Joni 6:70 - Godoni vuʼa maiuʼina

⁷⁰ Jesu eha vene pu ijá 'iama 'Ú Na onuno ja ea iropu ropu no'o iji papijihute? 'Enakaivo joni vajaki ea kwinu 'avena sisea 'iamana.

Joni 6:70 ပူးပေါင်းရင်းမြစ်များ

Joni 13:18

Na ja eaka mapokakaho parona 'waravu kaivo Nara iji pijihujaho Na nihena kivu. 'Enakaivo Godoni ira vaji ika'ina ka'ene 'waramajara roe nimaa renu. Ea ka'ene puretia Nuna'e inujara huni ateja tajahene Na ninamiana.

Joni 13:2

Pu hine 'iruma i'eme 'avena siseijara Jutasi Isikariatiho Saimani oni harihi jihuni oja vaji Hu nahama 'warahuni vwiha niranamana.

Joni 13:21

Jesu ijí 'waramajino Hu oja tura'i 'ahaume Hu ijá 'iama Na nimaa nimai ja 'waravu. Ja ei pini Na nahamihuna 'iamana.

Joni 13:27

Hu puretia ape i'eme Setani hu ajimana. 'Ejume ijihuna'e Jesura ijá 'wama A raka ve'i 'aha'amajaho mamako vena 'wamana.

Joni 15:16

Ja Na iji papijihara kaivo Nara ja iji pijihuta. 'Ene Na ja irechamiu. 'Enakúne ja va'e 'ina mapoka re'avara. 'Ejakame joni 'ina kajija majama hihuna'e re'avara. 'E'ira'omo ja Nuni ihi 'urahe raka Amo jari'avajaho Hu ja vajihuna.

Joni 15:19

Ja mwe'a kehuna re'ipisa ja hunijihuna'e hu ja oja miha'a. Ja mwe'a kehuni vajakino Nara ja iji pijihe 'ekauta. Ijihuna'e mwe'akaho ja senavu.

Joni 17:12

Na pu pu'úmo hijuti veijino Na Oni iha 'ahi pu 'ajohauta. Ea ka'ene Ara vajihajija Na pu hami 'ajohauta. 'Ejume ea pina niho'o paranamia va'ana kaivo ea kwinu'wi sisemaa ijara va'ume pa'arenana 'Ejume Godoni irijarahara 'waramajaho ro nimaa'e renana.

Joni 2:2

Jesuho Huni tisaiporu pu'úmo ea ka'ene napasi neja kajipo 'waravume roara'omo ijí hijara.

Joni 20:24

'Enakaivo Tomasi ka'ene Titimasiho ea iropu ropu no'o ijihi puni ea pina'omo vea ka'ene Jesura roajaho hu ijaho pahinana.

Joni 6:64

'Enakaivo ja ea 'aho'a panimaa roju 'iamana. Nitama anejijino ea irahipo Hu panimaa rohunijaho Hu nihena kime 'ee ea irara Hua'e nahamahunijaho Hu nihena kamana.

Joni 6:67

'Ejume Jesu ea iropu ropu no'o ijí ijá 'iama Ja 'u'o ijihuna'e Na ranamie ani va'eja? 'iamana.

Joni 6:71

Jutasi Isikariati ka'ene Saimani oni harihiji rone 'waramana. Ijihuni maijaho hu ea iropu ropu no'o puni vaji ea ka'ene Hua'e nahamahunijina.

Joni 8:44

Ja oma jona ka'ene Setani oni harihija. Ijihuni hahi ja ura oma jona kajara venuja'ina ve'iro 'ahiu. Nitama anejijino rene hu ea 'aniuna. 'Enakaivo hu 'unama nimaa nimaijaho niho'o pahihuna. Ijihuni maijaho nimaa nimaijaho huni oja vaja panamuna. 'Eju'ukame huni vaja ira'ati rarena jihuna'e hu ira'ataru 'waramuna. Ijihuni maijaho hu ira'asine 'ee ira'asine puni oma.

Akisi 1:17

Hu nú pu'úmo hinone 'ee kaukara ka'ene núra vejukehuni pwinana'a renana.

Akisi 13:10

ijá 'wama A niho'o 'avena sisei jihuni hariha. A uneunecha ka'ene mamaijihipuni nana'eji'ina. 'Ene ira'ata uneunecha ka'ene siseijipo oni oja vajijaho rarejara. Ijihuna'e na'ia mapoka a Natohwijihuni 'unama ariramaijaho a 'eke siseimaa venujaho vecha are'ena?

1 Timoti 3:11

'Ene 'unama nikwinu'ina kajino napahwaha epuni hura veji'ine 'ee ea 'ahopuni vu'a sisea pakosarame oji'ine 'ee opuipo hami 'ajo'aravi'ine 'ee uneunecha maho'o ariraru pauchauchahi veji'ina.

Taitasi 2:3

'Ene paranaha 'u'o 'waravakame pu 'unama maaru vene pu majikari ea panamahe toa sisea puni harura hara pahija kaivo pu uneunecha ka'ene mai ijihunijiru naja'avara.

1 Joni 3:8

Ea irara sisea venujaho hu 'avena sisei jihuni ea. Ijihuni maijaho 'avena siseijaho nitama anejijino sisea venana. Godoni Harihijara roajihuni maijaho 'avena sisei jihuni kaukara tiraku'i roana.