Karesia 4:19 - Godoni vuʼa maiuʼina

¹⁹ Sesahu nune na kú'o hejujaho hariha nahe'irono haha ka'ene hejuja'ina'e heju. 'E'eje Kerisoho joni vaja areri rena parahuna.

Karesia 4:19 ပူးပေါင်းရင်းမြစ်များ

Ruku 22:44

Hu hine oja hia'eme siporua 'ojumakame haha natohwa'e hiame huni piropa 'aa muka sa'ina'e mwe'a 'ahi arihana.

Romani 13:14

'Enakaivo núni Natohwa ka'ene Jesu Keriso oni vaji hine 'ee joni hahijara itumuni 'unamijija pave'avara.

Romani 8:29

Nitama mwe'a kakaho pavenani veijikano ea ka'ene Huni Harihiji vare'ina rehunijija Hu iji pijihana. 'Enajihuna'e Godoni Harihijaho vwehwaha kajihipuni Poka rehuna.

2 Koritia 12:14

'Ene na ivi'a 'aha no'upisu ijí ja vu'e ki'irono amairiaravu. 'Ene na paveje jonuna'a ahija renahuna. Ijihuni maijaho na joni kukuiji 'eka'irono avahuna pana kaivo ja 'eka'irono avaju. Ijihuna'e sesahwapo emahwa puni uneunecha patamuvanihura kaivo emahwapo sesahwa puna tamuvaniura.

Epasasi 4:13

'Ene pura najuhe ajima va'eje núni nimaa roijaho nikwinu rena paraje 'ee Godoni Harihiji hena kavujaho roe emarena parahuna. 'Ene areri Kerisora emarenani manuri ja'ina'e rehuna.

Epasasi 4:24

'E'eje kara maiu'ina saha. Ijihuni maijaho kara kajaho maiu'ina Godi vare'ina 'ee ariramaa 'ee akuavi'ina 'ee nimaa nimaa'e venana.

Piripai 1:8

'Ene Jesu Kerisora oja ka'ene 'ekauni vajijino nara ja'e ki'i 'ahiu'e oja ka'ene hejujaho Godira na kimu.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Piripai 2:5

Ike kara ka'ene Keriso oni vaji navajija 'eke joni vaja 'u'o na'avara.

Korasia 1:27

Ijihuni maijaho Godoni ura ijaho uneunecha mamaa ka'ene ike hema vaji navujija veje Jenitaru hena kahuna. Ijí hema kajaho Keriso ka'ene joni vaji hinujina. 'Ene nimaa roji'inijija. Huni mamaijaho túna'i 'ekahuna.

Korasia 2:1

Jaa 'ee ea ka'ene Reatasia hijura 'ee ea maho'o ka'ene nuni urania pakavi'ini jihipuni jihuna'e oja ni'ima'ura hejuji na ura ja hehuna ura reniu.

Korasia 3:10

'Enakaivo ja iviamaa kara maiu'ini savara. 'Ena'omo ike kara maiu'inakaho Venina ka'ene ijí venajara Hua'ina re'avarono majaa veju'e maiu'ina rejara'omo roe maho'o Hua'ina'e rehuna.

Korasia 4:12

Ipaparasiho joni ea pina ka'ene Jesu Keriso oni pwea pinijara ja 'ajoramu. Hu na'ia mapoka jonijihuna'e siporua nimaijino 'onuna. 'Ejakame ja kirasahe Godoni ura ijija maho'o hene kime areri renahuna.

1 Tesaronia 2:7

kaivo nú masuani ajuarasahe joni vaji hijara areri oahi huni sesamaa'e 'ajohau ja'ina'e vejara.

1 Timoti 1:2

Timoti a nimaa ronujihuna'e a nuni hariha renana. 'Ena'omo Godi Amo'o Jesu Keriso ka'ene núni Natohwiji'o a maiji vwihanae 'ee numirame 'ee matauvi'iniji 'waramare'e veju.

Taitasi 1:4

Taitasi nuni hariha nimaa ka'ene núni nimaaroa nikwinu'ini jihuna'e veju. 'Ene maiji vwihanúana 'ee matauvi'ina ka'ene Godi Amoho 'ee Jesu Keriso ka'ene núni Ni'ajúhi'inijaho a hu'úmuna.

Pairimani 1:10

Na nuni hariha Onesimasi ka'ene na tipurai hiji'i nahume Godoni ea renana'omo na hunijihuna'e jarirame a 'waravu.

Pairimani 1:19

Na Porura ike asura kaho nuni iji vejujihuna'e nara ijihuni eha vehuna kaivo are'eje na ike 'waravuma nuni chimua onuna'i namu ijaho oni hiijina.

Hipuru 5:7

Vea ka'ene Hu iki mwe'i hinajino Hu pakwahuniji ni'aja'amarono Godoni siporua 'onarena ira ajira 'ee niravi'i jarimana. Hu Godoni siporua 'onajihuni maijaho Hura Huhusu ni'ajahuni jihuna'e 'onana. 'Ejumakame Godi Huni siporua henajihuni maijaho Hu Godoni hura venana.

Jemisi 1:18

Hu Huni ura ijino nú Huni vu'a nimaa vajijino nahenuana. 'Ejakame nú areri Hura uneunecha ka'ene vena jihipuni amurijihi re'avarono avanana.

1 Joni 2:1

Sesahu nune ikaho na jona'e vejujihuni maijaho ja sisea pave'avarono veju. 'Enakaivo ea sisea venujaho Ea pina núnijihuna'e Amoni una'i jarima 'waramuna. Hu Jesu Keriso ka'ene arira maijina.

1 Joni 2:12

Sesamae ikaho na jona'e vejujihuni maijaho joni siseijaho Huni Ihijihuna'e Hu vwihana aremana.

1 Joni 5:21

Sesahu nune godi ira'ata ka'ene iji vejujija oja pami'avara.

3 Joni 1:4

'Eju'ukamare'e sesahu núpo 'unama mamaiji ojuji na hejujaho na niho'o teamanima paraniu.