Karesia 3:22 - Godoni vuʼa maiuʼina

²² 'Enaka'ivo Godoni irijara 'warumajaho ea maho'o sisea huni hari hiju. 'Enajihuna'e ea irahipo Jesu Keriso nimaa ro'avajaho pu raka ka'ene nahama 'waravajaho apehuna.

Karesia 3:22 ပူးပေါင်းရင်းမြစ်များ

Maka 16:16

Ea irara nimaa roje toi apúsave 'uri'amajaho hu majama hihuna. 'Enakaivo ea irara panimaa ro'amajaho hu 'otua vene eha sisea apehuna.

Joni 12:46

Na mwe'a kehuni hanaji'ina rena routa. 'Ena'omo ea irara Na nimaa ronujaho hu nutuvi'ina pahinuna.

Joni 20:31

'Enakaivo vu'a ike vejajihuni maijaho Jesuho Kerisone 'ee Hu Godoni Harihijina 'omo ijí nimaa ro'avajaho Huni iha 'ahi majama hihuna apehuna.

Joni 3:36

Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henare'e pavenujaho hu majama pahihuna. 'Ejukame Godoni sena huni haha 'ahi namu.

Joni 5:24

Na niho'o nimaa nimai ja 'waravu. Ea irara Nuni ira hene nimaa rone Godi ka'ene Na ranamiume rouji nimaa ronujaho hu majama hihuna niapenana. Ijihuna'e hu 'otua pavehuna kaivo Hu kwahunijaho niare'ika'i majama hihuni ruhijino roana.

Joni 6:40

Ikaho Nuni Oma ka'ene Na ranamiume roujara ura renujina. Ea irara Hariaha kame nimaa nimaa ronujaho hu niho'o majama hihuna. Ijihuni hahi mwe'akara mai'o pa'are'amani veijino Na onuno veje pu ni'aha kwinu 'urihuna 'iamana.

Akisi 16:31

'Ejume pu hu ijá 'wava Jesu ka'ene Natohwiji nimaa rojakama'e aa'e oni kachi'ina 'u'o ni'ajihe maraniama 'wavara.

Romani 10:9

Ara oni iri Jesuho oni Natohwa 'wa'ika'i Hura kwavume Godira vejume 'urinaji oni oja vaji nimaa ro'amajaho a Godoni ea ariramaa rehuna.

Romani 11:32

Godoni vwiha túchamaa ijaho ea maho'o Huni ira pahene vejujihuna'e Hu ea maho'o 'u'o numirahuna.

Romani 3:22

Ea irahipo Jesu Keriso nimaa ro'avajaho pu Godoni una'i ariramaa rehuna. Godiho ronu kwino parehuna.

Romani 3:23

'Enajihuna'e nú ea mapoka sisea 'ee Godoni manuriji areria pana.

Romani 5:12

Ijihuni hahi ea kwinu sisea ka'ene venajara rejume sisea mwe'akaho maho'o apenana. 'Enajihuna'e siseijara rejume kwamasahuna aneja renana. 'Enajihuna'e kwamasahunijara ea maho'o kihi puni vaji rausahana. Ijihuni maijaho pu maho'o sisea vejura.

Karesia 3:14

'Ene Jesu Keriso oni vaji Jenitarua merajihi'ina nikwinu'ina ka'ene Eparahami merajahajino merajihuna. 'Ene pu nimaa rojajihuna'e Godoni 'Avena ka'ene nahama 'waramajaho apehuna.

Karesia 3:17

Na 'unama ike 'wara'i 'ahiu'e 'waravu. Varapa Tamana ka'ene juara mapoka mapoka (430) pa'are'eme mihajaho pavejume Godira nimako nimaa venajaho pataurumana. Hu ijí tauru'ipisa Hura nahama 'waramaji 'eja'a.

Karesia 3:23

'Enakaivo nimaa roijaho iji'a ro'amarono nú varapi jihuni harura hari hijara. Nimairoa ka'ene túna'i roe samaa'e reje kahuni 'unamiji kuturúhume hijara.

Karesia 3:29

'Ene Keriso ona'e rejara'e re'avajaho ja Eparahami oni harihija. 'Ene aachia ka'ene nahama 'waramajaho ivi'a jona'e renana.

2 Timoti 1:1

Na Poru Godoni ura ijino Jesu Keriso oni apasorua. 'Ene Jesu Keriso oni vaji majama hihuna'e nahama 'warumaji najahi'ina.

Hipuru 9:15

Ijihuni hahi Hu vu'a maiu'ina kaji 'ajohare'e Godiho 'ee emaa puni rira mu'oi hinu. 'Ena'omo ea ka'ene iji pijihajija areri majama hihuna ka'ene Godira nahama 'waramajaho apehuna. 'Enavo Kerisora kwamajino ea ka'ene vu'a tamana vajijino sisea vejajija sovume pa'arena jihuna'e pu eha paapehuna.

2 Pita 1:4

Ikehuni hahi Hu Huni uneunecha mavarasa'ina nahama 'waramana. 'Ejakame ja ijihuni vaji mamaa huni pwina rene 'ee mwe'a ka'ene siseijara veju'e siseranujaho juhame karaa usema va'u.

2 Pita 3:13

'Enakaivo Hura nahama 'warumajaho nú akúpa 'ee mwe'a maiu'ina ka'ene 'unama ariraru nahuniji ka'irono niri'i 'ajaha hiju.

1 Joni 2:25

Ikaho Hura iraka ka'ene mú'irono nahama 'warumajina majama hihuna.