Joni 9:35 - Godoni vuʼa maiuʼina

³⁵ Jesura henajaho pu ranavume hu samai va'ana'e henana'omo piunamarena ijá 'wama 'Ú a Emaa Puni Harihijaho nimaa rono? 'wamana.

Joni 9:35 ပူးပေါင်းရင်းမြစ်များ

Matiu 14:33

'Ejumakame ea ka'ene sisima vaji hijajipo Hu oja mahi'i ijá 'wava A nimaa'e Godoni Hariha 'wavara.

Matiu 16:16

Saimani Pitara eha vene ijá 'wama A Kerisona. A Godi ka'ene mai'o hiji'inijihuni Hariha 'wamana.

Matiu 4:3

'E'eme 'avena sisei roe ijá 'wama A Godoni Hariha re'amajaho veje munakaho puretia renama 'wamana.

Maka 1:1

Jesu Keriso ka'ene Godoni Harihijihuni vu'a maijihuni aneja.

Joni 1:18

Vei pini emai Godi kahuna niho'o pana kaivo Huni Hariha nikwinu'wi ka'ene Omahoni vaji hinujara Hu kame ea 'aho'a najahe 'waramuna 'iamana.

Joni 1:34

Na kavuji ja 'waravu. Ikaho Godoni Hariha 'iamana.

Joni 10:36

Ja Ea ka'ene Amora iji pijaharena ranavume iki mwe'i roaji 'ijaha avajo? Ijihuni maijaho Na Godoni Hariha 'iavu jihuna'e avajo?

Joni 11:27

'Ejume hu ijá 'wama I'a Natohwe na niho'o nimaa nimaa roju. A Keriso Godoni Hariha'omo A iki mwe'i roana 'wamana.

Joni 20:28

'Ejume Tomasi eha vene ijá 'wama Nuni Natohwe 'ee nuni Godi 'wamana.

Joni 20:31

'Enakaivo vu'a ike vejajihuni maijaho Jesuho Kerisone 'ee Hu Godoni Harihijina 'omo ijí nimaa ro'avajaho Huni iha 'ahi majama hihuna apehuna.

Joni 3:36

Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henare'e pavenujaho hu majama pahihuna. 'Ejukame Godoni sena huni haha 'ahi namu.

Joni 5:14

Túna'i Jesu ea kajaho Temiporu vaji piunamarena ijá 'wama Hena! A ivi'a maranaanakúne a kú'o sisea pave'amana. 'Ejakame unenu pina sisemaa kú'o oni haha 'aha parena'amana 'wamana.

Joni 6:69

'Ena'omo iviamaa nú nihene 'ee nimaa rojujaho A ariramaa ka'ene Godoni rena roajina.

Joni 9:22

Ija'ina emahwapo 'warava jihuni maijaho pu Jua juhama avajara. Ijihuni maijaho Juapo ika 'iava jihuna'e ea irara Keriso rone 'wara'amajaho hu Sinakoku tanu'urahe pavu'e aruhuna 'iava jihuna'e avajara.

Joni 9:34

'Ejume pu eha vene ijá 'wava A niho'o sisea vaji nahenana kaivo a nú najuho? 'wa'ikaivo hu ranavume samai va'ana.

Akisi 8:36

'Enareja pu 'unamutoi va'ari vaja kajino roe toa rori usevi'i Unikia kajara ijá 'wama Kama! Toa karena kaivo rakijara tanu'urihu'e na toa paapúsami'ena? 'wamana.

Akisi 8:37

'Ejume Piripu ijá 'wama A oni ojiji'i nimaa rona para'amajaho a arerina. 'Ejume hu eha vene ijá 'wama Na nimaa roju. Jesu Kerisoho Godi Oni Hariha 'wamana.

Akisi 9:20

'Enarena hu va'e Sinakoku vaji aneja vene Jesu rone najahe ijá 'iama Hu nimaa nimaa Godoni Hariha 'iamana.

Romani 1:4

'Avena ka'ene arimaijara 'warumajaho Hu Godoni Hariha ka'ene haruriji'i kwama 'urinajine 'ee Hu Jesu Keriso ka'ene núni Natohwijina.

Romani 10:20

'Enakaivo Aisea 'u'o ika'ina 'waramana Ea ka'ene maraku'a Na pasarivajija iviamaa pu Na piunivara. 'Ene ea ka'ene Na pasarime aporavajihi Na pununa'i samaahiravuta 'úmana.

1 Joni 4:15

Ea irara Jesuho Godoni Hariha 'iamujaho Godiho huni vaji hinu 'ee hu Godoni vaji hinu.

1 Joni 5:10

'Ene ea irara Godoni Harihiji nimaa ronujaho hu ori'ini hena kamuna. Ea irara Godi panimaa ronujaho hu Hua veju'e ira'asina'e renu. Ijihuni maijaho raka ka'ene Godira Huni Harihiji rone 'waramajaho panimaa ronu.

1 Joni 5:13

Ike raka ka'ene na vejukaho ja ea irahipo Godoni Harihi jihuni ihiji nimaa rojujihi puna'e veju. 'Ejakame ja majama hihuna ka'ene apejaji hena ka'avarono veju.

1 Joni 5:20

Nú niheju. Godoni Harihijaho niroana. Hu nimaiji hena kahuni henaka ijaho múhana. 'Eju'e nú Huni hariha Jesu Keriso ka'ene nimai jihuni vaji hiju. Ijaho Godi nimaa ka'ene majama hihunijina.

1 Joni 5:5

Ea irara mwe'akaho asimune? Ea irara Jesuho Godoni Harihiji nimaa ronujarana.

3 Joni 1:10

Ijihuni hahi nara roujaho hura uneunecha ka'ene sisei venajaho 'eka ro najahuna. Hu núnuna'i ira sisea 'warume 'ee namuhuna. Hu vwehu núna ka'ene apiorijija paaherame 'ee ea 'aho'a tanu'urihu'e pu 'u'o ija'ina vejura. 'Ene ea 'ahopo apiora 'eka'ujaho hu pu tanu'urihu'e sosia paro'i kaivo samai hijura.