Joni 6:40 - Godoni vuʼa maiuʼina

⁴⁰ Ikaho Nuni Oma ka'ene Na ranamiume roujara ura renujina. Ea irara Hariaha kame nimaa nimaa ronujaho hu niho'o majama hihuna. Ijihuni hahi mwe'akara mai'o pa'are'amani veijino Na onuno veje pu ni'aha kwinu 'urihuna 'iamana.

Joni 6:40 ပူးပေါင်းရင်းမြစ်များ

Matiu 10:15

'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Matiu 25:46

'Ejakame pu va'ajime va'a vena ka'ene majama reji'i namujino vahuna. 'Enakaivo vu ea ka'ene ariramaa ijijahija va'e majama hihuna 'iamana.

Maka 16:16

Ea irara nimaa roje toi apúsave 'uri'amajaho hu majama hihuna. 'Enakaivo ea irara panimaa ro'amajaho hu 'otua vene eha sisea apehuna.

Ruku 2:30

Ara Oni Ni'ajúhi'ina ka'ene ea mapokakihi puni una'i amairiaramajaho na nuni niakino kavu.

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

Joni 10:28

Na pu majama hihuna vajihu jihuna'ee pu papa'arehuna. 'Ee pu Nuni ija tahi hijujihuna'e ea 'ahopo 'etujihuna areria pana.

Joni 11:24

'Ejume Mata ijá 'wama Na niheju. Vea túchamaa ka'ene ea mapoka kú'o 'uri'avari vea kajino hu 'urihuna 'wamana.

Joni 11:25

'Ejume Jesu ijá 'wama Na ea ka'ene kwamasahi'ina vena'e kú'o 'urihunijina 'ee Na majama hihunijina. 'Ena'omo ea irara Na nimaa ronujaho hu kwahuna vo majama hihuna.

Joni 12:45

Ea irara Na kimujaho hu Godi ka'ene Na ranamiume rouji kamu.

Joni 12:50

Na niheju. Hura raka ka'ene 'waramajara veje majama hihuna. Nara raka ka'ene 'waravujaho Amora Na 'warima ja'ina'e 'waravu 'iamana.

Joni 14:17

Godoni 'Avena ka'ene nimaa nimaijaho mwe'akaho Hu niho'o paapehuna. Ijihuni maijaho mwe'akaho Godi pahene pakavu jihuna'e paapehuna. 'Enakaivo Hu ja pu'úmo joni oja vaji hinujihuna'e ja Hu niheju.

Joni 14:19

'Enakaivo Na iki ma'uako hihuna kaivo ea ka'ene mwe'aki hijujija pakimamaa pakihuna kaivo ja Na kihuna. Ijihuni maijaho Na majama hijuja'ina'e ja 'u'o ija'ina majama hihuna.

Joni 17:2

A Hu harura ea mapoka asitahuna mahana. 'Enajihuna'e A ea ka'ene Hu vajahajija Hu pu majama hihuna mihuna.

Joni 3:36

Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henare'e pavenujaho hu majama pahihuna. 'Ejukame Godoni sena huni haha 'ahi namu.

Joni 4:14

'Enakaivo ea irara toa ka'ene Nara mahuji i'amajaho hu kú'o toa pahuahuna. Ijí toa ka'ene Nara hu ma'ujara huni oja vaji namareje toa úja ajime arihareje ijara vejakame majama hihuna 'wamana.

Joni 5:24

Na niho'o nimaa nimai ja 'waravu. Ea irara Nuni ira hene nimaa rone Godi ka'ene Na ranamiume rouji nimaa ronujaho hu majama hihuna niapenana. Ijihuna'e hu 'otua pavehuna kaivo Hu kwahunijaho niare'ika'i majama hihuni ruhijino roana.

Joni 6:27

Ja 'iruma ka'ene pa'arehuni jihipuni kaukara pave'avara kaivo 'iruma ka'ene majama nahuni jihipuni kaukara ve'avara. Ijaho Emaa Puni Harihijara ja vajihuna. Huni haha 'ahi Amo ka'ene Godiho Huni tatua ranamana.

Joni 6:39

Ikaho Nuni Oma ka'ene Na ranamiume roujara ura renujina. Ea ka'ene Hura vajihajijahija Na kwinu paranahuna kaivo mwe'akara mai'o paare'amani veijaho Na veje pu ni'aha kwinu 'urihuna.

Joni 6:44

Ea pina Nuna pamajikari rohuna kaivo Amo ka'ene Na ranamiume roujara hu tairie Nuni rohuna. 'E'ira'omo vea túchamaijino Na veje hu ni'aha kwinu 'urihuna.

Joni 6:54

Ea irara Nuni haha ine 'ee 'aa i'amajaho hu majama hihuna. 'E'ira'omo vea túchamaijino Nara veje hu ni'aha kwinu 'urihuna.

Joni 8:56

Joni oma Eparahamiho Nuni veiji kahuni jihuna'e niho'o teamama paranana'omo hu kamarena teamamana 'iamana.

Romani 5:21

Ni areri sisei jihuni 'unamijara natohwa rejume kwamasaha ja'ina'e vu ma ijí vwihaniujaho arimaa ijihuni vaji natohwa'e rene núni Natohwa Jesu Keriso oni vaji majama hihuna.

Romani 6:23

Sisei jihuni 'ehijaho kwamasahuna kaivo Godira swara ka'ene mamúhajaho Jesu Keriso ka'ene Natohwi jihuni vaji majama hihuna.

2 Koritia 4:6

Ijihuna'e Godira ija'ina'e 'waramana. Ira nututa vajijino hanahuna 'iamana. Ijaho Hura núni oja vaja veju'e hanavu'e Godoni henaka ijihuni mamaijaho Keriso oni urania vaji kahuna.

Hipuru 11:1

Nimaaroijaho irake? Raka ka'ene 'ajaha hijujara mai'o rehunijina. Nimairoa pinijaho raka ka'ene mai'o rehuniji nimaa ronare'e 'ajaha hijujina. Nimairoa pinijaho nú núni niakaho pakavu'u vo ijara rehuniji nimaa rojujina.

Hipuru 11:27

'Ene nimairoa vajijino Mosisi Ijipiti opuni kwaa aremana. Hu kinijihuni sena pajuhamana. 'Enavo Mosisiho Keriso pakamana vo nimairoa vajijino Hu kavi'i va'ana.

1 Pita 1:8

Ja Hu pakavu vo ja Hu oja mahu 'ee ja Hu iviama pakavu vo ja Hu nimaa roju. Ijihuna'e ja ni'ima'ura temarasahe 'ee temara ka'ene niho'o ira areri pa'warahunijino aromahuna.

1 Joni 2:25

Ikaho Hura iraka ka'ene mú'irono nahama 'warumajina majama hihuna.

Juta 1:21

'Ene Godira oja múhana vajijino hiji'i núni Natohwa Jesu Kerisora numiruma va'e majama hihuniji 'e'uhuniji 'ajaha hi'avara.