Karesia 1:7 - Godoni vuʼa maiuʼina

⁷ Ijaho nimai'e ira pina ani'ina pana kaivo pu ea 'aho'a hine a ruarahau. 'Ene Keriso oni vu'ijaho apene ta'arohe ani najahu.

Karesia 1:7 ပူးပေါင်းရင်းမြစ်များ

Matiu 24:24

Túna'i ea 'ahopo ira'atijino na Kerisona 'iave vu ea 'ahopo ira'atijino na poropeti 'iahuna. Pu ija'ina venareje uneunecha mapoka veje ea mapoka oja hianava kivi'i pisivie ea mapoka nimaa rohuna. Pu ea ka'ene Hura iji pijihajihija pisivihuna vo areri parehuna.

Akisi 13:10

ijá 'wama A niho'o 'avena sisei jihuni hariha. A uneunecha ka'ene mamaijihipuni nana'eji'ina. 'Ene ira'ata uneunecha ka'ene siseijipo oni oja vajijaho rarejara. Ijihuna'e na'ia mapoka a Natohwijihuni 'unama ariramaijaho a 'eke siseimaa venujaho vecha are'ena?

Akisi 15:24

Nú nihi'eju'e núni vajakino ea 'ahopu nú pa'wara'eju'e vu'ajime ira ani 'waravu'e ja iviamaa joni vwiha puruva retiu.

Akisi 20:30

'Eje joni ehija 'aho'akipo 'urine ira ani ani 'warame tisaiporua aherame puni túna'i vahuna.

2 Koritia 11:13

Ijihuni maijaho ea ijá kajija apasorua ka'ene ira'asini jihina. 'Ene kaukara ira'ata veji'ini jihina. 'Ena'omo pu Keriso oni apasorue puna'i veju.

2 Koritia 2:17

'Ene ea 'ahopo vejuja'ina'e Godoni irijaho paapene monia vene oju. 'Enakaivo nú Godoni irijaho nimaa Keriso oni vaji 'waravu'e Godi ka'ene nú irechamúume roajihuni una'i 'waravu.

2 Koritia 4:2

'Enakaivo nú uneunecha ka'ene hemijija junuhuni jihuna'e niarevara. 'Ene nú ea papisimisame 'urahoju. 'Ene Godoni irijaho unenu 'aho'a ijí pu'úmo ahuvi'i 'warahuna pana kaivo nimaijino epuni una'a vene 'ee Godoni una'a 'u'o 'waravura.

Karesia 1:6

'Ene na niho'o puruva retiu. Ijihuni maijaho Godi ka'ene Keriso oni vaji maiji vwihanúe 'umenuajaho ja nimarako rana'i vo vu'a ani'ina maiu'ina 'ararihau.

Karesia 2:4

Ijihuni maijaho vwehu nuna 'aho'a ira 'atijino júhi roe kúme núra Jesu Keriso oni vaji ahija varapa pa'a ijí matauma hinojujihi kúmareje aheruma va'e sisea huni harura hari hi'avarono avajara.

Karesia 4:17

Ira'ata najahi'inijija pu ura rena para'eju'e ja saravu. 'Enakaivo pu mamaa'e ve'irono sarahuna pana kaivo pu ja tanu'urihe ja nuna paro'avarono avaju. 'Ejakame ja puni ura ija'ina'e ve'avarono avaju.

Karesia 5:10

'Ene na Natohwi jihuni vaji nimaa vetiujaho ja vwiha 'aho'a karaa ani pa'ekahuna. 'Enakaivo ea ka'ene joni vwiha veju'e puruva retiujaho hu ea irara avamajaho hu mai'o huni eha apehuna.

Karesia 5:12

Maijaho ea ka'ene ja ruarahujija sisa 'ee maiji'i maho'o 'uhuahe paare'ipisa mamaa veja'a.

Karesia 6:17

Iviamai iki rene iki kaha ijaho ja ea pina varapa 'aho'a nununaa pave'avara. Ijihuni maijaho Jesuni jihuna'e na sise'i 'ahiari matana 'avena nuni haha 'aha navu.

2 Timoti 2:18

Ea ikija 'unama nimaijaho are'i kaivo 'unama ani va'i'i ijá 'wavu Kwamasahe 'urihunijaho nirejume paranana 'wavu. 'Ene ea 'ahopuni nimairoa ruarahe veju'e puruva retiu.

1 Joni 2:26

Erapo jaa'e pisiviu jihuna'e ikaho na jona'e veju.

1 Joni 4:1

Ehu nuna ka'ene na ja oja mihi'inakije ja 'avena mapokakija panimaa veti'avara. 'Enakaivo 'avena kajija vene kive Godoni rena rou ho pa'ajaho ki'avara. Ijihuni maijaho poropetia ira'asina mapoka mwe'akino ojura.

2 Joni 1:10

Ea 'ahopo ja naja'iro ro'i kaivo ijí raka ka'ene najahaji paapene roa ki'avajaho pa'warave joni sea roe 'ee pa'ajo'avara.

2 Joni 1:7

Ira'asina mapoka iki mwe'i ani rene va'u. 'Ena'omo pu Jesu Kerisoho haha paapenana 'wavura. Pu niho'o ira'asine 'ee Keriso oni nana'eji'ina.

Juta 1:4

Ijihuni maijaho ea 'aho'a iviamaa ja paki'eju'e nisareri joni vaji vu'e ijá 'iavo Godira nú vwihanúe aremu jihuna'e nú 'unama sisea veji'i hihuna 'iavu. Ea kajija nitama iji pijihareja 'otua vetihuna'e 'waramana. Pu ea sisea'omo Godoni maiji vwihanúajaho ta'arohe apene 'uname sisea 'uasa vene 'ee núni Natohwa ka'ene Jesu Kerisoho hemahu.

Revaresiani 12:9

Ijí anaka ni'ina ka'ene pi'onavajaho hu tapara nitama orijine huni iha 'u'o 'avena sisea 'ee Setanina. Hu ea maho'o ka'ene iki mwe'i hijujaho pisimiu jihuna'e hu huni 'ona oji'inijihi pu'úmo ato'arumaume mwe'i roara.

Revaresiani 13:14

Uneunecha ani ani'ina ka'ene hu venajaho hanuha amuri jihuni una'i huna venahana. 'Ene hu mwe'a ikehuni ehijijija maho'o pisimisamana. Hu mwe'a ke'ura 'waravume hanuha amura ka'ene so'wi pijahara'omo 'urinajihu vare'ina veha 'iamana.

Revaresiani 19:20

Hanuhijine 'ee poropetia ira'asina ka'ene ea areri pavehuni uneunecha hanuhi jihuni una'i venaji ija kamoravara. 'Ene ea ka'ene hura pisimiume hanuhi jihuni aacha apene 'ee ea hanuhijihu vare'ina ka'ene iji vejaji oja mahajihuna'e pu no'o mai'o hi'eme veni vaji ato'arumaume vena ka'ene marekiji'i reji'i namuji reju.

Revaresiani 2:2

Jara raka ka'ene vejajijahija Na nihena kivu. Jara Nuni kaukara'e harura vena ve'eju'e erapo jaa'e sise'i 'ahiu'ukamare'e ja matauvujaho Na nihena kivu. 'Ee ea sisesa kivujaho senavura. Ea irahipo apasorua 'iavujija ja pu vena kivura. 'Ene ja pu vena kivajaho pu apasorua pana vo pu ira'ata kivara.

Revaresiani 2:20

'Enakaivo Na unenu kwinu jara vejuji Na kivujaho patea manimu. Ja napara Jesaperi ka'ene hu poropeti 'iamuji tinia aremahu'e hu Nuni ehija ka'ene Nuni iraru hena veji'ina najahi'i pisimie aherame ani ruva'una. 'Ejume pu 'uasa vene 'ee godi ira'ati jihuni 'iruma swasa vena ijura.

Revaresiani 2:6

Joni mamaijaho ikena. Jara ea ka'ene Nikoretani 'wavu jihipuni 'unama sisea senamu ja'ina'e Na 'u'o puni 'unama sisea kivujaho senimu.

Revaresiani 20:3

'Enarena ma'oa ka'ene tiha pa'ajihuni vaji pi'ona'ika'i vwicha kuturahe tanuma paranana. 'Ejakame hu kú'o kwaa kwaki ea papisimi'amarono avanana. 'E'eje ijí juara mapoka mapoka (1,000) pa'are'eje iji'a vwicha tirasame 'ee senia rasamahakame 'aha ma'uako 'urahohuna.