Joni 20:15 - Godoni vuʼa maiuʼina

¹⁵ 'Ejumakamarena Jesura hu apoma ijá 'wama Napare A rakijihuna'e niramo? A irá samo? 'wamana. 'Ejume hu vwihanajaho Hu juara anesura ro'ikaivo ijá 'wama Ara reha Hu apena va'e ani ranamana'e re'amajaho a ichá ranamajaho 'warive na va'e Hu apejuma 'wamana.

Joni 20:15 ပူးပေါင်းရင်းမြစ်များ

Matiu 12:34

'Enakaivo ja iviamaa hijujija tapara sisesa ijina. 'Ena'omo ja ichá'ina'e unenu'u pina ka'ene maijaho 'wahune? Irijija raka ka'ene oja vaji rarejujiru 'wavura.

Matiu 28:5

'Ejumakame ona oji'ina kajara eha vene napara kajija ijá 'iama Juvujaho areha. Na nihena kivu. Ja Jesu ka'ene pura icha 'ahi 'anaaji ka'i 'ahiume roajivara.

Maka 16:6

'Ejume hu pu ijá 'iama Juvujaho areha. 'Ú ja Jesu Nasareti ora ka'ene pu korosi 'ahi 'anauma kwamaji savo? Hu kú'o 'urinana. Hura namajaho ikena kaivo Hu ikaho pahinu.

Ruku 2:44

Pu vwihajajaho Hu ea mapoka kajihipuni vaji va'u ronareja pu 'urina kwaa jora'e na'ia kwino va'areja ijí pakamareja aneja vene puni napuhija 'ee vwea vwina puni vaja kajino savara.

Ruku 24:5

Napara kajija niho'o tea juna'eme nuana vetiume parua kajipo ijá 'iava Ja ichá vene ea ka'ene kwamasahi'ina kihipuni vaji ea ka'ene mai'o hiji'inijaho savo?

Joni 1:38

'Ejume Jesu aroma kimajaho pu Hu 'ararihae va'ara. 'Ejume Hu aporama ijá 'iama Ja iraka savo? 'iamana. 'Ejume pu eha ijá 'wava Rapai (ijihuni maijaho Najahi'ina) A ichihi hinune? 'wavara.

Joni 18:4

'Ejumakame Jesu uneunecha maho'o ka'ene Hu re'iro vejajaho nihenana. 'Enarena Hu ro 'e'une va'e pu ijá 'iama Ja irá savo? 'iamana.

Joni 18:7

Jesu Hu kú'o aporama ijá 'iama Ja irá sama ojo? 'iamana. 'Ejume pu ijá 'wava Jesu ka'ene Nasareti orijina 'wavara.

Joni 20:13

'Ejume pu hu ijá 'wava Napara karera a raka vene niramo? 'wavara. 'Ejume hu ijá 'iama Erapo nuni Natohwa apena va'e ani ranavukame na puruva reniu'e ijihuna'e avaju 'iamana.