Karesia 5:10 - Godoni vuʼa maiuʼina

¹⁰ 'Ene na Natohwi jihuni vaji nimaa vetiujaho ja vwiha 'aho'a karaa ani pa'ekahuna. 'Enakaivo ea ka'ene joni vwiha veju'e puruva retiujaho hu ea irara avamajaho hu mai'o huni eha apehuna.

Karesia 5:10 ပူးပေါင်းရင်းမြစ်များ

Akisi 15:24

Nú nihi'eju'e núni vajakino ea 'ahopu nú pa'wara'eju'e vu'ajime ira ani 'waravu'e ja iviamaa joni vwiha puruva retiu.

1 Koritia 5:5

'Ena'omo ea ija'inijaho Setani mahakame hura huni haha ruaraha parahuna vwihajuta. 'Enakaivo huni 'avenijaho Natohwa Jesura ro'amani veijaho marahuna.

2 Koritia 1:15

'Ene ike nimaa vejuri vajakino ja'e 'aha no'ohe'i meraji'amarono na ura nunijaho nimako joni vu'i 'ahiana.

2 Koritia 10:2

Nara 'waravujaho vea ka'ene na ijí hi'ujaho nara nimaa vene harura ka'ene apene ea ka'ene nú kúme vwihaju'e nú mwe'a kehuni ura ija'ina'e 'uraha oju rojujija ira kisina'e ninama'e 'warahuna.

2 Koritia 10:6

'Ene vea ka'ene vu'ataa hejujara roe areri rene para'amajino nú amairiarame areri rene uneunecha ka'ene vu'a ataa pahejujija eha mihuna.

2 Koritia 13:10

Ikehuni maijihuna'e na ijaho pahiju vo na uneunechakija vene 'waravura. 'E'ira'omo vea ka'ene na ijí hi'ujaho na nuni harura ka'ene Natohwijara mihajaho paapene ja ira kisina 'warahuna. Ijihuna'e na ja ni'ajihe emarene 'urihuna kaivo ja pavena'e arihuna.

2 Koritia 2:3

Ike uneka kehuni hahi na joni asura vejuta. 'Ene vejuro'i vea ka'ene na vu'ujaho ea ka'ene na venie teamanihunijija paveje na temuki'avarono avajuta. Ijihuni maijaho na ja maho'o nimaa vetiu jihuna'e nuni temarijaho ja maho'o joni temara'e rehuna.

2 Koritia 2:6

'Ene eha ichá'ina ka'ene ea mapokijipo hu mahajara ni arerina.

2 Koritia 5:16

Ijihuni hahi iviamaa iki rene iki kahi ijaho ea haha huni 'unamijaho paki'avara. Nú haha huni 'unamijino Kerisoho hena kavara kaivo nú kú'o 'unama ija'inijaho pakavu.

2 Koritia 7:16

Na temaraju jihuni maijaho uneunecha mapoka vajijaho na ja nimaa vetia paraju.

2 Koritia 8:22

'Ena'omo nú núni vwea pu pu'úmo ranavu'e vu'u. Nú hu vena kavajaho hu uneunecha mapoka vajijaho hu ea nimaa ura reji'ina'e kavara. 'Enakaivo iviamaa hu majano ura rena paranu. Ijihuni maijaho hu ni'ima'ura ja nimaa vetiu.

Karesia 1:7

Ijaho nimai'e ira pina ani'ina pana kaivo pu ea 'aho'a hine a ruarahau. 'Ene Keriso oni vu'ijaho apene ta'arohe ani najahu.

Karesia 2:4

Ijihuni maijaho vwehu nuna 'aho'a ira 'atijino júhi roe kúme núra Jesu Keriso oni vaji ahija varapa pa'a ijí matauma hinojujihi kúmareje aheruma va'e sisea huni harura hari hi'avarono avajara.

Karesia 2:6

'Enakaivo ea ka'ene pina'inijija pu mai'o núnuna'a ani'ina pareju. Ijihuni maijaho Godiho ronu kwino pareji'ina. Ijí ea mama'ina pina'ina kajija na unenu'u pina pani'ajihara.

Karesia 3:1

Karesia ora ka'ene vwiha pa'akije ea irara ja pisimiane? Jesu Keriso korosia 'ahi 'anaajaho na eriri joni una'a panajahume samaa'e parenane?

Karesia 4:11

Na jonijihuna'e juvu. 'Ene nara kaukara ka'ene jonijihuna'e vejujaho maa pa'ana vejuta'e roe renu.

Karesia 4:17

Ira'ata najahi'inijija pu ura rena para'eju'e ja saravu. 'Enakaivo pu mamaa'e ve'irono sarahuna pana kaivo pu ja tanu'urihe ja nuna paro'avarono avaju. 'Ejakame ja puni ura ija'ina'e ve'avarono avaju.

Karesia 4:20

'Enakaivo na ura ja pu'úmo ijí hihuna ura reniu. 'Ene jara ichá'ina ka'ene hine 'ee vejuji hejujaho na ira ichá'ina'e 'warahunijaho puruva retiu.

Karesia 5:12

Maijaho ea ka'ene ja ruarahujija sisa 'ee maiji'i maho'o 'uhuahe paare'ipisa mamaa veja'a.

Karesia 5:7

Ja nimamaa'e vejara vo irara tanu'urihu'e nimaijaho pavejo?

Karesia 6:17

Iviamai iki rene iki kaha ijaho ja ea pina varapa 'aho'a nununaa pave'avara. Ijihuni maijaho Jesuni jihuna'e na sise'i 'ahiari matana 'avena nuni haha 'aha navu.

Piripai 3:15

Ja ea mapoka'e ni emaina'e rejajihuna'e roe ja pu'úmo vwiha ikehuna kino vwiha'avara. 'Ene unenu'u 'ahopuni jihuna'e ja vwiha ani ani vwiha'avajaho Godira ijija 'u'o veje jonuna'a samaa'e rehuna.

2 Tesaronia 3:4

Jara raka ka'ene venape vahuna ka'ene núra 'waravajaho nú Natohwijihuni vaji nimaa vetiu.

1 Timoti 1:20

'Ene puni vaja kajino na Haimaneasi'o Arekisanita'o Setani vajahuta. 'Ejakame ijara najahe pu Godi matahujaho arehuna.

Pairimani 1:21

Na ara hene vehuniji nimaa roji'i pasia ikaho ona'e vejujihuna'e na nihejujaho nara 'waravukaho a venareje 'aho'a huri vehuna.