho ijí ara rori hi'eme napara pwea pini roarena hu ijá 'wama A 'u'o Jesu ka'ene Karari oriji'i 'urahonuna 'wamana.

Matiu 26:75

'E'eme iji'a Pita Jesura ira ka'ene 'waramajaho vwihanana. 'U'ora mai'o 'ume'i ve'eje a Na 'aha no'opisu hemi'ena. 'Ejume hu va 'e'une nirame niho'o oja tura'i 'ahaana.

Matiu 9:13

Ja ma va'ajimareje Godoni ira vaji ika'inaka 'waramaji sama ka'avara. Na emaapo temukivu kaivo Na swasa vehuna senimu. Ijihuni maijaho Na ea mamaa'e 'eka'i rohuna pana kaivo ea sisea punijihuna'e Na routa 'iamana.

Romani 14:1

Ea ka'ene Godi nimaa rojara kaivo ija kisi pa'unavi'inijija hami 'ajora'avara. 'Enakaivo ja unenu'u pina ka'ene rakijara maa'e rakijara sisea ijijahija pu pu'úmo panakara'avara.

Romani 15:1

Nú ea ka'ene haruriji'i hijujipo ea ka'ene ajuasinijija ni'ajihuna kaivo nú núni haharu pavwihahuna.

Romani 8:6

'Enajihuna'e ea ka'ene hahijihunijiru vwihaji'inijija pu kwamasahuna kaivo ea ka'ene Godoni 'Aveni jihunijino vwihaji'inijija mataume majama hihuna.

1 Koritia 10:12

'Enakúne hu vwihaje hu kisi naminu ro'amajaho hami 'ajoara'amana. 'Enareje hu pa'o'amana.

1 Koritia 14:37

'Enajihuna'e ei pini vwihaje hu poropetia ho hu 'Avena vaji emarenana'e vwiha'amajaho veje ike uneunecha ka'ene na jona'e vejukija Natohwijara 'waramana'e vejukaho ki'avara.

1 Koritia 2:15

Ea ka'ene Godoni 'Avena apeji'inijara uneunecha maho'o hena kimuna. 'Enakaivo hu ijí 'Avena huni kukuijihi rone ea 'aho'a 'waramujaho pu pahenahuna.

1 Koritia 3:1

'Enakaivo vwehu nune na ja 'Aveni vaji emaina'e rejara 'waravu ja'ina'e 'warahuna pana kaivo emaa haha rukina'e 'waravu ja'ina'e 'warame 'ee Keriso oni vaji musia'e 'waravu ja'ina'e 'waravu.

1 Koritia 4:21

Ja iraka ura renao? Na vu'e ichi hijihahuna ho masuani ajuarane oja mihi'i 'warahuna'e ura renao?

1 Koritia 7:5

'Enakúne ja paki'eje tanu'ara'avara. 'Enakaivo vea ka'ene ja siporua'e 'o'irono ve'avajino ja no'o nimaa ve'ika'i tanu'avara. 'Enakaivo siporua 'oja pa'are'avajaho mako roe ahu'avara vejuro'i ja ojono pakairasa'avajaho Setanira ja vena kima ve'enakúne.

2 Koritia 10:1

Na Porura onuno ja 'ejahie Keriso oni ajuarana masuani hijura vajijino 'waravu. Na vea ka'ene ja pu'úmo ura varira kakaravujaho ajuasina'e rejura kaivo na karaa ani hijujaho na niho'o ira kisina'e jonuna'a 'waravura.

2 Koritia 2:7

'Enakúne ja unenu pina ani'ina paveha vo ma vwihane areme 'ee veje oja sonahi'amana. 'Ene vejuro'i ea ijá kajaho temuki niho'o rarena parajakame hua'e kú'o ni'ajahe marahuna areri parehuna.

2 Koritia 2:8

Ijihuna'e na ja jarirame 'waravu. Jara oja ka'ene hu majaa mahujaho na'avara.

Karesia 5:23

Vivinui hiji'ine 'ee 'ajo'aravujine uneunecha ika'inijija varapa pa'ana.

Karesia 6:18

Vwehu nune núni Natohwa Jesu Keriso oni maiji vwihanú'inijaho joni 'avenijihi pu'úmuna. Ameni.

1 Tesaronia 4:1

Vwehu núne Vu'a túchamaa pina ikena. Nú Natohwa Jesuni vaji ja jarirame 'waravu núra vu'a ka'ene 'waravume ja hene oju kaja'ina'e nija'ina oje Godiho teama'amana. 'Eje ja maranie ajime va'amana.

2 Tesaronia 3:15

Ja hu naka'e 'ahauja'ina paaha'avara kaivo vweuna 'waramu ja'ina'e ira kisina 'warave he'amana.

2 Timoti 2:25

Ea ka'ene ninakaravi'inijija hami kivi'i ni'ajihakame Godira veje ta'arohe roe nimaijaho hena ka'avara.

Hipuru 12:13

'Ene jara mumora ka'ene namina vahuni 'unamijaho amairie arira renama. 'Ejakame ja 'ararihia vu'ujija pu irimae harura pa'arenaujija namina pivusaha arihura vo pu kú'o harura rukina reja.

Hipuru 13:3

'Enakaivo ea ka'ene tipurai hijujija parunamie 'ee ja areri pu pu'úmo hiji'i vwihava ja'ina'e vwihani'avara. 'Ene ea ka'ene ahija sisea apejujihija areri pu pu'úmo hiji'i vwihava ja'ina'e vwihani'avara. Ijihuni maijaho ja 'u'o haha rukina.

Jemisi 3:13

'Ú ea irara joni vajakaho vwiha hami vwihaji'ine 'ee hena kama paraji'ine? Maka'eje hu huni kara mamaijino vene masuani vwiha mamaijino najahama.

Jemisi 3:2

Ijihuna'e nú ea maho'o 'unama ani ani'ini tachinamie arihura. 'Enavo ea pina hura ira ka'ene 'waramujino paasusamujaho hu ea arira. 'Ena'omo hu huni haha ori'ini 'ajoarahuna arerina.

1 Pita 3:15

'Enakaivo na'ia mapoka Kerisoho Natohwa roji'i joni oja vaja kajino amura'e rana'avara. 'Ene joni nimaaroiji vahame 'warahunijaho amairiara'irakúne ea 'ahopo ijí he'irono apora'avajaho ja chochumano puni hura veji'i 'wara'avara.

1 Joni 5:16

Ea pini huni vwea ka'eje sisea ka'ene pakwahuniji veje ka'amajaho hu ni'ajahe Godoni siporua 'oje hia huna ma'amana. 'Ene 'u'o Hura ea ka'ene sisea ike pakwamasahuke pavejujija hia puna mihuna kaivo sisea pina venareje kwamasahuna namu. Ijihuna'e na ija'ina pa'iavo hunijihuna'e jarima 'waramama pa'iavu.