Joni 5:19 - Godoni vuʼa maiuʼina

¹⁹ 'Ejume Jesu eha vene ijá 'iama Na nimaa nimai ja 'waravu. Godoni Hariha Hu Huni vwiha ijaho niho'o pavenu kaivo raka ka'ene Hu ka'eju'e Omahi venujiru venuna. Uneunecha mapoka ka'ene Omahi venujaho Hariaha 'u'o ija'ina venuna.

Joni 5:19 ပူးပေါင်းရင်းမြစ်များ

Matiu 26:39

'E'eme Hu ma'uaku'wi kahakaru vanamarena'a iji'a mwe'i 'one siporua 'one ijá 'wama Amo ike kapusia ikaho maka'eje asitiha ruva'ama kaivo ikaho Nuni ura pana 'avo Oni urijara renama 'wamana.

Ruku 21:15

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Joni 10:18

Ei pini Na apenie va'a 'anihuna pana kaivo Na Nuni ura ijino pu mihakame pu 'anihuna. Nuni harura areri namuna'omo Na pu mihe 'anihuna kaivo Nuni harura areri namujihuna'e Na kú'o 'unama apehuna. Ike vu'akaho Amouna'i apejuta 'iamana.

Joni 12:49

Na Nuni vwihaijaho ja pa'waravu kaivo Nara raka ka'ene 'waravukaho Amo ka'ene ranamiume Na roujara raka ka'ene 'wara'urono 'warimaji 'waravu.

Joni 12:50

Na niheju. Hura raka ka'ene 'waramajara veje majama hihuna. Nara raka ka'ene 'waravujaho Amora Na 'warima ja'ina'e 'waravu 'iamana.

Joni 14:10

Amoho Nuni vaji hiju'e Na Amoni vaji hijujaho ja panimaa roju'u raka? Vu'a ka'ene Nara ja 'waravujaho Nuni vwihajaho pana kaivo Amo ka'ene Nuni vaji hinujara Huni kaukara vene avanu.

Joni 2:19

'Ejume Jesura pu eha ijá 'iama Temiporua veje tira'usunaha kamareje na'ia no'opisu Na kú'o veje 'urina namihuna 'iamana.

Joni 3:3

Jesu eha vene ijá 'wama Na nimaa nimaa a 'waravu. Ea kú'o panahe'avajaho hu Godoni ara pakahuna 'wamana.

Joni 5:21

Areri Omahi vejume kwamasahi'ina hijuja'ina'e Hariahi ea ka'ene Hu ura renujija 'u'o majama hihuna mihuna.

Joni 6:38

Na kahi akúpi 'ahi rene roujaho Na Nuni ura pave'i routa kaivo Godi ka'ene Na ranamiume roujara ura renujiru ve'i routa.

Joni 8:28

'Ejume Jesura ijá 'iama Vea ka'ene ja Emaa Puni Harihiji 'unama apena ahasiri'avajino ja Na Ea iraho hena kihuna. Nara unenu'u pina Nuni vwihai vehuna pana kaivo Amora najihajiru Na veju.

Joni 9:4

Nú Godia ka'ene ranamiume roujihuni kaukara iviamaa vea nituma namukeno vehuna. Ijihuni maijaho na'ia rouna'omo ea areri kaukaraa pavehuna.

Akisi 2:24

'Enakaivo Godira vejume Hu kú'o 'urinana. 'Enarena kwamasahe haha ka'ene hehunijaho pa'arenana. Kwamasahuri harurijara Hu 'unanahuna areri pana.

Romani 6:4

'Enajihuna'e Hura kwamajino nú 'u'o pu pu'úmo kwamasahara'omo Amo oni haruri vejume Kerisoho 'urina ja'ina'e nú 'u'o ija'ina'e 'urine 'unama maiu'ini 'urahe ohuna.

Romani 8:11

'Ene Godoni 'Avena ka'ene Jesu vejume kwama 'urinajara joni oja vaji hi'amajaho ja kwamasahuna vo Hura vejume Jesu Keriso 'urina ja'ina'e Huni 'Avena ka'ene joni vaji hinujara venae ja 'u'o 'urihuna.

1 Koritia 15:12

'Enakaivo iviamaa Kerisora kwama 'urinaji rone najahujaho ja ichá'ina'e vene ea 'aho'a joni vajakaho ijá 'wavo Ea ka'ene kwamasahi'inijija pa'urijura 'wavu.

2 Koritia 4:14

Ijihuni maijaho nú nihene kavu. Godi ka'ene Natohwa Jesu vejume 'urinajara venu'e nú 'u'o 'urine Jesu pu'úmo ahume Huni una'i vahuna.

2 Koritia 5:10

Ijihuna'e nú ea maho'o Keriso oni 'otua asúki ijihuni una'i namihuna. 'Ene nú ea kwinu kwinu núra hahiji'i hijari veijino ichá'ina ka'ene mamaa ho sisea vejajaho eha areri ija'ina'e apehuna.

Epasasi 2:5

'Ene nú siseijara venume kwamasahara vo Hu venume nú Keriso pu'úmo ahuma mai'o hiju. Ijihuna'e maiji vwihaniajara vejume ja maraniana.

Epasasi 3:16

'Ene Hura Huni uneunecha mapoka ka'ene pinana rukinijija ja vajihuna. 'Ejakame Huni 'Aveni jihuni harurijara harura mihe ni'ajihe joni oja vaja areri renaama.

Piripai 3:21

Hura núni haha harura pa'ana ka'ene kwamasahuni hahakaho veje arohe Huni haha ka'ene hanaji'ini ja'ina'e rehuna. 'Ene Huni harura kajara reje uneunecha maho'o roe Huni harura hari nahuna.

Piripai 4:13

'Ene uneunecha maho'o Huni vaji Hura harura mi'eje na areri ve'eju.

Korasia 1:11

'Ene ja Huni hanaji'ina vajijino harura maho'one 'ee vivinui matauma hine 'ee ata kairasahe hihunijaho 'ekakame niho'o temarijara joni vaji rarena'e parani'amana.

Korasia 1:16

Ijihuni maijaho uneunecha kivura ho pakivujaho maho'o mwe'a 'ee akúpa 'ahi navujaho Hura venana. 'Ene Hura kiniepo 'ajoahuri ara kwaa 'ee 'ajohai'ina 'ee Huni harura hari hijujija irechamie 'ee uneunecha maho'o kija Hura venarena Huna'e venana.

1 Tesaronia 4:14

Nú Jesura kwame kú'o 'urinaji nimaa ro'avajaho Godira ija'ina'e ea ka'ene Jesuni vaji kwamasahajija Hu hu'úmo aherame rohuna.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

Revaresiani 2:23

'Eje Nara sesahwaha kwamasahunijine 'anihuna. 'Ejakame sosia maho'o hena ki'avajaho Na Godi ka'ene epuni vwiha 'ee oja tine kivi'iniji kihuna. 'Enareje jara iraka ka'ene vejajaho Na eha ija'ina'e areri vajihuna.