Joni 6:29 - Godoni vuʼa maiuʼina

²⁹ Jesu eha vene pu ijá 'iama Godoni kaukara ikena. Ea ka'ene Hura ranavume roaji ja Hu nimaa nimaa ro'avara 'iamana.

Joni 6:29 ပူးပေါင်းရင်းမြစ်များ

Matiu 17:5

ni'aha kwino 'imitia hanaji'ina puni hura kajaho sa'eme 'imitia vaja kajino ira roe ijá 'wama Ikaho Nuni Hariha ka'ene Na niho'o ura renia paraju'e oja mahi'inijinakúne ja Huni ira hami he'avara 'iamana.

Maka 16:16

Ea irara nimaa roje toi apúsave 'uri'amajaho hu majama hihuna. 'Enakaivo ea irara panimaa ro'amajaho hu 'otua vene eha sisea apehuna.

Joni 3:36

Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henare'e pavenujaho hu majama pahihuna. 'Ejukame Godoni sena huni haha 'ahi namu.

Joni 5:39

Ja Godoni Ira tahe saravu jihuni maijaho ja vwihajujaho ijihuni vaji majama hihunijaho ape'eja roju. 'Enakaivo ijí ira kajaho Naa'e rone 'waramuna.

Joni 6:28

Pu ijihuna'e ijá 'wava Nú iraka'e ve'avajino Godi oni kaukara vena'eja? 'wavara.

Joni 6:38

Na kahi akúpi 'ahi rene roujaho Na Nuni ura pave'i routa kaivo Godi ka'ene Na ranamiume roujara ura renujiru ve'i routa.

Joni 6:57

Oma ka'ene majama hiji'inijara Na ranamiume routa. Nara hijujihuni maijaho Amora hinujihuna'e hiju. Ea irara Na ini'amajaho Nara rejujihuna'e hu majama hihuna.

Akisi 16:31

'Ejume pu hu ijá 'wava Jesu ka'ene Natohwiji nimaa rojakama'e aa'e oni kachi'ina 'u'o ni'ajihe maraniama 'wavara.

1 Tesaronia 1:3

Na'ia mapoka'e jara nimaa rohuni kaukara ijí vene 'ee ea oja mihe 'ee nimairoa ka'ene núni Natohwa Jesu Keriso oni vaja 'ee núni Godi 'ee Omijihuni una'i ija kisina 'unama hijuji vwihaniura.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Jemisi 2:22

A ivi'a huni nimairoa 'ee huni kara mamaiji'i ahume kaukara venajaho nikamo? Ijihuna'e huni kara mamaijara renajihuna'e huni nimairoa roe areri renana.

1 Joni 3:23

Ikaho Huni tamana. Nú Huni Hariha Jesu Keriso oni iha nimaa rone 'ee ea 'aho pu'úmo oja 'ekarahuna areri Hura 'waruma ja'ina'e vehuna.

1 Joni 5:1

Ea irara Jesuho Keriso nimaa ronujaho hu Godoni vaji nahejara. 'Ene ea irara Amo oja mahujaho hu Huni hariha ka'ene Huni rena roaji 'u'o oja mahu.

Revaresiani 2:26

'Ene ea ka'ene sisea'e piunamareje harura ni'ima'ura ijí vene asitahe 'ee Nuni ira hene vena va'u va'u uri 'e'umajaho Na hu Jenitaru 'ajoahuni harura mahuna.